Headmaster Drunk Viral Video: పిల్లలకు విద్యాబుద్ధులు నేర్పి రేపటి సమాజాన్ని ఆదర్శంగా తీర్చిదిద్దాల్సిన కొందరు గురువులు తప్పటడుగులు వేస్తున్నారు. విద్యార్థినిలతో అసభ్యకరంగా ప్రవర్తించడం, మంచి చెడూ చెప్పకుండా వారిపై పైశాచికంగా దాడి చేయడం, తరగతి గదిలో నిద్రపోవడం, మద్యం తాగి పాఠశాలకు రావడం ఇలాంటి ఘటనలు తరచుగా వెలుగులోకి వస్తూనే ఉన్నాయి. ఇటీవల ఓ పాఠశాలలో బాధ్యత గల పదవిలో ఉన్న హెడ్‌ మాస్టర్‌ మద్యం తాగి.. తన పై అధికారిపై చిందులేసిన ఘటన చోటుచేసుకుంది. నెట్టింట్లో ఈ వీడియో వైరల్‌ అవుతోంది.
ఏపీలో తాగి స్కూలుకు వస్తున్న టీచర్
మద్యం మత్తులో డిప్యూటీ డీఈవో ఎదుటే చిందులేసిన హెడ్మాస్టర్
విజయనగరం జిల్లా మెంటాడ మండలం కుంఠినవలస హైస్కూల్‌లో మద్యం తాగి విధులకు హాజరైన హెడ్మాస్టర్
విచారణకు వచ్చిన డిప్యూటీ డీఈవో ముందే అసభ్య పదజాలంతో రెచ్చిపోయిన హెచ్ఏం pic.twitter.com/4gcoqeiaOd
— Telugu Scribe (@TeluguScribe) September 20, 2025
విజయనగరం జిల్లా మెంటాడ మండలం కుంటినవలస హైస్కూల్‌లో గత కొంతకాలంగా హెడ్మాస్టర్ మద్యం తాగి పాఠశాలకు వస్తున్నాడని ఫిర్యాదులు అందాయి. దీంతో డిప్యూటీ డీఈఓ విచారణ కోసం పాఠశాలకు వెళ్లారు. అప్పటికే మద్యం మత్తులో ఉన్న హెడ్‌ మాస్టర్‌ డిప్యూటీ డీఈఓ ముందే అసభ్యపదజాలంతో రెచ్చిపోయాడు. హెడ్‌ మాస్టర్‌ తీరుతో డిప్యూటీ డీఈఓ ఖంగు తిన్నారు.
అక్కడున్న ఉపాధ్యాయ సిబ్బంది ఈ తతంగాన్ని అంతా తమ సెల్‌ఫోన్‌లలో రికార్డు చేశారు. ఈ వీడియోను సోషల్‌ మీడియాలో పోస్ట్‌ చేయడంతో వైరల్‌ అవుతోంది. పై అధికారి ముందే ఇలా అసభ్యకరంగా ప్రవర్తించడంతో ఉన్నతాధికారులు అతడిపై చర్యలకు సిద్ధమవుతున్నారు.
