రాజన్న సిరిసిల్ల జిల్లా ఇల్లంతకుంట మండల కేంద్రంలో రోడ్డును ఆక్రమించుకొని మెట్లు, ర్యాంపులు పోస్తూ వాహనదారులకు ఇబ్బంది కలిగిస్తున్నా కూడా గ్రామ పంచాయతీ అధికారులు నిమ్మకు నీరెత్తినట్లు చూసీ చూడనట్లు వ్యవహరిస్తున్నారు. అనునిత్యం వందల సంఖ్యలో ఆ గల్లీలో నిరంతరం వాహనాలు తిరుగుతున్నా, వాహన చోదకులు ఇబ్బందులపాలవుతున్నా గ్రామపంచాయతీ అధికారులు పట్టించుకోవడం లేదు. గతంలో సర్పంచ్ కు ఫిర్యాదు ఇచ్చినా కూడా పట్టించుకోలేదు. ఇకనైనా ప్రత్యేక అధికారులు దీనిపై చర్యలు తీసుకోవాల్సిందిగా గ్రామ ప్రజలు కోరుతున్నారు.
