విజయవాడలో గ్లోబల్ స్టార్ రామ్ చరణ్(Ram Charan) అభిమానులు ఏర్పాటు చేసిన ప్రపంచంలోనే అత్యంత ఎత్తైన(256 అడుగులు) కటౌట్ ఆవిష్కరణ కార్యక్రమానికి ముఖ్య అతిథిగా ప్రముఖ నిర్మాత దిల్ రాజు(Dil Raju) హాజరయ్యారు. ఈ సందర్భంగా చరణ్ కటౌట్‌పై హెలికాఫ్టర్ నుంచి పూల వర్షం కురిపించారు. ఈ కార్యక్రమానికి మెగా ఫ్యాన్స్ భారీగా తరలివచ్చారు.
ఈ కార్యక్రమంలో దిల్ రాజు మాట్లాడుతూ.. తాను విజయవాడ వచ్చింది రామ్ చరణ్ కటౌట్ కార్యక్రమం కోసమే కాకుండా డిప్యూటీ సీఎం పవన్ కల్యాణ్(Pawan Kalyan)ను కలవడానికి వచ్చానని తెలిపారు అమెరికాలో ‘గేమ్ ఛేంజర్'(Game Changer) ప్రీ రిలీజ్ ఈవెంట్ గ్రాండ్ సక్సెస్ అయిందని.. ఇక పవన్ కల్యాణ్ హాజరయ్యే ఈవెంట్ ఇంకెలా ఉంటుందో మీ ఊహకే వదిలేస్తానని అభిమానుల్లో జోష్ నింపారు. ఈవెంట్ గురించి పవన్‌తో మాట్లాడటానికే విజయవాడ వచ్చానని తెలిపారు. పవన్ కల్యాణ్ ఇచ్చే డేట్‌ను బట్టి ‘గేమ్ ఛేంజర్’ ప్రీరిలీజ్ ఈవెంట్ ఎక్కడ జరపాలనేది ప్లాన్ చేసుకుంటామన్నారు.
ఇక మెగాస్టార్ చిరంజీవి ఈ సినిమా చూసి తనకు ఫోన్ చేశారని.. రామ్ చరణ్ కటౌట్ ఆవిష్కరణ కోసం విజయవాడ వచ్చానని ఆయనతో చెప్పానననారు. దీంతో ఫ్యాన్స్‌కు చెప్పు సంక్రాంతికి మనం మామూలుగా కొట్టడం లేదు అన్నారని చెప్పారు. జనవరి 10న మెగా పవర్ స్టార్‌లో మెగాను చూస్తారు, పవర్‌ను చూస్తారని చెప్పుకొచ్చారు.
కాగా వచ్చే ఏడాది సంక్రాంతి పండుగ కానుకగా జనవరి 10న ఈ చిత్రం విడుదల కానుంది. ఈ సినిమాలో శ్రీకాంత్‌, ఎస్‌జే.సూర్య, అంజలి, సునీల్, నవీన్ చంద్ర కీలక పాత్రలు పోషించారు. ఈ చిత్రానికి స్టార్ డైరెక్టర్ ఎస్.శంకర్ దర్శకత్వం వహించారు. ఇప్పటికే మూవీ నుంచి విడులైన పాటలు, టీజర్‌తో సినిమాపై భారీ అంచనాలు ఏర్పడ్డాయి.
