Bigg boss Buzzz: బిగ్ బాస్ తెలుగు సీజన్ 9 ఇటీవలే గ్రాండ్ గా లాంచ్ అయ్యింది. కింగ్ అక్కినేని నాగార్జున హోస్టింగ్ లో ఈసారి చదరంగం కాదు రణరంగమే అంటూ 15 మంది కంటెస్టెంట్స్ ఎంట్రీ ఇచ్చారు. వారిలో 9 మంది సెలబ్రిటీలు ఉంటే, 6 మంది కామనర్స్ ఉన్నారు. ప్రారంభంలో సో, సో గా సాగిన ఈ షో.. ఇప్పుడిప్పుడే ఇంట్రెస్టింగ్ మారుతోంది. సామాన్యులకు, సెలబ్రిటీలకు మధ్య పోరు హోరాహోరీగా సాగుతోంది. ఆల్రెడీ ఫస్ట్ వీక్ ఎలిమినేషన్ కోసం నామినేషన్స్ కూడా పూర్తయ్యాయి. ఇలాంటి సమయంలో ‘బిగ్‌బాస్ బజ్’ ప్రోమోని రిలీజ్ చేశారు.

హోస్ట్ గా శివన్న..!

తెలుగు ‘బిగ్‌ బాస్’ షోలో గత సీజన్లో పాల్గొన్న కంటెస్టెంట్లలో ఎవరో ఒకరితో ‘బిగ్‌బాస్ బజ్’కి హోస్టింగ్ చేయిస్తూ వస్తున్నారు. అయితే, గత సీజన్ లో అర్జున్ అంబటి వ్యాఖ్యాతగా వ్యవహరించారు. దీంతో ‘బిగ్ బాస్ 9’ బజ్ ప్రోగ్రామ్ కి ఎవరు హోస్ట్‌గా వస్తారనేది ఆసక్తికరంగా మారింది. గత కొన్ని రోజులుగా ప్రచారంలో ఉన్నట్లుగానే నటుడు శివాజీ ఈసారి ‘బిగ్‌బాస్ బజ్’కి హోస్టింగ్ చేయనున్నారని ప్రకటించారు. సీజన్-7లో పాల్గొన్న శివన్న.. లేటెస్టుగా వచ్చిన ప్రోమోలో తనదైన శైలి డైలాగ్స్ తో ఆకట్టుకున్నారు. ‘బిగ్ బాస్ బటర్‌ఫ్లై ఎఫెక్ట్’ అనే పేరుతో సీజన్-9 బజ్ కార్యక్రమం నిర్వహించనున్నారు. ప్రోమోలో శివన్న డైలాగ్ హైలెట్ గా నిలిచింది.

Read Also: India Vs Pakistan: ఇండియా వర్సెస్ పాక్ మ్యాచ్ టికెట్లు షాక్.. రేట్లు తగ్గించినా అమ్ముడుపోలేదు!

బటర్ ఫ్లై ఎఫెక్ట్ తెలుసా?

”మీకు బటర్‌ఫ్లై ఎఫెక్ట్ గురించి తెలుసా?. ఈ నేచర్ లో ఎక్కడో జరిగే ఓ మూమెంట్.. ఇంకెక్కడో జరిగే మూమెంట్ ను డిసైడ్ చేస్తుంది. దీన్నే బటర్‌ఫ్లై ఎఫెక్ట్ అంటారు. అయితే మీకు బిగ్ బాస్ బటర్‌ఫ్లై ఎఫెక్ట్ తెలుసా?” అంటూ ప్రోగ్రామ్ గురించి శివాజీ చెప్పుకొచ్చారు. ”హౌస్ మేట్స్ తీసుకునే డెసిజన్స్ వల్ల, వాళ్లు చేసే పనుల వల్ల ఆడియన్స్ లో ఇమేజ్ మారుతూ ఉంటుంది. ఇదే బిగ్ బాస్ బటర్‌ఫ్లై ఎఫెక్ట్” అంటూ చెప్పుకొచ్చారు. ”సామాన్యులకు, సెలబ్రిటీలకు మధ్య జరిగే పోరులో గెలుపు ఎవరిదో మీరు డిసైడ్ చేయండి. వాళ్లు బయటకు వచ్చాక ఏది రైట్? ఏది రాంగ్? అనేది మనం డిసైడ్ చేద్దాం” అంటూ శివాజీ ఈ కార్యక్రమంపై ఇంట్రెస్ట్ క్రియేట్ చేశారు. అయితే ప్రతీ సీజన్ తరహాలో ఎలిమినేషన్ అయిన మరుసటిరోజు కాకుండా, ఎలిమినేట్ అయిన వెంనటే బిగ్ బాస్ బజ్ ఇంటర్వ్యూ ఉంటుందని ప్రోమోలో తెలుస్తోంది. ప్రతి ఆదివారం రాత్రి 10.30 నిమిషాలకు ‘స్టార్ మా’ ఛానల్ లో ఈ ప్రోగ్రామ్ ప్రసారం కానుంది.

బిగ్ బజ్ ఇంటర్వ్యూలు..

‘బిగ్‌బాస్ బజ్’ అనేది హౌస్ నుంచి ఎలిమినేట్ అయిన కంటెస్టెంట్లను ఇంటర్వ్యూ చేసే కార్యక్రమం. బిగ్‌బాస్ షో నుంచి బయటకు వచ్చిన కంటెస్టెంట్లను ఇబ్బంది పెట్టే ప్రశ్నలు అడుగుతూ, వారు చేసిన తప్పులను ఎత్తిచూపుతూ రోస్ట్ చేసే ప్రోగ్రామ్ ఇది. హౌస్‌లో జరిగిన ఇన్సిడెంట్స్, వారి అనుభవాలు, ఇతర కంటెస్టెంట్లతో వారికున్న సంబంధాలు వంటి అనేక విషయాలను ఈ ఇంటర్వ్యూలో చర్చిస్తుంటారు. అందుకే ఆడియన్స్ ప్రతీ వారం ఈ ప్రోగ్రామ్ కోసం ఇంట్రెస్ట్ గా ఎదురు చూస్తుంటారు. సీజన్-9లో శివాజీ హోస్ట్‌గా ఇంటర్వ్యూలు చేస్తారని తెలియడంతో అందరిలో ఉత్సాహం రెట్టింపు అయింది. ఈ వారం శ్రష్ఠి వర్మ, ఫ్లోరా షైనీ, రీతూ చౌదరి, సంజన గల్రానీ, తనూజా గౌడ, సుమన్ శెట్టి, రాము రాథోడ్, డీమన్ పవన్, ఇమ్మానుయేల్ వంటి తొమ్మిది మంది కంటెస్టెంట్లు నామినేషన్స్ లో ఉన్నారు. మరి వీరిలో ఎవరు ఎలిమినేట్ అవుతారో?, బిగ్ బాస్ బజ్ లో వారిని శివాజీ ఎలా రోస్ట్ చేస్తారో చూడాలి. అయితే, శివాజీ హోస్ట్ చేస్తారని తెలియడంతో బిగ్ బాస్ ఎపిసోడ్స్ కంటే బజ్ కి రేటింగ్ ఎక్కువ వస్తుందని నెటిజన్లు కామెంట్స్ చేస్తున్నారు.

Read Also: Ukraine Crisis: ఉక్రెయిన్ తో శాంతి చర్చలు నిలిచాయి.. రష్యా కీలక ప్రకటన