Andhra Pradesh: అంబేద్కర్ కోనసీమ జిల్లా ఐనవిల్లి మండలం ఎరుసుమండ గ్రామ పరిధిలో ఓఎన్జీసీ (ONGC) గ్యాస్ బావి వద్ద సంభవించిన బ్లోఅవుట్ ప్రమాదం స్థానికులను కంటిమీద కునుకు లేకుండా చేస్తోంది. ప్రమాదం జరిగి ఐదు రోజులు గడుస్తున్నా, అగ్నికీలలు ఏమాత్రం తగ్గకపోవడం ఆందోళన కలిగిస్తోంది.
Suzuki: సరికొత్త మైలురాయి సాధించిన సుజుకి..20 ఏళ్లలో 10 మిలియన్ల బైకులు తయారీ..
అదుపు చేయడంలో సవాళ్లు:
- మంటలు దాదాపు 30 నుంచి 50 అడుగుల ఎత్తున ఎగసిపడుతుండటంతో బావి దగ్గరకు వెళ్లడం అధికారులకు కష్టసాధ్యంగా మారుతోంది. మంటల తీవ్రతను తగ్గించేందుకు ఓఎన్జీసీ నిపుణుల బృందం తమ శాయశక్తులా ప్రయత్నిస్తోంది. ప్రస్తుతం అక్కడ జరుగుతున్న పనులు ఇవే:
- వాటర్ కర్టెన్ ఏర్పాటు: బావి చుట్టూ మంటలు ఇతర ప్రాంతాలకు వ్యాపించకుండా ఉండేందుకు ప్రత్యేక మోటార్ల సహాయంతో నిరంతరం నీటిని స్ప్రే చేస్తున్నారు. ఈ వాటర్ షీల్డ్ వల్ల ఉష్ణోగ్రతలు అదుపులో ఉంచే ప్రయత్నం జరుగుతోంది.
- శిథిలాల తొలగింపు: మంటల్లో చిక్కుకుని పూర్తిగా దగ్ధమైన భారీ డ్రిల్లింగ్ రిగ్ మెటీరియల్ను, ఇనుప రాడ్లను భారీ క్రేన్ల సహాయంతో బయటకు తీస్తున్నారు. ఈ శిథిలాలను తొలగిస్తేనే బావి నోటి భాగాన్ని క్లోజ్ చేయడానికి వీలవుతుందని అధికారులు భావిస్తున్నారు.
- క్రైసిస్ మేనేజ్మెంట్ టీమ్: ముంబై , ఇతర ప్రాంతాల నుండి వచ్చిన ప్రత్యేక క్రైసిస్ మేనేజ్మెంట్ టీమ్లు నిరంతరం పరిస్థితిని పర్యవేక్షిస్తున్నాయి.
పరిస్థితి ఎప్పుడు చక్కబడుతుంది?
మంటలను పూర్తిగా ఆర్పేందుకు ఒకటి రెండు రోజుల సమయం పట్టవచ్చని ఓఎన్జీసీ అధికారులు అంచనా వేస్తున్నారు. బావి నుంచి వస్తున్న గ్యాస్ ప్రెషర్ తగ్గిన తర్వాత, బావిని ‘కిల్’ (Kill the well) చేసే ప్రక్రియను ప్రారంభిస్తారు. అప్పటివరకు మంటలు ఆరే అవకాశం లేదు.
స్థానికుల భయాందోళనలు:
ఐదు రోజులుగా మంటలు ఎగసిపడుతుండటంతో చుట్టుపక్కల గ్రామాల్లో వేడి తీవ్రత పెరిగింది. పంట పొలాలు దెబ్బతినే అవకాశం ఉండటంతో రైతులు ఆవేదన వ్యక్తం చేస్తున్నారు. భద్రతా కారణాల దృష్ట్యా పోలీసులు ఆ ప్రాంతానికి ఎవరినీ రాకుండా ఆంక్షలు విధించారు.
APSRTC : సంక్రాంతి వేళ షాక్.. 12 నుంచి ఆర్టీసీలో అద్దె బస్సుల సమ్మె