తెలుగు రాష్ట్రాల్లో మరోసారి భూప్రకంపనలు ప్రజలను భయాందోళనకు గురిచేశాయి. ఇటీవల తెలంగాణతో పాటు ఏపీలోని కొన్నిప్రాంతాలత్లో వరుస భూప్రకంపనలు(Earthquake) వచ్చిన సంగతి తెలిసిందే. తాజాగా ఏపీలోని ప్రకాశం జిల్లాలో స్వల్ప భూప్రకంపనలు వచ్చాయి. జిల్లాలోని ముండ్లమూరు మండలం శంకరాపురం, పోలవరం, పసుపుగల్లు, ముండ్లమూరు, వేంపాడు, మారెళ్ల, తూర్పుకంభంపాడులో భూమి కంపించింది. దీంతో ముండ్లమూరు పాఠశాల నుంచి విద్యార్థులు.. ప్రభుత్వ కార్యాలయాల నుంచి ఉద్యోగులు బయటకు పరుగులు తీశారు.
- Advertisement -
ఇక తాళ్లూరు మండలంలోనూ స్వల్ప భూ ప్రకంపనలు వచ్చాయి. తాళ్లూరు, గంగవరం, రామభద్రాపురం, ఇతర గ్రామాల్లో రెండు సెకన్ల పాటు భూమి కంపించింది. దీంతో ప్రజలు ప్రాణభయంతో ఇళ్ల నుంచి బయటకు పరుగెత్తారు. అయితే ప్రస్తుతం ఎలాంటి భయం అవసరం లేదని జియాలజీ నిపుణులు చెబుతున్నారు.
