మాజీ ఎంపి భూమా నాగిరెడ్డి 7వ వర్ధంతి మంగళవారం భూమా శోభానాగిరెడ్డి ఘాట్ వద్ద మాజీ మంత్రి భూమా అఖిల ప్రియ, ఆమె భర్త భార్గవ్ రామ్, యువనాయకులు భూమా జగత్ విఖ్యాత రెడ్డిలు ఆయన చిత్ర పటానికి పూలమాలలు వేసి ఘనంగా నివాళులు అర్పించారు. ఈ సందర్బంగా మాజీ మంత్రి భూమా అఖిల ప్రియ మాట్లాడుతూ ఆళ్లగడ్డ నియోజకవర్గ ప్రజల హృదయాలలో భూమా నాగిరెడ్డి శాశ్వత స్థానం సంపాదించుకున్నారని తెలిపారు. ఆయన అడుగుజాడల్లో నడవాలని అన్నారు. అనంతరం చాగలమర్రి మండలం పెద్ద వంగలి గ్రామాల నుండి భూమా కిషోర్ రెడ్డి అనుచరులు 150 కుటుంబాలు టీడీపీలో చేరారు.
భూమాకిషోర్ రెడ్డి వైస్సార్సీపీ లో చేరడం వలన ఆయన వెంట ఉన్న నాయకులు అసంతృప్తి చెందిన టి ఎన్ పుల్లయ్య, ఓబయ్య, హరి చంద్రారెడ్డి, వి నరసింహారెడ్డి, వి. విక్రమసింహ రెడ్డి, రమణ రెడ్డి, నాగేశ్వరావు, లక్ష్మయ్య వారి అనుచర వర్గం కిషోర్ రెడ్డి పార్టీ ని వీడి భూమా అఖిలప్రియ ఆధ్వర్యంలో తెలుగుదేశం పార్టీలో చేరారు. అలాగే రుద్రవరం మండలం ఈ లింగం తిన్న గ్రామానికి చెందిన మాజీ సొసైటీ చైర్మన్ గొడుగు నారాయణ తదితరులు వైకాపా నుండి టిడిపిలోకి 20 కుటుంబాలు చేరారు వారికి భూమా అఖిల ప్రియ పార్టీ కండువా వేసి టిడిపి లోకి ఆహ్వానించారు.
ఈ కార్యక్రమంలో కుటుంబ సభ్యులు, టిడిపి నాయకులు, కార్యకర్తలు, భూమా అభిమానులు పాల్గొన్నారు.
