Bigg Boss Updates: బిగ్‌బాస్ సీజన్-9లో వైల్జ్‌కార్డ్స్ ఆటను రసవత్తరంగా మార్చారు. అటు టాస్కులు, ఇటు మాటలు రెండింటిలోనూ జోరు చూపిస్తున్నారు. నిన్న జరిగిన కెప్టెన్సీ కంటెండర్ టాస్కులో పాత కంటెంస్టెంట్లపై ఈజీగా నెగ్గేశారు వైల్డ్‌కార్డ్స్. ముఖ్యంగా గౌరవ్ గేమ్ లో జోష్ చూపిస్తున్నారు. ఇటీవల జరిగిన కెప్టెన్సీ ఫైనల్ టాస్క్‌లో కూడా గౌరవ్ ఇచ్చిపడేశాడు. టాస్కులో గెలిచి సుమన్ శెట్టి-గౌరవ్ ఇద్దరూ కెప్టెన్స్ అయ్యారు. సరిగ్గా అప్పుడు బిగ్‌బాస్ ఓ ట్విస్ట్ ఇచ్చాడు. నిఖిల్ మీ దగ్గరున్న కంటెండర్ పవర్ ఉపయోగించి కెప్టెన్ అయ్యే సమయం వచ్చింది.. కొత్త కెప్టెన్స్ ఇద్దరిలో నుంచి మీరు ఒకరిని నేరుగా ఛాలెంజ్ చేయొచ్చు.. ఆ ఛాలెంజ్‌లో మీరు గెలిస్తే వారి స్థానంలో మీరు కెప్టెన్ అవుతారు.. అని బిగ్‌బాస్ చెప్పాడు.
Read Also: Bigg Boss Telugu 9: మహరాణి మాధురి రూల్స్.. సంజనా 2.0గా రమ్య?
సర్ ప్రైజ్ చేసిన నిఖిల్
ఇక, గౌరవ్ బిగ్ బాస్ ఛాలెంజ్ ని అంగీకరించాడు. అయితే, నిఖిల్ మాత్రం ఈ గేమ్ లో అందర్నీ సర్ ప్రైజ్ చేశాడు. ఎందుకంటే సుమన్ శెట్టిపైన ఛాలెంజ్ చేసి నిఖిల్ ఈజీగా గెలిచి కెప్టెన్ అయిపోవచ్చు. కానీ నిఖిల్ అలా చేయకుండా టఫ్ కంటెస్టెంట్‌తోనే పోటీ పడాలని అనుకున్నాడు. దీంతో అందరూ నిఖిల్ నిర్ణయాన్ని స్వాగతిస్తూ చప్పట్లు కొట్టారు. ఇక గౌరవ్-నిఖిల్ ఇద్దరికీ ‘గెలుపు కొరకు చివరి వరకూ’.. అనే టాస్క్ పెట్టాడు బిగ్‌బాస్. పోటీదారులు తమ ప్లాట్‌ఫామ్‌పై ఉన్న కర్రలపై నిలబడి రోప్స్‌కి కట్టిన వెయిట్ బ్యాగ్స్‌ని హ్యాండిల్స్ ద్వారా లాగుతూ కాళ్లు కిందపెట్టకుండా బ్యాలెన్స్ చేస్తూ నిలబడాలి.. బజర్ మోగిన ప్రతిసారి సంచాలకులు చెప్పినన్ని వెయిట్ బ్యాగ్స్‌ని తాను పిలిచిన ఇంటి సభ్యులు కెప్టెన్ అవ్వకూడదు అనుకునే పోటీదారుని రోప్‌కి హుక్ చేయాల్సి ఉంటుంది.. అంటూ బిగ్‌బాస్ రూల్స్ చెప్పాడు.
Read Also: Bigg Boss Captain: బిగ్ బాస్ చరిత్రలోనే తొలిసారిగా.. అధ్యక్షా.. సుమన్ అనే నేను..!
గత సీజన్ లోని యావర్ లా..
ఈ టాస్కుకి తనూజ సంచాలక్‌గా ఉంది. అయితే ఈ టాస్క్‌లో ఎక్కువ మంది నిఖిల్‌కే సపోర్ట్ చేశారు. అయినా కానీ పట్టువదలని విక్రమార్కుడిలా ఆడి గెలిచి కెప్టెన్ అయ్యాడు గౌరవ్. దీంతో హౌస్‌కి కొత్త కెప్టెన్స్‌గా గౌరవ్-సుమన్ శెట్టి నిలిచారు. ఈ టాస్క్‌కి సంబంధించిన ప్రోమో చూసిన చాలా మంది గౌరవ్ గురించి కామెంట్లు పెడుతున్నారు. గౌరవ్‌ని చూస్తుంటే బిగ్‌బాస్ సీజన్-7 కంటెస్టెంట్ యావర్‌యే గుర్తొస్తున్నాడని అంటున్నారు. ఎందుకంటే యావర్‌కి కూడా తెలుగు సరిగా రాదు పైగా టాస్కుల్లో ఇచ్చిపడేస్తుంటాడు. సేమ్ అలానే గౌరవ్ కూడా టాస్కుల్లో దుమ్మురేపుతున్నాడు. ఇక, యావర్ లా గౌరవ్ కూడా ఉంటే.. స్ట్రాంగ్ కంటెస్టెంట్ అవ్వడ మాత్రం గ్యారెంటీ.
