Bigg Boss Today Promo: బిగ్‌బాస్ హౌస్‌లో వైల్డ్‌కార్డ్స్ ఎంట్రీకి రంగం సిద్ధమవుతోంది. వచ్చే వారం వైల్డ్‌కార్డ్స్ ఎంట్రీ ఇవ్వనుండటంతో వాళ్లని ఆపేందుకు హౌస్‌మేట్స్‌కి టాస్కులు పెడుతున్నాడు బిగ్‌బాస్.  దీనికి సంబంధించిన ప్రోమో ఇప్పటికే వదలగా.. ఇక లేటెస్ట్ ఎపిసోడ్‌కి సంబంధించిన రెండో ప్రోమోలో అందరూ కలిసి సరదాగా ముచ్చట పెట్టుకున్నారు. దీనికి సంబంధించిన వివరాలేంటో ఇప్పుడు చూద్దాం.

బిగ్‌బాస్ లేటెస్ట్ ప్రోమోలో సంజన కిచెన్‌లో గిన్నెలు తోముతూ కామెడీ చేసింది. బిజినెస్ క్లాస్‌లో తిరిగేదాన్ని నేను.. ఇక్కడ ఇప్పుడు ఇలా అంటూ సంజన సరదాగా కామెంట్లు చేసింది. దీంతో పక్కనే ఉన్న ఇమ్మానుయేల్.. ఎవరు తినమన్నారే నిన్ను ఏడు గుడ్లు.. అంటూ క్లామెడీ చేశాడు. ఆ తర్వాత అందరూ కలిసి గార్డెన్ ఏరియాలో ముచ్చట పెట్టుకున్నారు. అయితే, గ్రూప్ అంతా ముచ్చట పెడుతుండగా.. తనూజని దివ్య ఓ ఇంట్రెస్టింగ్ కొశ్చన్ అడిగింది. బయటికెళ్లాక మీరు చూడాలనుకున్న ఫస్ట్ పర్సన్ ఎవరు.. అని దివ్య అడిగింది. నేను ఫస్ట్ కలిసేది నాన్నని.. నాకు దగ్గరైన ఒక వ్యక్తితో.. అంటూ తనూజ చెప్పింది. ఈ మాట వినగానే నాన్న, అల్లుడు కూతురు కలుస్తారంటావ్ అయితే మరి అల్లుడ్ని నేనే కదే.. అంటూ ఇమ్మూ నవ్వించాడు.

Read Also: Bigg Boss Wildcard Entry: తుపాను నుంచి కాపాడుకోవటానికి ఒకే ఒక్క ఛాన్స్…. వైల్డ్‌కార్డ్స్‌ని ఆపేందుకు టాస్కులు..

ఇమ్మూ ఫుల్ కామెడీ..

మా ఇంట్లో నన్ను పిలుస్తారు అమ్మూ.. కానీ నాకు ఇష్టం ఇమ్మూ.. అంటూ తనూజ కూడా సరదాగా అంది. అలా అన్నావంటే పడేస్తాను నిన్ను.. అంటూ ఇమ్మూ చెలరేగిపోయాడు. ఆ తర్వాత కళ్యాణ్-ఇమ్మూ-తనూజ-భరణి కూర్చొని ఉండగా నాకు మా అమ్మ కావాలి.. అని తనూజ అంది. దీంతో నాన్న (భరణి) ఇప్పుడుకిప్పుడు పెళ్లి చేసుకోవాలంటే ఏడ చేసుకుంటాడు.. మా ఆయన కావాలంటే నేను చేసుకోగలను కానీ మీ నాన్నకి ఇప్పటికిప్పుడు పెళ్లి అంటే ఎలా.. అంటూ కామెడీ చేశాడు ఇమ్మూ. ఈ మాటలకి తెగ నవ్వుకున్న భరణి.. సెల్ఫ్ గోల్ ఏం లేదు వాడు గోల్‌లోనే ఉన్నాడు 10 రోజుల నుంచి.. అంటూ ఇమ్మూ గురించి అన్నాడు. ఇక మా మమ్మీ ఫేస్ ఊహించుకుంటేనే ఏడుపొస్తుంది.. అంటూ తనూజ ఎమోషనల్ అయిపోయింది.

Read Also: Bigg Boss Wildcard Entries: అప్పుడేమో బడా డైరెక్టర్ పై కాస్టింగ్ కౌచ్ కామెంట్స్.. ఇప్పుడేమో బిగ్ బాస్ లోకి ఎంట్రీ?

సుమన్ శెట్టి ఎమోషనల్..

సుమన్ శెట్టి తన ఫ్యామిలీ గురించి తలచుకొని ఏడుస్తుంటే భరణి, ఇమ్మూ ఓదార్చారు. సంజన, శ్రీజ కూడా ఫ్యామిలీ గురించి ఏడ్చేశారు. ఇదంతా చూసి రేయ్ ఇంకోసారి ఈ పొటేటో కర్రీ చేయకండ్రా అందరూ ఏడుస్తున్నారు ఇది తిని.. అంటూ ఇమ్మూ నవ్వించాడు. కాగా.. ఈరోజు ఎపిసోడ్‌‌లో అటు నవ్వులు ఇటు ఏడుపులు అన్నీ మిక్స్ చేసి ఎంటర్‌టైన్ చేయబోతున్నారు. మరోవైపు వైల్డ్ కార్డ్స్‌ని ఆపేందుకు పెట్టిన ఒక టాస్కులో భరణి-దివ్య గెలిచినట్లు తెలుస్తోంది. మరో టాస్కులో రాము, డీమాన్ గెలిచారని లీకులు వచ్చాయి. అయితే, వీళ్లు ఎన్ని పాయింట్లు సంపాదిస్తారు ఎంతమంది వైల్డ్ కార్డ్స్‌ని ఆపుతారు అనేది మాత్రం తెలియాల్సి ఉంది. కాగా.. ఐదు నుంచి ఆరుగురు వైల్డ్ కార్డ్స్ హౌస్‌లోకి ఎంట్రీ ఇవ్వబోతున్నట్లు తెలుస్తోంది.