Pawan Kalyan Uppada pollution review : ఆంధ్రప్రదేశ్ ఉప ముఖ్యమంత్రి, అటవీ, పర్యావరణ శాఖ మంత్రి పవన్ కళ్యాణ్ కాకినాడ జిల్లా ఉప్పాడ తీర ప్రాంతంలో కాలుష్య నియంత్రణ అంశాలపై కాలుష్య నియంత్రణ మండలి (పీసీబీ) అధికారులతో కూలంకషంగా సమీక్ష నిర్వహించారు. పారిశ్రామిక కాలుష్యం, మైనింగ్ కారణంగా తలెత్తుతున్న సమస్యలు, పిఠాపురం నియోజకవర్గంలోని పరిస్థితులపై వివరాలు అడిగి తెలుసుకున్నారు. ఈ సమీక్షలో మత్స్యకారులతో చేపట్టిన సమావేశంలో వారి అభియోగాలు, సందేహాలపై పీసీబీ నుంచి సమాచారం సేకరించారు.

ALSO READ: Priyanka Arul Mohan: ఓజీ హీరోయిన్ బాత్రూమ్‌ ఫొటోలు లీక్ – వైర‌ల్ చేయ‌ద్దంటూ వార్నింగ్‌

కాకినాడలో మత్స్యకారులు తమ జీవనోపాధి ప్రభావితమవుతుందని, సముద్రాల్లో పారిశ్రామిక వ్యర్థాలు, ఫార్మా కంపెనీల నుంచి విష రసాయనాలు కారణంగా చేపలు చనిపోతున్నాయని ప్రస్తావించారు. ముఖ్యంగా డివిస్ లాంటి ఫార్మా కంపెనీల వ్యర్థాలు సముద్రాన్ని కలుషితం చేస్తున్నాయని ఆరోపించారు. పవన్ కళ్యాణ్ ఈ అంశాలను తీవ్రంగా పరిగణనలోకి తీసుకుని, మత్స్యకారులకు ధైర్యం చెప్పారు. “సమస్యలు పరిష్కరించకపోతే రాజకీయాలు వదులుస్తాను” అని స్పష్టం చేశారు.
సమీక్ష సమావేశంలో పీసీబీ చైర్మన్ పి. కృష్ణయ్య, మెంబర్ సెక్రటరీ పి. శరవణన్ IFS, సీనియర్ ఇంజనీర్లు, సైంటిస్టులు పాల్గొన్నారు. కాకినాడ జిల్లా కలెక్టర్, SPలు వీడియో కాన్ఫరెన్స్ ద్వారా చేరారు. కాకినాడ, గోదావరి జిల్లాల్లో కాలుష్య పరిస్థితులు, పర్యావరణ పరిరక్షణపై చర్చించారు. పీసీబీ చేపట్టబోయే పొల్యూషన్ ఆడిట్ విధానాలు, పరిశ్రమలు కఠినగా పాటించాలని సూచించారు.

ఉప్పాడ తీరం ప్రాంతంలో కాలుష్య నియంత్రణ అంశాలపై కాలుష్య నియంత్రణ మండలి అధికారులతో కూలంకషంగా సమీక్ష నిర్వహించిన రాష్ట్ర ఉప ముఖ్యమంత్రి, అటవీ, పర్యావరణ శాఖ మంత్రి @PawanKalyan

కాకినాడ జిల్లాలో ఉన్న పారిశ్రామిక కాలుష్యం, మైనింగ్ మూలంగా తలెత్తుతున్న కాలుష్య ఇబ్బందులపై, పిఠాపురం… pic.twitter.com/1XpAAaCorc

— Deputy CMO, Andhra Pradesh (@APDeputyCMO) October 11, 2025

పవన్ కళ్యాణ్ 100 రోజుల్లో సమస్యలకు పరిష్కారం చేకూర్చే ప్లాన్‌ను ప్రకటించారు. ఉప్పాడ తీరంలో కాలుష్య ఆడిట్ కోసం ప్రత్యేక కమిటీ ఏర్పాటు చేస్తామని, పారిశ్రామికులు జీవనోపాధులను దెబ్బతీయకుండా పనిచేయాలని హెచ్చరించారు. తాను స్వయంగా సముద్రంలోకి వెళ్లి సమస్యలు అంచనా వేస్తానని చెప్పారు. మత్స్యకారుల కుటుంబాలకు మద్దతు, ఆర్థిక సహాయం కల్పిస్తామని హామీ ఇచ్చారు.

ఈ సందర్భంగా పవన్ కళ్యాణ్ పబ్లిక్ మీటింగ్‌కు కూడా హాజరయ్యారు. పర్యావరణ పరిరక్షణకు ప్రభుత్వం కట్టుబడి ఉందని, పారిశ్రామిక అభివృద్ధి ప్రజల ఆరోగ్యాన్ని దెబ్బతీయకూడదని ఒక్కొక్కరికి అర్థమయ్యేలా చెప్పారు. ఈ చర్యలు ఆంధ్రప్రదేశ్ తీరప్రాంతాల్లో కాలుష్యాన్ని తగ్గించి, మత్స్యకారుల జీవితాలను మెరుగుపరుస్తాయని నిపుణులు అంచనా వేస్తున్నారు. పవన్ కళ్యాణ్ ధైర్యవంతమైన నిర్ణయాలు ప్రజల్లో ఆశలు రేకెత్తిస్తున్నాయి.