ఓవైపు ఆకలి కేకలు, మరోవైపు ఉగ్రదాడులతో దాయాది దేశం వణికిపోతోంది. ప్రార్థనల కోసం పెద్దఎత్తున తరలివచ్చిన జనంతో నిండిపోయిన పెషావర్ లోని మసీదులో తాలిబన్ ఆత్మాహుతి దాడికి పాల్పడింది. ఈ దాడిలో ఇప్పటికే 46 మంది మృతి చెందగా మరో 150 మంది గాయపడ్డారు. వీరిలో మరికొందరి పరిస్థితి విషమంగా ఉంది.
- Advertisement -
పోలీస్ లైన్స్ లో ఉన్న మసీదులో జరిగిన ఆత్మాహుతి దాడిలో బాధితులు అత్యధికులు పాకిస్థాన్ పోలీసులే కావటం విశేషం. పోలీసులు, ఆర్మీ, బాంబ్ డిస్పోజల్ స్క్వాడ్ కు చెందిన వారు ఈ జుహర్ (మధ్యహ్న నమాజు)లో ఉండగా వీరిని టార్గెట్ చేస్తూ తాలిబన్ ఆత్మాహుతి దాడి జరిగింది. నమాజు జరిగే సమయంలో మొదటి వరుసలో ఉన్న ఆత్మాహుతి బాంబర్ తనను తాను పేల్చేసుకున్నాడు. ఆఫ్ఘనిస్తాన్ లో ఆగస్టులో జరిగిన దాడులకు ప్రతీకారంగానే ఈ దాడి జరిగింది.
