Raghurama Krishnaraju| ఏపీ అసెంబ్లీ డిప్యూటీ స్పీకర్(Deputy Speaker)గా టీడీపీ ఉండి ఎమ్మెల్యే రఘురామకృష్ణరాజు(Raghurama Krishnaraju) ఏకగ్రీవంగా ఎన్నికైన సంగతి తెలిసిందే. తాజాగా ఆయన ఉప సభాపతిగా శాసనసభలో బాధ్యతలు చేపట్టారు. స్పీకర్ అయ్యన్నపాత్రుడు, సీఎం చంద్రబాబు (CM Chandrababu), డిప్యూటీ సీఎం పవన్ కళ్యాణ్(Pawan Kalyan).. రఘురామను స్పీకర్ స్థానంలో కూర్చోబెట్టారు. ఈ సందర్భంగా రఘురామను టీడీపీ, జనసేన, బీజేపీ ఎమ్మెల్యేలు ప్రత్యేకంగా అభినందించారు.
ఇక డిప్యూటీ స్పీకర్‌గా రఘురామ కృష్ణరాజు ఎన్నిక కావడంపై వైసీపీ ఎంపీ విజయసాయిరెడ్డి(Vijayasai Reddy) ఎక్స్ వేదికగా శుభాకాంక్షలు తెలిపారు. ఉప సభాపతి గౌరవాన్ని కాపాడుతారనే నమ్మకం ఉందని పేర్కొన్నారు. గతం తాలూకు జ్ఞాపకాలను వదిలేసి పైకి ఎదుగుతారని ఆశిస్తున్నట్లు రాసుకొచ్చారు. కాగా 2019లో నరసరావుపేట వైసీపీ ఎంపీగా గెలిచిన RRR.. వివిధ కారణాలతో ఆ పార్టీకి దూరమయ్యారు.
