ఏపీ రాజధాని అమ‌రాతి(Amaravati) ప‌నులు పునఃప్రారంభోత్సవానికి రంగం సిద్ధమైంది. దీంతో రాజధాని ప్రాంతంలో సందడి వాతావరణం నెలకొంది. కాసేపట్లో ప్రధాని మోదీ అమరావతి పున:నిర్మాణ పనులను లాంఛనంగా ప్రారంభించనున్నారు. దీంతో రాష్ట్ర న‌లుమూల‌ల నుంచి భారీ సంఖ్య‌లో చేరుకుంటున్న ప్రముఖులతో పాటు సామాన్యుల రాకతో సరికొత్త కళ సంతరించుకుంది. ఈ క్రమంలో సభావేదిక వద్ద ఏర్పాటు చేసిన ఐరన్ శిల్పాలు(Iron Scrap) ప్రత్యేక ఆకర్షణగా నిలుస్తున్నాయి.
- Advertisement -
కాల‌చ‌క్రం, ఎన్‌టీఆర్‌, బుద్ధుడు, సింహం, ప్రధాని మోదీ విగ్ర‌హాల‌తో పాటు మేక్ ఇన్ ఇండియా లోగో ఆక‌ట్టుకుంటున్నాయి. ఇక తెలుగులో అమరావతి అక్ష‌రాలు కూడా స్పెష‌ల్ అట్రాక్ష‌న్‌గా అంద‌రీ దృష్టిని ఆక‌ర్షిస్తున్నాయి. ఈ శిల్పాలను ఇనుము స్క్రాప్‌తో శిల్పి కాటూరి వెంక‌టేశ్వ‌ర‌రావు తీర్చిదిద్దారు.
