Manchu Vishnu| టాలీవుడ్ హీరో మంచు విష్ణు ఏపీ మంత్రి నారా లోకేష్(Nara Lokesh)పై ప్రశంసలు కురిపించారు. తాజాగా లోకేష్‌ను కలిసినట్లు ఇద్దరూ కలిసి దిగిన ఫొటోను ఎక్స్ వేదికగా పోస్ట్ చేశారు. ‘నా సోదరుడు, డైనమిక్ విద్యాశాఖ మంత్రి లోకేష్‌తో సానుకూల వాతావరణంలో పలు అంశాలపై మాట్లాడాను. లోకేష్ పాజిటివ్ ఎనర్జీ అద్భుతం. లోకేష్‌కు దేవుడు మరింత శక్తి ఇవ్వాలని కోరుకుంటున్నా.. హర హర మహాదేవ’ అని రాసుకొచ్చారు.
ఇదిలా ఉంటే విష్ణు ప్రస్తుతం తన డ్రీమ్ ప్రాజెక్ట్ ‘కన్నప్ప’ మూవీలో నటిస్తున్న సంగతి తెలిసిందే. ‘మహాభారతం’ సీరియల్ ఫేమ్ ముఖేష్ కుమార్ సింగ్ ఈ మూవీకి దర్శకత్వం వహిస్తున్నారు. భారీ బడ్జెట్‌తో తెరకెక్కతున్న ఈ మూవీలో రెబల్ స్టార్ ప్రభాస్ శివుడి పాత్ర పోషిస్తున్నారు. అలాగే అక్షయ్ కుమార్, నయనతార, శరత్ కుమార్, మోహన్ బాబు, జగపతి బాబు, పశుపతి తదితరలు కీలక పాత్రల్లో నటిస్తున్నారు. ఇప్పటికే ఈ మూవీ నుంచి విడుదలైన పోస్టర్లు సినిమాపై ఆసక్తి పెంచాయి. కాగా ఈ మూవీ వచ్చే ఏడాది ఏప్రిల్ 25వ తేదీన విడుదల కానుంది.
