టిడిపి రాష్ట్ర ఉపాధ్యక్షులు టిడిపి ఎమ్మెల్యే అభ్యర్థి బివి జయనాగేశ్వర్ రెడ్డి నందవరం మండల పరిధిలోని నందవరం, మాచాపురం, ఇబ్రహీంపురం గ్రామాలను సందర్శించి టిడిపి నాయకులకు, కార్యకర్తలకు ప్రత్యేక కృతజ్ఞతలు తెలియజేశారు.
ఈ నెల 13న నిర్వహించిన సార్వత్రిక ఎన్నికలలో బివి జయ నాగేశ్వర్ రెడ్డి విజయం కోసం కృషిచేసిన కార్యకర్తలకు, నాయకులకు ఆయన స్వయంగా వెళ్లి కృతజ్ఞతలు తెలియజేశారు. ఇందులో భాగంగా ముందుగా మండల కేంద్రంలోని మాజీ జెడ్పి వైస్ చైర్మన్ పుష్పవతి, నాగరాజుగౌడ్, జిల్లా ఉపాధ్యక్షులు మాధవరావ్ దేశాయ్, మండల నాయకులు గురురాజ్ దేశాయ్ లను కలిశారు.
అనంతరం మాచాపురం టిడిపి నాయకులు క్లస్టర్ ఇంచార్జ్ ఖాసిం వలి, పీర సాబ్, గ్రామ అధ్యక్షులు వెంకటరాముడు ఇబ్రహీంపురం టిడిపి నాయకులు శంకరమ్మ, చంద్రశేఖర్ రెడ్డి, నరసింహులు, మారెప్పలను కలిసి ఎన్నికల ప్రచారంలో పార్టీ విజయంతో పాటు, తన విజయం కోసం ఎంతగానో కృషిచేసిన టిడిపి నాయకులకు, కార్యకర్తలకు ప్రతి ఒక్కరికి ప్రత్యేక కృతజ్ఞతలను తెలియజేశారు.
అనంతరం ఇబ్రహీంపురం గ్రామంలోని ప్రసిద్ద పుణ్యక్షేత్రం అప్పవర కట్టి మఠాన్ని దర్శించుకొని ప్రత్యేక పూజలు నిర్వహించారు.
ఈ సందర్భంగా ఆయన మాట్లాడుతూ రానున్న రెండు రోజుల్లో మండలంలోని ప్రతి నాయకుడిని, కార్యకర్తను కలిసి వారికి ప్రత్యేక కృతజ్ఞతలు తెలియజేసుకుంటానని తెలియజేశారు
