రాయలసీమ నుండి ఆరుగురు ముఖ్యమంత్రిగా రాయలసీమ వాసులే పనిచేసిన నేటికీ రాయలసీమ వెనుకబాటుతనం పోలేదని, రాయలసీమ అభివృద్ధి చెందేది ఇంకెన్నడంటూ.. బైరెడ్డి రాజశేఖర్ రెడ్డి ఆవేదన వ్యక్తం చేశారు. చుట్టూ నీరున్నా వాడుకోలేని పరిస్థితిలో రాయలసీమ వాసులు ఉన్నారని బైరెడ్డి అన్నారు. ఈ నీళ్లను ఎక్కడికో తీసుకెళ్లి తమ ప్రాంతాలను సశ్యశ్యామలం చేసుకుంటున్నారని ఆయన మండిపడ్డారు. రాయలసీమ అభివృద్ధి చెందాలంటే సిద్దేశ్వరంలో నిర్మించ తలపెట్టిన తీగల వంతెనకు బదులు బ్రిడ్జి, బ్యారేజ్ నిర్మించాలని బైరెడ్డి రాజశేఖర్ రెడ్డి డిమాండ్ చేశారు.
- Advertisement -
కొత్తపల్లి మండలం సిద్దేశ్వరంలో తీగల వంతెన నిర్మిస్తే .. సెల్ఫీలు తీసుకునేందుకు తప్ప ఎందుకూ పనికి రాదన్నారు. ఈనెల 28న చేపట్టిన చలో సిద్దేశ్వరం కార్యక్రమానికి స్వచ్ఛందంగా వేలాది మంది తరలి రావాలని బైరెడ్డి రాజశేఖర్ రెడ్డి పిలుపునిచ్చారు.
