Bigg Boss Updates: బిగ్ బాస్ లో వైల్డ్ కార్డ్ ఎంట్రీ ప్రస్తావన వచ్చినప్పట్నుంచి అందరూ టాస్కులు ఇరగదీస్తున్నారు. ఇక నిన్నటి ఎపిసోడ్ లో బిగ్‌బాస్ మరో టాస్క్ పెట్టాడు. నిన్న నేను ఇచ్చిన టాస్కులో మీరు ప్రదర్శించిన ఆట తీరు చూసి ఆటలో మీ స్ఫూర్తి ఏ స్థాయిలో ఉందో స్పష్టంగా అర్థమైంది.. కానీ తప్పులని సరిదిద్దుకోవడానికి మరో అవకాశం ఇస్తున్నాను.. ఇందుకోసం నేను మీకు ఇస్తున్న టాస్క్ మ్యాచ్ ఇట్ విన్ ఇట్.. ఈ టాస్కులో గెలవడానికి పోటీదారులు చేయాల్సిందల్లా ప్రతి జంటలో ఒకరు యాక్టివిటీ ఏరియాలో ఉన్న మ్యూజియంకి వెళ్లి అక్కడ రెడ్ క్లాత్ ఉన్న స్టూల్‌పై పెట్టిన వస్తువుని గమనించి లివింగ్ ఏరియాకి వచ్చి తాము చూసిన వస్తువును డ్రాయింగ్ బోర్డ్ మీద గీయాలి.. జంటలోని మరో సభ్యుడు తమ పార్టనర్ వేసిన బొమ్మ చూసి యాక్టివిటీ ఏరియాలోకి వెళ్లి ఆ వస్తువును అంచనా వేసి దాన్ని తీసుకొని రావాలి..
తొలిరౌండ్ లోనే..
తాను తీసుకొచ్చిన వస్తువు తన పార్టనర్ గీసిన వస్తువు ఒకటే అయితే ఆ జంటకు పాయింట్లు లభిస్తాయి.. ఈ టాస్కు వివిధ రౌండ్స్‌లో జరుగుతుంది.మొదటి రౌండ్‌లో సరైన వస్తువును లివింగ్ ఏరియాకి తీసుకొచ్చిన జంట మొదటి స్థానంలో నిలుస్తారు కాబట్టి వారు మిగిలిన రౌండ్స్‌లో ఆడాల్సిన అవసరం లేదు.. ఈ టాస్కులో రాము, ఇమ్మూ సంచాలకులు అంటూ బిగ్‌బాస్ చెప్పాడు. ఇక ఈ టాస్కు మొదలుకాగానే దివ్య వేసిన బొమ్మ చూసి ఠక్కున లోపలికెళ్లి పట్టుకొచ్చేశాడు భరణి. దీంతో తొలి రౌండ్‌లోనే భరణి-దివ్య గెలిచేశారు. ఆ తర్వాతి రౌండ్‌లో ఫ్లోరా-సంజన గెలిచి సెకండ్ ప్లేస్ సాధించారు. ఆ నెక్స్ట్ శ్రీజ-సుమన్, తర్వాతి రౌండ్‌లో రీతూ-డీమాన్ గెలిచారు. ఇక చివరికి ఏం గెలవకుండా ఒక్క పాయింట్ కూడ పొందకుండా మిగిలిపోయింది తనూజ-కళ్యాణ్ జంట. నిజానికి అందరికంటే తనూజనే బాగా బొమ్మలు గీసింది. కానీ వాటిని చూసి లోపలికెళ్లి వస్తువు తీసుకురాలేకపోయాడు కళ్యాణ్. ఇక ఆఖరి రౌండ్‌లో గెలవగానే రీతూని గట్టిగా హత్తుకొని డీమాన్ చాలా సేపు ఉండిపోయాడు. ఇది చూసి సంజన-ఇమ్మూ ఆటపట్టించారు. ఓదార్చుకోండి కాసేపు.. అని అనడంతో సంజనని హగ్ చేసుకోవడానికి డీమాన్ వెళ్లాడు. నాకు పెళ్లయిందిరా రేయ్ నాకు ఒకటే ఇల్లు ఉంది నేను నా ఇంటికి వెళ్లాలి అంటూ సంజన సరదగా అంది. ఇక విన్ కాకపోవడంతో తనూజ హర్ట్ అయింది. దీంతో వెళ్లి సారీ చెప్పాడు కళ్యాణ్.. మనోడు ఎంత ఓదార్చుదామని ట్రై చేసినా తనూజ మాత్రం ఆ ఛాన్స్ ఇవ్వలేదు. రేయ్ నువ్వు వెళ్లు నాకు ఇరిటేషన్ తెప్పిస్తున్నావ్ అంటూ చిరాకుపడింది.
మరో టాస్క్.. మళ్లీ అదే రిపీట్
ఇక రెండో టాస్క్ కూడా వెంటనే పెట్టాడు బిగ్‌బాస్. డేంజర్ జోన్‌లో ఉన్న సభ్యులకి నేను ఇస్తున్న మరో టాస్క్ ‘హోల్డ్ ఇట్ లాంగ్’.ఈ టాస్కులో గెలవడానికి అన్ని జంటలు చేయాల్సింది ఏంటంటే స్టార్ట్ బజర్ మోగగానే ప్రతి జంటలోని ఇద్దరు పోటీదారులు తమకి కేటాయించిన ప్లాట్‌ఫామ్‌కి రెండువైపులా నిలబడి ఆ ప్లాట్‌ఫామ్ తాళ్లకి ఉన్న హ్యాండిల్స్‌తో ప్లాట్‌ఫామ్‌ను గాల్లో ఉంచి పట్టుకోవాలి.. ఏ జంట అయితే టాస్క్ ముగిసేవరకూ తమ ప్లాట్‌ఫామ్‌ను నేలకి టచ్ కాకుండా గాల్లో ఉంచగలుగుతారో వారు ఈ టాస్క్ విజేతలు అవుతారు.. మరియు అత్యధిక పాయింట్లు స్కోర్ చేసి లీడర్ బోర్డ్‌లో తమ స్థానాన్ని మెరుగుపరుచుకోగలుగుతారు.. ఇందులో ఉన్న మెలిక ఏంటంటే నేను చెప్పిన ప్రతి సారి సంచాలకులు తాము కోరుకున్న జంటలకి వెయిట్ యాడ్ చేయాలి.. మీరు ప్లాట్‌ఫామ్స్‌ని తాళ్లకి ఉన్న హ్యాండిల్స్‌తో పట్టుకున్నప్పుడు మీరు మీ మోచేతుల్ని బెండ్ చేయడానికి వీల్లేదు.. అలానే మీ వెనుక ఉన్న లైన్‌ని కూడా దాటకూడదు.. ఈ టాస్కుకి ఇమ్మానుయేల్-రాము సంచాలకులు అంటూ బిగ్‌బాస్ చెప్పాడు.
Read Also: Bigg Boss Sudeepa: పెళ్లయిన పదేళ్ల తర్వాత ప్రెగ్నెన్సీ.. ఆ బిగ్ బాస్ ఫేమ్ ఎవరో తెలుసా?
ఫోకస్ చేయాల్సింది ఎక్కడో తెలుసా?
ఈ టాస్కులో ముందుగా సుమన్-శ్రీజ ఔట్ అయిపోయరు. ఆ తర్వాత భరణి-దివ్య, సంజన-ఫ్లోరా ఔట్ అయ్యారు. చివరిగా కళ్యాణ్-తనూజ, రీతూ చౌదరి-డీమాన్ జోడీలు మిగిలాయి. అయితే సరిగ్గా అప్పుడే కళ్యాణ్ ఓ ఉచిత సలహా ఇచ్చాడు. పెయిన్ వస్తుందంటే పొజిషన్ మార్చుకో అని తనూజకి చెప్పడంతో తనూజ కాస్త వెనక్కి జరిగింది. ఆ సమయంలో ప్లాట్‌ఫామ్‌పై ఉన్న సంచి కిందపడిపోయింది. దీంతో తనూజ-కళ్యాణ్ ఔట్ అయిపోయి రీతూ-డీమాన్ గెలిచేశారు. తనూజ హర్ట్ అయిపోయి దూరంగా వెళ్లి కూర్చుంది. ఏం జరిగింది అసలు.. అని కళ్యాణ్ అడిగాడు. నాకు నువ్వు చెప్పడానికి రాకు కళ్యాణ్ అసలు.. నీది డౌన్ వచ్చింది అక్కడ.. నాది డౌన్ అవలేదు నీ నుంచే పడింది.. నువ్వు నాకు చెప్పడానికి వస్తున్నావ్ నీది పట్టుకోలేదు అక్కడ.. కళ్యాణ్ ఫోకస్ ఉండాల్సింది దానిపైన కద కళ్యాణ్.. నా ముఖం మీద కాదు నువ్వు ఫోకస్ చేయాల్సింది.. నేను షివరింగ్ వచ్చినా పట్టుకున్నా.. అంటూ ఎడాపెడా వాయించేసింది తనూజ.
Read Also: Bigg Boss Written Updates: నేను నీకు ఓకేనా.. కళ్యాణ్ ప్రపోజల్.. చైల్డ్ అంటూ హార్ట్ బ్రేక్ చేసిన తనూజ
వరస్ట్ ప్లేయర్ అంటూ ట్యాగ్
ఈ రెండు టాస్కులు ముగిసేసరికి లీడర్ బోర్డ్‌లో రీతూ-డీమాన్ జోడీ 190 పాయింట్లతో ఫస్ట్‌కి వచ్చేసింది. ఆ తర్వాత ఫ్లోరా-సంజన, భరణి- దివ్య చెరో 180 పయింట్లతో రెండో స్థానాల్లో నిలిచారు. ఆ తర్వాత 110 పాయింట్లతో కళ్యాణ్-తనూజ, 90 పాయింట్లతో శ్రీజ-సుమన్ చివరి స్థానాల్లో మిగిలిపోయారు. దీంతో చివర ఉన్న ఈ రెండు జంటల్లో ఒక్కో వరస్ట్ ప్లేయర్ ఎవరో చెప్పండి.. అని మిగిలిన వాళ్లని బిగ్‌బాస్ అడిగాడు.తనూజ-కళ్యాణ్ జోడీలు కళ్యాణ్ వరస్ట్ ప్లేయర్ అంటూ దాదాపు అందరూ చెప్పారు. శ్రీజ-సుమన్ శెట్టిలో కొంతమంది శ్రీజ పేరు కొంతమంది సుమన్ శెట్టి పేరు చెప్పారు. దీంతో చివరికి కళ్యాణ్, శ్రీజ, సుమన్.. మీ కారణంగా మీరే కాకుండా మీ పార్టనర్ కూడా డేంజర్ జోన్‌లో బాటమ్‌లో ఉన్నారు.. కనుక మీ ప్రదర్శన మెరుగుపరచుకొని లీడర్ బోర్డ్‌లో మీ స్థానాన్ని మార్చుకోవడానికి మీకు కేవలం కొన్ని ఛాన్సులే ఉన్నాయి. వాటిపైనే దృష్టి సారించాలని బిగ్ బాస్ కూడా క్లాస్ పీకాడు. మొత్తానికి కళ్యాణ్ వల్ల తనూజ ఫుల్ గా హర్ట్ అయ్యింది.
