Bigg Boss Promo Today:  బిగ్‌బాస్ హౌస్‌లో గత వారం ట్విస్టుల మీద ట్విస్టులు నడిచాయి. నాలుగో వారం నామినేషన్స్ ప్రక్రియ చూసేందుకు ఆడియన్స్ ఎదురుచూస్తున్నారు. అయితే గత వారంలానే ఈ వారం కూడా ఇమ్యూనిటీ టాస్క్ పెట్టాడు బిగ్‌బాస్. లాస్ట్ వీక్‌లో ఇమ్యూనిటీ పొంది నామినేషన్స్ నుంచి సేవ్ అయింది ఫ్లోరా. అలా ఈ వారం ఇమ్యూనిటీ టాస్కులో ఇద్దరికి ఇమ్యూనిటీ వచ్చినట్లు సమాచారం. రీసెంట్ గా రిలీజ్ చేసినన ప్రోమోలో ఇందుకు సంబంధించిన టాస్క్ ఎలా జరిగింది ఏంటో చూపించారు. మరి ఇమ్యూనిటీ ఎవరు పొందారో చూద్దాం.

నామినేషన్స్ నుంచి విముక్తి కోసం..

నామినేషన్స్ నుంచి విముక్తి పొంది సేవ్ అవ్వడానికి ఇంటి సభ్యులకి నేను ఇస్తున్న టాస్క్ ‘ఇమ్యూనిటీ స్టార్స్’.. అంటూ బిగ్‌బాస్ ప్రకటించారు. అనంతరం ఉన్న 12 మంది సభ్యుల్ని ఆరుగురు చొప్పున రెండు టీములుగా డివైడ్ చేశారు. ఇక డీమాన్ కెప్టెన్ కావడంతో సంచాలక్‌గా వ్యవహరించాడు. ఈ టాస్క్‌ని యాక్టివిటీ ఏరియాలో సెటప్ చేశారు. మీవైపు ఉన్న మొత్తం స్క్వేర్ బ్లాక్స్‌ని పూర్తిగా పగలగొట్టి అక్కడ ఉన్న మూడు స్టార్స్‌లో ఒకసారి ఒకదాన్ని మాత్రమే తీసుకొని కిందకి వచ్చి టీమ్ బాస్కెట్లో పెట్టాలి.. అంటూ డీమాన్ రూల్స్ చదివి వినిపించాడు. ఇక మొదటి రౌండ్‌లో సుమన్ శెట్టి-దివ్య కలిసి.. ఇమ్మానుయేల్-సంజన‌లని ఎదుర్కొన్నారు. వీళ్లిద్దరి మధ్య టాస్క్ హోరాహోరీగా సాగింది. అయితే వీళ్లలో దివ్య-సుమన్ శెట్టి విజయం సాధించినట్లు తెలుస్తోంది. ఆ తర్వాత తనూజ-భరణి.. హరీష్-ఫ్లోరా మధ్య టాస్క్ నడిచింది. అయితే వీళ్లు బాక్సులు పగలగొట్టకుండానే స్టార్స్ తీసేశారు. దీంతో రూల్ ప్రకారం ఇద్దరూ ఫౌల్ చేశారు కాబట్టి నో విన్నర్ బిగ్‌బాస్ ఇద్దరిలో నుంచి అంటూ డీమాన్ షాకిచ్చాడు. ఇలా ప్రోమోలో టాస్కు గురించి చూపించారు.

Read Also: Bigg Boss promo 3 Today: పాపం బిడ్డ జడుసుకుంది.. శ్రీజకు ఎలిమినేషన్ ఫోబియా..!

ఆ ఇద్దరికీ ఇమ్యూనిటీ

అయితే ఇలా పెట్టిన ఇమ్యూనిటీ టాస్కుల్లో చివరికి నలుగురి మధ్య పోటీ జరిగింది. తనూజ-సుమన్ శెట్టి.. దివ్య-ఫ్లోరా రెండవ టాస్కులో పోటీపడ్డారు. వీరి నుంచి తనూజ-సుమన్ శెట్టి విజయం సాధించి ఈ వారం నామినేషన్స్ నుంచి ఇమ్యూనిటీ పొందినట్లు సమాచారం. అంటే ఈ వారం నామినేషన్స్‌లో తనూజ, సుమన్ శెట్టి ఉండరన్నమాట. అలానే కెప్టెన్ అయిన కారణంగా డీమాన్ కూడా ఉండడు. అంటే మిగిలిన 9 మందిలోనే నామినేషన్స్ జరగనున్నాయి. ఇప్పటికే గత వారం ఓటింగ్‌లో లీస్ట్ ఉండి డేంజర్ జోన్ వరకూ వెళ్లి వచ్చాడు కళ్యాణ్. ఇక శ్రీజ అయితే డీమాన్ దయ వల్ల గత వారం నామినేషన్స్ నుంచి సేవ్ అయిపోయింది. కానీ ఈ వారం అలా సేవ్ చేసే పరిస్థితి లేదు.. పైగా ఇమ్యూనిటీ కూడా వీళ్లిద్దరికీ రాలేదు. కనుక ఈ వారం కళ్యాణ్-శ్రీజ నామినేషన్స్‌కి వస్తే మాత్రం ఇద్దరిలో ఒకరు పోవడం కన్ఫార్మ్ అని ఆడియన్స్ అనుకుంటున్నారు. అయితే ఫ్లోరా కూడా నామినేషన్స్‌లో ఉంటే కళ్యాణ్-శ్రీజ కాస్త ఊపిరి పీల్చుకోవచ్చు. రీసెంట్‌గా హౌస్ నుంచి ప్రియ శెట్టి ఎలిమినేట్ అయిన సంగతి తెలిసిందే. మొత్తం 15 మంది హౌస్‌లోకి రాగా వీరి నుంచి ఇప్పటివరకూ శ్రష్టి వర్మ, మర్యాద మనీష్, ప్రియ ఎలిమినేట్ అయ్యారు.

Read Also: Bigg Boss 9 Telugu: ప్రియా శెట్టి ఎలిమినేట్.. 3 వారాలకు రెమ్యూనరేషన్ ఎంతంటే?