AP CM Chandrababu: రాష్ట్రంలోని మత్స్యకారుల సంక్షేమానికి, వారి హక్కుల రక్షణకు కూటమి ప్రభుత్వం అండగా ఉంటుందని ఏపీ సీఎం చంద్రబాబు నాయుడు స్పష్టం చేశారు. నెల్లూరు జిల్లా కావలి పర్యటనలో భాగంగా నిర్వహించిన మత్స్యకారుల సేవ కార్యక్రమంలో ఆయన ముఖ్య అతిథిగా పాల్గొన్నారు. ఈ సందర్భంగా రాష్ట్రవ్యాప్తంగా ఉన్న 1,30,796 మత్స్యకార కుటుంబాలకు వేట నిషేధ భృతి కింద రూ.20 వేల చొప్పున.. మొత్తం రూ. 262 కోట్లను సీఎం చంద్రబాబు విడుదల చేశారు.

మన తీరంపై మనకే హక్కు!: తీరం మనదే.. బోటు మనదే.. వేటా మనదే అని మాట్లాడిన సీఎం మత్స్యకారుల్లో భరోసా నింపారు. మన సముద్ర తీరంపై మన మత్స్యకారులకే సర్వహక్కులు ఉంటాయని అన్నారు. పొరుగు రాష్ట్రాల వారు వచ్చి ఇక్కడ వేటాడటానికి వీల్లేదని తెలిపారు. ఎవరైనా చొరబడాలని చూస్తే అస్సలు రానివ్వమని సీఎం తెలిపారు. తేల్చిచెప్పారు.

Also read-Rajini: ఎస్సీ, ఎస్టీ అట్రాసిటీ కేసు.. హైకోర్టు ఆదేశాలతో పాస్‌పోర్టు అప్పగించిన మాజీ మంత్రి

గత ఐదేళ్లలో పడిపోయిన వృద్ధి రేటు: రాష్ట్ర ఆర్థిక వ్యవస్థలో మత్స్యరactivity ప్రాధాన్యతను వివరిస్తూ.. గత ప్రభుత్వ తీరును చంద్రబాబు విమర్శించారు. వ్యవసాయం, నిర్మాణ రంగాల తర్వాత రాష్ట్రంలో అత్యధిక మంది జీవనోపాధి పొందుతున్న రంగం మత్స్యసంపదేనని ఆయన గుర్తుచేశారు. 2014-19 తెలుగుదేశం ప్రభుత్వ హయాంలో మత్స్య సంపద ఉత్పత్తి 19.18 శాతం వృద్ధి చెందిందని అన్నారు. అయితే 2019-24 మధ్య కాలంలో ఈ వృద్ధి రేటు నాలుగు రెట్లు పడిపోయిందని సీఎం ఆందోళన వ్యక్తం చేశారు. మత్స్యకారుల ప్రయోజనాలే పరమావధిగా కూటమి ప్రభుత్వం భవిష్యత్తులో మరిన్ని సంక్షేమ కార్యక్రమాలను తీసుకువస్తుందని.. సీఎం చంద్రబాబు మత్స్యకారులకు హామీ ఇచ్చారు.