ఆంధ్రప్రదేశ్, తెలంగాణ, ఒడిశా రాష్ట్రాలలో అతి పెద్ద వస్త్ర వ్యాపార సంస్థ సి.ఎం.ఆర్. టెక్స్‌టైల్స్ అండ్ జ్యూయలర్స్ ప్రైవేట్ లిమిటెడ్, సి.ఎం.ఆర్. షాపింగ్ మాల్‌ను జి.టి. రోడ్, సూర్యమహల్ జంక్షన్, శ్రీకాకుళంలో పశుసంవర్ధక, పాడిపరిశ్రమ అభివృద్ధి & మత్స్యశాఖా మంత్రి కింజారపు అచ్చెన్నాయుడు చేతుల మీదుగా ఘనంగా ప్రారంభోత్సవం జరిగింది.
ఈ కార్యక్రమానికి ముఖ్య అతిథులుగా గోండు శంకర్ – శ్రీకాకుళం శాసనసభ్యులు, కూన రవి కుమార్-ఆముదాలవలస శాసనసభ్యులు, డా.కె. సోమేశ్వర రావు (టెక్స్‌టైల్స్ విభాగం మొదటి కొనుగోలు), అందవరపు ప్రసాద్ (ప్రముఖ వ్యాపారవేత్త), పత్తి ఆనందరావు (ల్యాండ్ లార్డ్) తదితరులు పాల్గొన్నారు. ఈ సందర్భంగా మంత్రి అచ్చెన్నాయుడు మాట్లాడుతూ సి.ఎం.ఆర్. అంటే తెలుగు రాష్ట్రాలైన ఆంధ్రప్రదేశ్, తెలంగాణతో పాటు ఒడిశా రాష్ట్రాలలో కూడా అందరికీ తెలిసిన ఏకైక బ్రాండ్‌గా గుర్తింపు తెచ్చుకుందన్నారు. ఇక్కడ సామాన్యులకు అన్నీ అందుబాటు ధరలలో లభిస్తున్నాయన్నారు. సి.ఎం.ఆర్. చైర్మన్ వెంకటరమణకి ఈ సందర్భంగా శుభాకాంక్షలు తెలిపారు.
సి.ఎం.ఆర్. ఫౌండర్ & చైర్మన్ మావూరి వెంకటరమణ మాట్లాడుతూ.. తమ సంస్థను గత 4 దశాబ్దాలుగా ఆంధ్రప్రదేశ్, తెలంగాణ ప్రజలు ఆదరిస్తున్నారని తెలుపుతూ సి.ఎం.ఆర్. షాపింగ్ మాల్‌ను మరింత పెద్దగా, మరింత విశాలంగా జి.టి.రోడ్, సూర్యమహల్ జంక్షన్‌లో ప్రారంభించటం చాలా సంతోషంగా ఉందన్నారు. సి.ఎం.ఆర్.లో షాపింగ్ అంటే ప్రపంచ స్థాయి అనుభూతి కలిగేలా ఉంటుందన్నారు. ప్రజలు తమకు కావాల్సిన అన్నిరకాల వేడుకలకు సి.ఎం. ఆర్.లో తగు విధంగా, అన్ని మోడల్స్‌లో కుటుంబమంతటికీ నచ్చే విధంగా, వస్త్రాలు అన్ని వర్గాల ప్రజలకు, అతి తక్కువ ధరలకే అందించటం సి.ఎం.ఆర్. ప్రత్యేకత అన్నారు. తమ సొంత మగ్గాలపై నేయించిన వస్త్రాలను మార్కెట్లో మరెవ్వరూ ఇవ్వని ధరలకు సి.ఎం.ఆర్. అందిస్తుందన్నారు.
సి.ఎం.ఆర్. మేనేజింగ్ డైరెక్టర్ మావూరి మోహన్ బాలాజీ మాట్లాడుతూ సి.ఎం.ఆర్. అంటే ది వన్ స్టాప్ షాప్ అన్నారు. ఫ్యామిలీ అందరికీ నచ్చే విధంగా అన్ని రకాల వెరైటీలు, డిజైన్స్ లభిస్తాయన్నారు. తమ వద్ద అందరికీ అందుబాటు ధరలలో లక్షలలో డిజైన్లు, వేలల్లో వెరైటీలు లభిస్తాయన్నారు. ప్రస్తుత యువతరానికి నచ్చే విధంగా అన్నిరకాల వెరైటీలు లభిస్తాయన్నారు.
ఈ కార్యక్రమంలో ప్రముఖ సినీతార శ్రీలీల ప్రత్యేక ఆకర్షణగా నిలిచారు. జ్యోతి ప్రజ్వలన చేసిన అనంతరం అన్ని సెక్షన్లు తిరిగి, అన్ని రకాల వస్త్రాలను పరిశీలించి.. ఇక్కడ అన్ని రకాల వస్త్రాల క్వాలిటీ చాలా బాగుందని, రీజనబుల్ ప్రైస్‌లో లభిస్తున్నాయన్నారు. అభిమానులతో సెల్ఫీలు దిగి తన డ్యాన్సుతో ఫ్యాన్సును ఉర్రూతలూగించారు.
