జూనియర్ ఎన్టీఆర్ కు ఏ రేంజ్ లో ఫాలోయింగ్ ఉందో మనందరికీ తెలుసు. కానీ అమెరికాలోనూ ఆయన క్రేజ్ మామూలుగా లేదు. ప్రస్తుతం లాస్ ఏంజిలెస్ సిటీలో ఉన్న తారక్ వద్దకు ఫ్యాన్స్ ఎగబడి వచ్చే దృశ్యాలు వైరల్ అవుతున్నాయి. గోల్డెన్ గ్లోబ్స్ అవార్డ్స్ ఫంక్షన్ లో హాజరయ్యేందుకు ప్రస్తుతం తారక్ అమెరికాలో ఉన్నారు. ఆర్ఆర్ఆర్ టీం మొత్తం అక్కడే గత కొన్నిరోజులుగా ఉంది. అయితే లాస్ ఏంజిలెస్ లోని ఫేమస్ చైనీస్ థియేటర్ వద్ద జూనియర్ కు బ్లాక్ బస్టర్ వెల్కం లభించింది. తారక్ ను చూడగానే ఆయన ఫ్యాన్స్ ఒక్కసారిగా ఆయన మీదకు ఎగబడటం విశేషం.
ఇప్పటికే జూనియర్ కు ఉన్న క్రేజ్ ను చూసి హాలీవుడ్ సినిమాలో ఆయనకు మంచి రోల్ ఇచ్చేందుకు కొందరు హాలీవుడ్ డైరెక్టర్స్ స్కెచ్ వేస్తున్నారు. తారక్ కూడా సెలెక్టెడ్ హాలీవుడ్ డైరెక్టర్స్ తో భేటీ కూడా ముగించారని లీకులు వస్తున్నాయి. బాఫ్టా, గోల్డెన్ గ్లోబ్స్, ఆస్కర్ వంటి ప్రతిష్టాత్మక అంతర్జాతీయ అవార్డులకు ఆర్ఆర్ఆర్ సినిమా నామినేట్ కావటంతో మరోసారి తారక్ ఇమేజ్ విశ్వవ్యాప్తమవుతోంది.
