Bigg boss: బిగ్‌బాస్ మొదటి వారం నామినేషన్స్ ప్రక్రియ బుధవారంతో ముగియబోతుంది. మంగళవారం ఎపిసోడ్‌లో ఎక్కువ మంది సంజనని నామినేట్ చేశారు. అయితే, మూడోరోజుకి సంబంధించిన రెండో ప్రోమోలో మరోసారి సంజనని నామినేట్ చేస్తూ సుమన్ శెట్టి డెసిషన్ తీసుకున్నాడు. కానీ దీన్ని ఓనర్ ప్రియ ఆమోదించలేదు. సంజన ఆల్‌రెడీ నామినేట్ అయింది. కాబట్టి, ఆ ప్లేస్‌లో రాము రాథోడ్‌ని నామినేట్ చేసింది. మరోవైపు భరణికి బిగ్‌బాస్ ఒక పవర్ ఇచ్చారు. ప్రస్తుతం ఉన్న కంటెస్టెంట్లలో సుమన్ శెట్టి వీక్‌గా కనిపిస్తున్నారు. మిగిలిన వాళ్లతో పెద్దగా కలవడం లేదు.  ఫైర్ కనిపించడం లేదంటూ మంగళవారం ఎపిసోడ్‌లో హరీష్ నామినేట్ చేశాడు. అయితే, ఇవాళ్టి ఎపిసోడ్‌లో ఫ్లోరా సైని- సుమన్ శెట్టి ఇద్దరూ పోటీపడ్డారు. అయితే, ఊహించని విధంగా సుమన్ శెట్టి చాలా వేగంగా పాకుకుంటూ వెళ్లి సుత్తి అందుకొని అందర్నీ అవాక్కయ్యేలా చేశాడు.

Read Also: Bigg Boss:  తనూజ వర్సెస్ హరీష్.. నామినేషన్స్ హీట్..!

సుమన్ శెట్టి ఏమన్నాడంటే

ఇక సుత్తి అందుకోగానే తన వైపు నుంచి సంజనని నామినేట్ చేయాలనుకుంటున్నట్లు చెప్పాడు సుమన్ శెట్టి. ఇవాళ ఉదయం జరిగిన, నిన్న జరిగిన ఇష్యూస్.. అది కొంచెం ఇరిటేటెడ్‌గా అనిపించిందండి మాకు.. అని సుమన్ శెట్టి తన పాయింట్ చెప్పాడు. ఇక దీన్ని ఆమోదించేందుకు ప్రియకి సుత్తి ఇచ్చాడు. అయితే ప్రియ మాత్రం వేరేలా డిసిషన్ తీసుకుంది. సంజన గారి పాయింట్‌యే రిపీట్ రిపీట్ అవుతుంది కాబట్టి నేను నామినేషన్ ఛేంజ్ చేస్తున్నాను.. అంటూ రాము రాథోడ్ ఫొటో పగలగొట్టింది. ఫుడ్ విషయంలో మీకోసం చేసినప్పడు మీకు ఓకే రూల్స్ బ్రేక్ చేసి.. కానీ మా కోసం అంటే మాత్రం రూల్స్ మాట్లాడతారు అంటూ తనకి ఆలు కర్రీ ఇవ్వలేదనే రీజన్‌తో ప్రియ నామినేట్ చేసింది. దీంతో దాని కోసమే మీరు నామినేట్ చేశారు అంతే కదా ప్రొసీడ్.. అంటూ రాము వదిలేశాడు. ఇక చివరిలో భరణికి నామినేట్ చేసే అధికారం బిగ్‌బాస్ ఇచ్చాడు. ఇప్పటివరకూ జరిగిన నామినేషన్స్‌లో సుత్తి అందుకోకుండా డేంజర్ జోన్‌లో ఉన్న మనీష్- పవన్ లోనుంచి ఒకర్ని నామినేట్ చేయాలని బిగ్‌బాస్ చెప్పాడు.

Read Also: Diabetics: డయాబెటిక్ పేషంట్స్ తినకూడని పండ్లు ఇవే..!

మొత్తం 9 మంది..
ఈ ఇద్దరిలో నుంచి ఈ వారం తగిన కారణాలతో ఒకరిని నేరుగా నామినేట్ చేయండి.. అంటూ బిగ్‌బాస్ చెప్పాడు. దీంతో భరణి.. డీమన్ పవన్‌ని నామినేట్ చేశాడు. పవన్ విషయానికొచ్చే సరికి కాస్త నెగ్లిజెంట్ ఆటిట్యూడ్ కనబడుతుంది.. అని భరణి అన్నాడు. అయితే ఈ మాటని పవన్ యాక్సెప్ట్ చేయలేదు. నేను నెగ్లిజెంట్ అనడం అది యాక్సెప్ట్ చేయలేను.. అంటూ చెప్పాడు. ఇలా ఈరోజు నామినేషన్స్ ప్రోమోలో ఫైర్ లేదు కానీ సుమన్ శెట్టి మాత్రం ఫైర్ చూపించాడు. మొత్తానికి ఈ వారం నామినేషన్స్‌లో 9 మందిని లిస్ట్‌లోకి చేరారు. ఓనర్లు అయిన కామనర్ల నుంచి పవన్ ఒక్కడే నామినేషన్స్‌లో ఉండగా.. టెనెంట్స్ అయిన సెలబ్రెటీల నుంచి భరణి మాత్రమే సేఫ్ అయ్యాడు. మిగిలిన వాళ్లంతా నామినేషన్స్‌లో ఉన్నారు. మరి ఫస్ట్ వారం దెబ్బకి ఎవరు బ్యాగు సర్దుకుంటారో చూడాలి మరి.