PM Modi congratulate for CM Chandrababu Hindi Speech: ఈ రోజు కర్నూలులో పీఎం నరేంద్ర మోదీ పర్యటించిన విషయం తెలిసిందే. శ్రీశైలం భ్రమరాంబ సమేత మల్లికార్జున స్వామి వారి దర్శనం అనంతరం ఆయన కర్నూలులో నిర్వహించిన సూపర్‌ జీఎస్టీ- సూపర్‌ సేవింగ్స్‌ సభలో పాల్గొన్నారు. ఈ కార్యక్రమంలో సీఎం చంద్రబాబు నాయుడు హిందీలో ప్రసంగించారు. ఈ ప్రసంగానికి ప్రధాని మోదీ ఫిదా అయ్యారు. ఈ మేరకు ‘X’లో పోస్ట్‌ చేశారు.
బిహార్ అసెంబ్లీ ఎన్నికల్లో ఎన్డీయే విజయం సాధిస్తుందని… ప్రధాని మోదీ విజయ యాత్ర కొనసాగుతుందంటూ చంద్రబాబు హిందీలో ప్రసగించారు. ఈ స్పీచ్‌కి మురిసిపోయిన ప్రధాని మోదీ.. ప్రత్యేకంగా ఆ వీడియో క్లిప్‌ను ఎక్స్‌లో పోస్ట్‌ చేశారు. ఏపీ సీఎం చంద్రబాబు హిందీలో బాగా మాట్లాడారంటూ ప్రధాని పొగిడారు. ఈ ప్రసంగం ద్వారా సీఎం చంద్రబాబు బిహార్‌లో ఎన్డీయే కార్యకర్తల హృదయాలను గెలుచుకున్నారన్నారు. అంతేకాకుండా ‘ఏక్‌ భారత్‌.. శ్రేష్ఠ భారత్‌’ పట్ల తన ప్రగాఢ నిబద్ధతను ప్రదర్శించారని మోదీ కొనియాడారు.
By speaking in such good Hindi about the NDA’s prospects in Bihar, Chandrababu Naidu Garu has not only won the hearts of several NDA Karyakartas across Bihar but also shown a deep commitment to ‘Ek Bharat Shreshtha Bharat.’ @ncbn pic.twitter.com/7MA0ljKnaC
— Narendra Modi (@narendramodi) October 16, 2025
