శాసనసభ్యుడిగా అరికెపూడి గాంధీ ముచ్చటగా మూడవసారి హైట్రిక్ విజయం సాధించినందుకు సందర్భంగా వి.శ్రీనివాస్ అనే కార్యకర్త యాదగిరిగుట్ట వరకు సైకిల్ యాత్ర ప్రారంభించారు. శేరిలింగంపల్లిలోని తారానగర్ లో గల శ్రీ శ్రీ శ్రీ తుల్జా భవాని అమ్మవారి ఆలయం నుండి ఈ సైకిల్ యాత్రను శేరీ లింగంపల్లి కార్పోరేటర్ రాగం నాగేందర్ యాదవ్ జెండా ఊపి ప్రారంభించారు. అంతకుముందు అమ్మవారి ఆలయంలో రాగం నాగేందర్ యాదవ్ సమక్షంలో వేద పండితులు ప్రత్యేక పూజా కార్యక్రమాలను నిర్వహించారు.
ఈ సందర్భంగా రాగం మాట్లాడుతూ ముచ్చటగా మూడవసారి హ్యాట్రిక్ విజయానికి దోహదపడ్డ నియోజకవర్గం ప్రజలకు ఆయన కృతజ్ఞతలు తెలిపారు. అరికేపూడి ఇకముందు కూడా నియోజకవర్గ అభివృద్ధికి తన శక్తి మేరకు కృషి చేస్తానని రాగం ఆశాభావం వ్యక్తం చేశారు. ఈ కార్యక్రమంలో తెల్లాపూర్ శ్రీనివాసరాజు ముదిరాజ్, భీమాని శ్రీనివాస్, వీరేశం గౌడ్, కటిక రామచందర్, డాక్టర్ రవి కుమార్, కొయ్యాడ లక్ష్మణ్ యాదవ్ తదితరులు పాల్గొన్నారు.
