కొలిమిగుండ్ల మండలం బందర్లపల్లి గ్రామ పరిధిలో వెలసి ఉన్న నేలబిలం మల్లేశ్వర స్వామి దేవాలయంలో మహా శివరాత్రి ఉత్సవాలు 26వ తేదీ నుండి నిర్వహించేందుకు ఏర్పాట్లు పూర్తి చేసినట్లు ఆలయ అర్చకులు రవి స్వామి తెలిపారు.
- Advertisement -
మహా శివరాత్రి సందర్భంగా 26వ తేదీ బుధవారం తెల్లవారుజామున 4 గంటలకు పంచామృత అభిషేకం నిర్వహిస్తారు. ఉదయం 6 గంటలకు మంగళ హారతి, 8 గంటలకు అన్నదాన కార్యక్రమం ప్రారంభమవుతుంది. మధ్యాహ్నం 12 గంటలకు జ్యోతి హారతి. సాయంత్రం 6 గంటలకు, రాత్రి 9, 10, 11గంటలకు మల్లేశ్వర స్వామికి అభిషేకం, అర్ధరాత్రి 12 రుద్రాభిషేకం, ప్రత్యేక పూజలు మొదలగు కార్యక్రమాలు నిర్వహిస్తున్నట్టు అర్చకులు రవి స్వామి తెలిపారు. భక్తాదులందరూ మహాశివరాత్రి ఉత్సవాల్లో పాల్గొని స్వామి ఆశీస్సులు పొందవలసిందిగా ఆయన కోరారు.
