వైసీపీ రాజ్యసభ పదవికి విజయసాయి రెడ్డి (Vijayasai Reddy) రాజీనామా చేశారు. ఈమేరకు రాజ్యసభ ఛైర్మన్‌, ఉపరాష్ట్రపతి జగదీప్‌ ధన్‌ఖడ్‌కు ఆయన రాజీనామా లేఖ సమర్పించారు. కాగా తాను రాజకీయాలకు గుడ్‌బై చెబుతున్నట్లు శుక్రవారం విజయసాయి ప్రకటించిన సంగతి తెలిసిందే. ఏ రాజకీయ పార్టీలోనూ చేరడం లేదని స్పష్టం చేశారు. పదవులు, డబ్బులు ఆశించి రాజీనామా చేయడం లేదని పేర్కొన్నారు. భవిష్యత్తులో వ్యవసాయం చేసుకుంటానని తెలిపారు. ఈ నేపథ్యంలో విదేశాలకు వెళ్లేందుకు సీబీఐ కోర్టు అనుమతి కోరారు.