Srisailam: కనుమ సందర్భంగా గోపూజా మహోత్సవం

శ్రీశైల మహాక్షేత్రంలో కనుమ పర్వదినాన్ని పురస్కరించుకుని దేవస్థానం గోపూజా మహోత్సవాన్ని నిర్వహించారు. ఆలయ ప్రాంగణములోని శ్రీ గోకులం, దేవస్థానం గో సంరక్షణశాలలోనూ ఈ ప్రత్యేక కార్యక్రమం నిర్వహించారు. ప్రతినిత్యం ఆలయంలో ప్రాతఃకాల సమయంలో ‘నిత్యసేవ’గా గోపూజ నిర్వహించబడుతున్నప్పటికీ, కనుమ పండుగ సందర్భంగా ఈ రోజు నిత్య గోసేవతో పాటు విశేషంగా గోపూజ చేశారు. అనంతరం శ్రీసూక్తంతోనూ, గో అష్టోత్తరమంత్రంతోనూ, గోవులకు షోడశోపచారాలతో పూజాదికాలు చేశారు. గోవు సకల దేవతలకు ఆవాసస్థానం కావడం చేత గోవును పూజించడం వలన దేవతలందరినీ పూజించిన ఫలితం లభిస్తుందని అర్చకస్వాములు వివరించారు.