ఎమ్మిగనూరులో జనసేన పార్టీకి సినీ నిర్మాత , జనసేన పార్టీ నియోజకవర్గ నేత రూపా జగదీష్ తో సయ్యద్ ఇద్రుస్ బాషా గుడ్ బై చెప్పారు. స్థానిక ఎస్ఎంటి కాలని వద్ద ఉన్న ఐజే సొల్యూషన్స్ కార్యాలయంలో మీడియాతో మాట్లాడారు. ఈ సందర్బంగా రూపా జగదీష్ మాట్లాడుతూ గత 2 నెలల క్రితం జనసేన పార్టీ ముఖ్య నేత నాదెండ్ల మనోహర్,కర్నూలు జిల్లా అధ్యక్షుడు చింత సురేష్ సమక్షంలో దాదాపు 250 మంది తో జనసేన లో చేరాం. చేరినప్పటి నుంచి ఇప్పటి వరకు ఎమ్మిగనూరు నియోజకవర్గ జనసేన పార్టీ ఇంచార్జి గా ఉన్న రేఖాగౌడ్ తమను పట్టించుకోవడం లేదు. అలాగే కార్యకర్తలు, నాయకులు అయోమయంలో ఉన్నారు. రేఖా గౌడ్ స్థానికంగా ఉండడం లేదు. దీంతో జనసేన శ్రేణులకు ఏమైనా సమస్యలు వేస్తే పట్టించుకునే వారే లేరు. దీంతో క్యాడర్ పార్టీ కు దూరం అవుతున్నారు. నేను పాల్పడితే రేఖా గౌడ్ కు సీటు దక్కదనే భయంతో తమను బయటికి పంపించాలని కుట్ర చేస్తుంది. అందుకే అక్కడ ఉండి తమ గౌరవం పోగొట్టుకునేదానికన్నా బయటకు రావడమే మేలని నిర్ణయం తీసుకున్నాం. పవన్ కళ్యాణ్ అసయాలను రేఖా గౌడ్ విస్మరిస్తూ అడపా దడపా కార్యక్రమాలు చేస్తుంది. జనసేనకు రాజీనామా చేస్తున్నట్లు త్వరలోనే కార్యాచరణ ప్రకటిస్తామని చెప్పారు. అనంతరం సయ్యద్ ఇద్రుస్ బాషా మాట్లాడుతూ పవన్ కళ్యాణ్ విధానాలు నచ్చి పార్టీ లో చేరాం.రేఖా గౌడ్ విధానాలు నచ్చక బయటికి వెళుతున్నాం. కార్యక్రమంలో జనసేన పార్టీ నాయకులు టైలర్ హరి ప్రసాద్ రెడ్డి పాల్గొన్నారు.
Janasena: జనసేన కు గుడ్ బై చెప్పిన రూపా జగదీష్
జనసేన పార్టీలో ఉండి గౌరవం పోగొట్టుకునేదానికన్నా బయటకు రావడమే మేలని నిర్ణయం
సంబంధిత వార్తలు | RELATED ARTICLES
