ఎమ్మిగనూరు పట్టణం మిలిటరీ కాలనీలో నివసిస్తున్న సూక్ష్మ కళాకారుడు డాక్టర్ బారికి చంద్రశేఖర్ మరోసారి తన ప్రతిభాను నిరూపించుకున్నారు. బియ్యపు గింజపై ఆంధ్రప్రదేశ్ ముఖ్యమంత్రి జగన్ మోహన్ రెడ్డి బొమ్మను పెయింట్ వేశారు. 2012 నుండి ఎన్నో సూక్ష్మ కళ కనబరుస్తూ లింకా వరల్డ్ రికార్డ్, గిన్నిస్ రికార్డు, గ్లోల్ డెన్ వరల్డ్, ఈలైట్ రికార్డ్, ఇండియా బుక్ ఆఫ్ రికార్డ్స్, ఎన్నో రికార్డుల్లో తన ప్రతిభతో చాటుకున్నారు. స్వచ్ఛభారత్ పై నిర్మిస్తూ దర్శకత్వం వహించిన కేవలం మూడు నిమిషాల నిడివి గల “మై ఇండియా క్లీన్ అండ్ గ్రీన్” షార్ట్ ఫిలింకి గాను ఇండియన్ ఫిలిం డెవలప్మెంట్ కార్పొరేషన్ ద్వారా జాతీయ అవార్డును వెంకయ్య నాయుడు చేతుల మీదుగా అందుకున్నారు. అలాగే వరల్డ్ రికార్డ్ యూనివర్సిటీ, వియత్నం ద్వారా 2014లో గౌరవ డాక్టర్ అందుకున్నారు. రికార్డులు అవార్డులు తప్ప ప్రోత్సాహ ఆర్థిక సహాయము అందకపోవడం బాధ కలిగిస్తోందని చంద్ర శేఖర్ అవేదన వ్యక్తంచేశారు.
