ఏపీ పురపాలక, పట్టణాభివృద్ధి శాఖ మంత్రి ఆదిమూలపు సురేశ్ ఇంట్లో విషాదం నెలకొంది. మంత్రి తల్లి థెరీసమ్మ (85) అనారోగ్యంతో కన్నుమూశారు. కొంతకాలంగా అనారోగ్య సమస్యలతో బాధపడుతున్న ఆమె.. హైదరాబాద్ లోని ఓ ప్రైవేటు ఆస్పత్రిలో చికిత్స పొందుతూ.. సోమవారం ఉదయం తుదిశ్వాస విడిచారు. ఉపాధ్యాయురాలిగా పనిచేసిన థెరీసమ్మ.. ఎందరో విద్యార్థులను.. ఉన్నత విద్యావంతులుగా తీర్చిదిద్దారు. కర్నూలు, ప్రకాశం జిల్లాల్లో ఉన్న డాక్టర్ ఆదిమూలపు శామ్యూల్ జార్జి విద్యాసంస్థలకు ఆమె ఛైర్ పర్సన్ గా ఉన్నారు.
- Advertisement -
థెరీసమ్మ మరణంతో మంత్రి ఇంట విషాద ఛాయలు అలుముకున్నాయి. ఈ రోజు సాయంత్రం 4 గంటలకు ప్రకాశం జిల్లా మార్కాపురంలోని జార్జి గ్రీన్స్ నందు అంత్యక్రియలు నిర్వహించనున్నారు. మంత్రి మాతృమూర్తి మృతి పట్ల పార్టీలకు అతీతంగా పలువురు నేతలు సంతాపాన్ని ప్రకటిస్తున్నారు.