Bigg Boss: బిగ్ బాస్ గేమ్ రసవత్తరంగా మారింది. తొలివారం నామినేషన్స్ ప్రక్రియ షురూ అయ్యింది. సామాన్యులు వర్సెస్ సెలబ్రిటీల మధ్య పోరు తొలివారం నామినేషన్స్ ప్రక్రియకంటే ముందే మొదలైపోయింది. దాన్ని రెట్టింపు చేస్తూ నామినేషన్స్ ఫిటింగ్ పెట్టారు బిగ్ బాస్. అయితే ఈ నామినేషన్ ప్రక్రియలో సామాన్యులంతా కలిసి సెలబ్రిటీలను నామినేట్ చేస్తున్నారు. ఫస్ట్ వీక్ ఫస్ట్ నామినేషన్స్ ప్రోమో అయితే కిక్కిచ్చింది. బిగ్ బాస్ హౌస్‌లో అసలు మజా అంటే నామినేషన్స్, ఎలిమినేషన్స్‌తోనే తొలివారంలో అయితే అప్పుడే కొత్తగా హౌస్‌లోకి వస్తుంటారు కాబట్టి.. పెద్దగా తిట్టుకోవడాలు, కొట్టుకోవడాలు లాంటివి ఉండవు. కానీ ఈ సీజన్‌లో సెలబ్రిటీ వర్సెస్ కామనర్స్ మధ్య తొలిరోజు రణరంగం మొదలైపోయింది. మాస్క్ మెన్ హరీష్ వర్సెస్ ఇమ్మానుయేల్‌ల మధ్య గట్టిగానే గొడవ అయ్యింది. ఇక రీతూ చౌదరి అయితే తనకి ఇచ్చిన పనిని చక్కబెట్టే పనిలో పడింది. హౌస్‌లోని కుర్రాళ్లని లైన్‌లో పెట్టేపనిలో దూసుకుని వెళ్లిపోతుంది. ఓరకళ్లతో జవాన్ పవన్ కళ్యాణ్‌ని పడేసే పనిలో పడింది.
Read Also: Bigg Boss: జనసైనికులు రెడీయా.. బిగ్ బాస్ హౌస్‌లోకి వెళ్లగానే నాగబాబు పోస్ట్
సంజనాపై సామాన్యుల ఫైర్
ఇక హౌస్‌లో ఎవరు ఎలా ఉన్నా కూడా అసలు రంగు బయటపడేది నామినేషన్స్‌తోనే. తొలివారం నామినేషన్స్ ప్రక్రియను మొదలుపెట్టేశారు బిగ్ బాస్. దీనికి సంబంధించి ప్రోమోను వదిలారు. అగ్నిపరీక్షను ఎదుర్కొని అందులో గెలిచి వచ్చిన సామాన్యులకు మరో బంపరాఫర్ ఇచ్చారు బిగ్ బాస్. ఈవారం సెలబ్రిటీలను నామినేట్ చేసే అవకాశాన్ని ఇచ్చారు. సామాన్యులంతా కలిసి ఎవర్ని నామినేట్ చేయాలనుకుంటున్నారో.. చర్చించి చెప్పమన్నారు బిగ్ బాస్. దాంతో అందరూ కలిసి ఏకాభిప్రాయంతో సంజనా గల్రానీ పేరుని చెప్పారు. మీరు తీసుకునే నిర్ణయాల వల్ల.. మాలో మాకు గొడవలు వస్తున్నాయి. మిస్ అండర్ స్టాండింగ్ అవుతుంది అని తన వాదన వినిపించాడు మనీష్. మీరు అబద్దాలు ఆడుతున్నారు.. బ్యాక్ బిచ్చింగ్ చేస్తున్నారు అని అన్నాడు. అతని వాదనని డిఫెండ్ చేసుకున్న సంజనా.. ‘నా వల్ల ఇబ్బంది అవుతుందని మీలో ఒక్కరైనా చెప్పారా? కనీసం వాటర్ తాగలన్నా నా పర్మిషన్ కావాలన్నట్టుగా బిహేవ్ చేస్తున్నానని అని గల్రానీ అడిగింది. దాంతో ప్రియశెట్టి.. అవును మీరు కచ్చితంగా బ్యాక్ బిచ్చింగ్ చేస్తున్నారు.. అది హౌస్‌లో ఉన్న వాళ్లందరికీ తెలుసు అని చెప్పింది. ఏయ్ ఏం మాట్లాడుతున్నావ్ అని సంజనా అంటే.. ‘బ్యాక్ బిచ్చింగ్ చేస్తున్నావ్ అని అందరూ అంటున్నారూ’ అంటూ గొడవపడింది ప్రియాశెట్టి.
Read Also: Bigg Boss: కంటి చూపుతో.. నీ కంటి చూపుతో.. పడాల అస్సలు పడొద్దు..!
సంజనా వర్సెస్ ఆశాషైనీ
ఆ తరువాత సంజనా వర్సెస్ ఆశాషైనీల మధ్య మాటల యుద్ధం పెరిగి పర్సనల్ ఎటాక్ వరకూ వెళ్లింది. నా పర్సనల్ రిలేషన్ షిప్ గురించి ఒక్కసారి కాదు.. మూడుసార్లు మాట్లాడాల్సిన అవసరం ఏముంది? అంటూ సంజనాని నిలదీసింది ఈ లక్స్ పాప. చూస్తుంటే.. ఈవారం సంజనా బయటికి వెళ్లే పనిలో ఉంది. ఎందుకంటే.. ఫస్ట్ వీక్‌లో ఎవరైతే కిచిన్ బాధ్యతల్ని తీసుకుంటారో.. వాళ్లు హౌస్ నుంచి వెళ్లిపోవడం అనేది పరంపరగా కొనసాగుతోంది. అయితే, ఈ సీజన్‌లో సంజనా ఏరికోరి మరీ కిచెన్ బాధ్యతల్ని తీసుకుంది. తన గొయ్యి తానే తవ్వుకుంది. కాబట్టి , ఈ నామినేషన్ గండం నుంచి గట్టెక్కడం అయితే కష్టమే మరి.
