TTD New SRIVANI Darshan Timings: ఆఫ్‌లైన్‌లో శ్రీవాణి దర్శన టికెట్లను పొందిన భక్తుల సౌకర్యార్థం దర్శన సమయాల్లో ప్రయోగాత్మకంగా మార్పులు చేస్తున్నట్లు ఇటీవలే తితిదే ప్రకటించిన సంగతి తెలిసిందే. తాజాగా ఈ మార్పులు నేటి (ఆగస్ట్ 1) నుంచి అమలులోకి వచ్చాయి. అంటే భక్తులకు నేటి నుంచే 15వ తేదీ వరకు ఏరోజుకారోజే శ్రీవారిని దర్శించుకునే వెసులుబాటు భక్తులకు కలుగుతుంది.
తిరుమలలోని శ్రీవాణి దర్శన టికెట్ల జారీ కేంద్రంలో ఉదయం 10 గంటల నుంచి మొదట వచ్చిన వారికే.. మొదట ప్రాతిపదికన 800 టికెట్లను ఇస్తారు. రేణిగుంట విమానాశ్రయంలో ఉదయం 7 గంటల నుంచి దర్శన టికెట్ల కోటా ఉన్నంత వరకు 200 జారీ చేస్తారు. మొత్తంగా ఈ వెయ్యి టికెట్లను పొందిన వారు స్థానిక వైకుంఠం క్యూ కాంప్లెక్స్‌-1 వద్ద అదే రోజు సాయంత్రం 4.30 గంటలకు రిపోర్టింగ్ చేసేలా నిర్ణయించారు.
Also Read: https://teluguprabha.net/andhra-pradesh-news/ap-police-constable-final-results-released/
ఇక అడ్వాన్స్‌ బుకింగ్‌ ద్వారా అక్టోబరు 31 వరకు ఆన్‌లైన్ లో శ్రీవాణి టికెట్లు పొందిన భక్తులను యథావిథిగా ఉదయం 10 గంటలకే దర్శనానికి అనుమతిస్తారు. నవంబరు 1 నుంచి ఆఫ్‌లైన్‌లోనూ, ఆన్‌లైన్‌లోనూ శ్రీవాణి టికెట్లను పొందిన భక్తులకు… సాయంత్రం 4.30 గంటలకు వైకుంఠం క్యూ కాంప్లెక్స్‌-1 ద్వారా శ్రీవారి దర్శనానికి అనుమతిస్తారు.
కాగా, నిన్నటివరకు అమల్లో ఉన్న విధానంలో ఆఫ్‌లైన్, ఆన్‌లైన్‌లలో 1,500 టికెట్లు ఇచ్చేవారు. అయితే దీంతో శ్రీవాణి దర్శనానికి 3 రోజుల సమయం పడుతోంది. అందుకే ఇప్పుడు ట్రెయిల్ గా కొత్త పద్ధతిలో దర్శన వేళలను మార్చారు.
