Bigg Boss Promo Today: సెలబ్రెటీలని టెనేట్స్ గా మార్చి కామనర్లని ఓనర్లుగా చేసి అధికారాలు ఇచ్చాడు బిగ్‌బాస్. అయితే అధికారం ఉంది కదా అని మితిమీరిగా ప్రవర్తిస్తే రిజల్ట్ వేరేలా ఉంటుంది. ఇదే విషయాన్ని శనివారం ఎపిసోడ్‌లో నాగార్జున క్లారిటీగా చెప్పారు. తనూజ విషయలో దమ్ము శ్రీజ తప్పుగా మాట్లాడిందని చెప్పారు. అలానే భరణి, ఇమ్మానుయేల్, తనూజ విషయంలో హరిత హరీష్ చేసిన ఆడంగి కామెంట్లపైనా నాగ్ గట్టిగానే ఫైర్ అయ్యారు. ఇక ఆదివారం ఎపిసోడ్‌లో కెప్టెన్ సంజన మరోసారి తన పాయింట్ లేవనెత్తింది. తాను ఏం చెప్పినా సరే మానిటర్లు వినడం లేదని.. ఏమైనా అంటే నువ్వు టెంపరెరీ ఓనర్ మాత్రమే అంటున్నారని ఈ విషయంలో క్లారిటీ ఇవ్వాలంటూ సంజన అడిగింది. దీంతో నాగార్జున కామనర్ల తోలు తీసేలా క్లారిటీ ఇచ్చారు. ఇలా సండే ఎపిసోడ్ లో ఏం జరిగిందో చూద్దాం..
Read Also: London protest: బ్రిటన్ లో భారీ యాంటీ ఇమిగ్రేషన్ ర్యాలీ.. రోడ్లపైకి వచ్చిన లక్షల మంది
నీలాంబరి సాంగ్ తో నాగ్ ఎంట్రీ..!
“నీలాంబరి నీలాంబరి” సాంగ్‌తో నాగార్జున ఎంట్రీ ఇచ్చారు. ఇక్కడ ఇంకా కొన్ని బాక్సెస్ ఉన్నాయి.. వాటి సంగతి చూద్దామంటూ నాగ్ అన్నారు. అందులో ఒక బాక్స్ తీయగా అది ఖాళీగా ఉంది. దీంతో తర్వాత శ్రష్టిని ఓ విషయం అడిగారు నాగ్. ల్యాండ్ ఓనర్లలో ఈక్వాలిటీ చూపించని వ్యక్తి ఎవరు.. అని అడిగితే శ్రష్టి.. మనీష్ పేరు చెప్పింది. మనీష్ గారిని ఒక ఆపిల్ కావాలని నేను అడిగాను.. నా మెడికల్ కండీషన్ ఇదని చెప్పాను.. దీంతో డిస్కస్ చేసి చెప్తాను అని మనీష్ నాతో అన్నారు.. కానీ ఏం రిప్లయ్ ఇవ్వలేదు అంటూ శ్రష్టి చెప్పింది. దీంతో ఏంటి మనీష్ విషయం అని నాగార్జున అడిగారు. అయితే ఆరోజు మా రూమ్‌లో డిస్కషన్ ఏమైందంటే ఏ ఫ్రూట్స్ బయటికి వెళ్లవని.. అంటూ మనీష్ చెప్పాడు. అలాగా మరి రెండు అరటిపళ్లు బయటికి ఎలా వెళ్లాయి.. అంటూ నాగ్ ప్రశ్నించారు. దీంతో ఆ టూ బనానాస్ ఇచ్చింది మేమే.. రాముకే ఇచ్చాం.. అంటూ ప్రియ లేచి ఆన్సర్ ఇచ్చింది. మరి శ్రష్టికి ఎందుకు ఇవ్వలేదు.. అని నాగ్ అడిగితే తను (మనీష్) నాకు రిమైండ్ చేయలేదో.. అంటూ ప్రియ తప్పించుకోవడానికి ట్రై చేసింది.
కెప్టెన్ కే రూల్స్..
శ్రష్టి చెప్పిన దాని గురించి మనీష్ డిస్కస్ చేశానని చెప్తున్నాడు.. అసలు ఎవరు ఎస్టాబ్లిష్ చేశారు ఈ రూల్.. మతిమరుపుకి ఏమైనా మందుటే వేసుకో.. అంటూ నాగార్జున ఫైర్ అయ్యారు. ఇంతలో కెప్టెన్ సంజన లేచి తన కంప్లెయింట్స్ చెప్పింది. నేను మాట్లాడితే జస్ట్ టెంపరెరీ ఓనర్‌ని అంటారు.. సో నాకు ఈ విషయం తెలియాలి.. నా మానిటర్స్ కెప్టెన్ కంటే ఎక్కువా.. అని సంజన అడిగితే అందరూ కెప్టెన్ మాట వినాలి.. అంటూ నాగ్ ఆన్సర్ ఇచ్చారు. సో కెప్టెన్ ఈజ్ సూపీరియర్ టూ మానిటర్స్.. అంతేనా అని సంజన అడిగితే యస్.. అంటూ తేల్చి చెప్పారు నాగ్. ఇక ప్రోమో చివరిలో తనూజని లేపి ‘బనానా’.. నువ్వు చెప్తావా నన్ను చెప్పమంటావా.. అని నాగ్ అడిగారు. సార్ అయిపోయింది కదా సార్.. అని తనూజ అంటే బిగ్‌బాస్ వీడియో ప్లీజ్.. అంటూ చూపించారు. కిచెన్‌లో రీతూ, ఇమ్మూ , తనూజ కలిసి బనానా కొట్టేసి తినేసిన వీడియో చూపించారు. ఇక చివరిలో టైమ్ ఫర్ ఎలిమినేషన్.. రెడ్ కలర్ షాంపు బయటికొస్తే మీరు అన్‌సేఫ్.. గ్రీన్ వస్తే సేఫ్.. అంటూ టెన్షన్ పెట్టారు. అయితే ఇప్పటికే ఎలిమినేషన్ ఎవరనేది లీకైన సంగతి తెలిసిందే. శ్రష్టి వర్మ హౌస్ నుంచి ఎలిమినేట్ కాబోతుంది.
