Rushikonda : గోవా గవర్నర్ అశోక్ గజపతిరాజు రుషికొండ ప్యాలెస్‌పై చేసిన వ్యాఖ్యలు రాజకీయ వర్గాల్లో తీవ్ర చర్చకు దారి తీశాయి. విశాఖపట్నంలో జరిగిన క్షత్రియ సేవా సమితి సన్మాన సభలో ఆయన మాట్లాడుతూ.. ప్రజాధనంతో నిర్మించిన రుషికొండ భవనాన్ని “మెంటల్ ఆసుపత్రిగా మార్చాలని” సంచలన సలహా ఇచ్చారు. ఈ భవనం పెచ్చులు ఊడిపోయినట్లు తాను విన్నానని పేర్కొంటూ, దాని నిర్మాణానికి ఖర్చు చేసిన రూ.600 కోట్లు ఉత్తరాంధ్ర సుజల స్రవంతి ప్రాజెక్టుకు ఖర్చు చేసి ఉంటే పూర్తయ్యేదని అభిప్రాయపడ్డారు.
Andhra Pradesh Local Body Elections: ఏపీలో మరో ఎన్నికల నగారా ..!
ప్రజాధనాన్ని ప్రజా హితం కోసమే వినియోగించాలని ఆయన గట్టిగా నొక్కి చెప్పారు. రుషికొండ ప్యాలెస్‌ను ఏం చేయాలని ప్రభుత్వం ప్రజలను అడుగుతోందని పేర్కొంటూ, దీనిని పిచ్చి ఆసుపత్రిగా మారిస్తే దానిని కట్టిన వారికి కనీసం సముద్రం గాలి తగులుతుందని వ్యంగ్యంగా వ్యాఖ్యానించారు. ఈ భవనాల వల్ల ఎలాంటి ఆదాయం రాదని, ఇవి కేవలం నిరుపయోగంగా మారాయని ఆయన తెలిపారు.
అశోక్ గజపతిరాజు ఇటీవల గోవా గవర్నర్‌గా బాధ్యతలు స్వీకరించిన తర్వాత తొలిసారిగా విశాఖకు వచ్చిన సందర్భంగా ఈ వ్యాఖ్యలు చేయడం విశేషం. ఆయన సన్మాన సభలో దేశం కోసం ప్రాణాలు అర్పించిన స్వాతంత్ర్య సమరయోధులకు మనం ఇస్తున్న విలువ గురించి కూడా ప్రశ్నించారు. ఈ వ్యాఖ్యలు సామాన్య ప్రజలతో పాటు రాజకీయ నాయకుల్లోనూ తీవ్ర చర్చనీయాంశంగా మారాయి. ప్రజాధనం వృథాపై ఆయన చేసిన సూటి విమర్శలు అందరి దృష్టినీ ఆకర్షిస్తున్నాయి. రుషికొండ భవనం భవిష్యత్తుపై ఇప్పటికే అనేక చర్చలు జరుగుతున్న నేపథ్యంలో, గవర్నర్ వ్యాఖ్యలు ఈ వివాదానికి మరింత ఆజ్యం పోశాయి.
