ఎమ్మిగనూరు మండలం సిరాళ్లదొడ్డి గ్రామానికి చెందిన వైకాపా నాయకులు కార్యకర్తలు 80 కుటుంబాలు టిడిపి లో చేరాయి. ఎమ్మిగనూరు మండల టిడిపి నాయకుడు మురళి కృష్ణ రెడ్డి ఆధ్వర్యంలో స్థానిక మాజీ ఎమ్మెల్యే బీవీ నివాసంలో టిడిపి అభ్యర్థి బీవీ జయనాగేశ్వర రెడ్డి సమక్షంలో సిరాళ్లదొడ్డి గ్రామానికి చెందిన గొల్ల చంద్ర, పింజరి రాజ్ మౌళి బోయ రాజు సాయి తో పాటు మరో 80 కుటుంబాలు టిడిపి తీర్థం పుచ్చుకున్నాయి. టిడిపిలో చేరిన వారికి బీవీ జయనాగేశ్వర రెడ్డి కండువాలు వేసి ఆహ్వానించారు.
ఈ సందర్భంగా బీవీ జయనాగేశ్వర రెడ్డి మాట్లాడుతూ ఉమ్మడి టిడిపి, బీజీపీ జనసేన మేనిఫెస్టోకు ఆకర్షితులై టిడిపిలో చేరారన్నారు. వచ్చే ఎన్నికల్లో తెదేపా విజయం కోసం ప్రతి ఒక్కరూ కృషి చేయాలని కోరారు. సైకిల్ గుర్తుపై ఓటు వేసి గెలిపించాలని అభ్యర్థించారు. కార్యక్రమంలో టిడిపి మండల నాయకుడు మురళి కృష్ణ రెడ్డి సిరాళ్ల దొడ్డి ప్రజలు పాల్గొన్నారు.
