మైక్రోసాఫ్ట్‌ వ్యవస్థాపకుడు బిల్‌గేట్స్‌ (Bill Gates)కు ఏపీ సీఎం చంద్రబాబు ధన్యవాదాలు తెలిపారు. దావోస్ పర్యటనకు వెళ్లిన చంద్రబాబు.. బిల్‌గేట్స్‌తో భేటీ అయిన సంగతి తెలిసిందే. ఈ సందర్భంగా ఆయనకు బిల్ గేట్స్ ఓ పుస్తకం బహుకరించారు. అది గేట్స్ జీవితచరిత్రకు సంబంధించిన పుస్తకం కావడం విశేషం. త్వరలోనే ఈ బుక్‌ను మార్కెట్‌లో విడుదల చేయనున్నారు. ముందుగానే ఓ కాపీని తనకు బహుకరించినందుకు చంద్రబాబు ధన్యవాదాలు చెబుతూ పోస్ట్ పెట్టారు.
‘‘సోర్స్‌ కోడ్‌’ (Source Code) పేరిట నా స్నేహితుడు బిల్‌గేట్స్‌ పుస్తకం విడుదల చేస్తున్నారు. త్వరలో విడుదలకానున్న పుస్తక కాపీ నాకు బహూకరించినందుకు ధన్యవాదాలు. బిల్‌గేట్స్‌ తన జీవిత ప్రయాణంలోని అనుభవాలు, పాఠాలు కలయికతో ఈ పుస్తకాన్ని తీసుకొచ్చారు. కాలేజీ డ్రాప్ అవుట్ నుంచి మైక్రోసాఫ్ట్‌ ప్రారంభ నిర్ణయం వరకు ఆయన ప్రయాణం స్ఫూర్తిదాయకం. శుభాకాంక్షలు’’ అని అందులో రాసుకొచ్చారు.
