Bigg Boss Ramya: బిగ్‌బాస్ తెలుగు నుంచి ఫ్లోరా షైనీ ఎలిమినేట్ అయ్యాక బిగ్ బాస్ 2.0 షురూ అయింది. వైల్డ్‌కార్డ్ ఎంట్రీలలో భాగంగా తొలి కంటెస్టెంట్ ఎంట్రీ ఇచ్చింది. సోషల్ మీడియా సెస్సేషన్ రమ్య మోక్ష కంచర్ల (అలేఖ్య చిట్టి పికిల్స్) ఫస్ట్ వైల్డ్‌కార్డ్ ఎంట్రీగా లోపలికి వచ్చింది. పక్కా లోకల్ సాంగ్‌కి అదిరిపోయే పెర్ఫామెన్స్‌తో ఎంట్రీ ఇచ్చింది రమ్య. ఇక నాగార్జునని చూడగానే రమ్య పులిహోర కలిపేసింది. “మీరు నా నాగార్జున.. మిమ్మల్ని ఎప్పుడెప్పుడు కలుస్తానో అని ఎంత వెయిట్ చేశానో తెలుశా సర్..” అంటూ రమ్య చెప్పింది. ఓకే ఇప్పుడు కలిసేశావ్ కదా అంటూ నాగార్జున నవ్వారు. ఇక నాకు ఒక గోల్ ఉంది సార్ అని రమ్య చెప్పింది.

కుక్కల కోసం

ఊర కుక్కలకి నా డబ్బుతో నేను ఒక షెల్టర్ ఏర్పాటు చేయాలనుకుంటున్నా సార్.. అది అమల గారి చేత ఓపెన్ చేయించాలని నా డ్రీమ్ సర్.. అని రమ్య చెప్పింది. దీనికి ఓకే తప్పకుండా అంటూ నాగ్ హామీ ఇచ్చారు. ఇక తర్వాత రమ్య ఏవీ చూపించారు. అందులో తన ఊరు, తన ఫ్యామిలీ, సోషల్ మీడియాలో ట్రెండ్ అవ్వడం, పికిల్స్ వల్ల వచ్చిన వివాదం ఇలా అన్నింటి గురించి చెప్పింది రమ్య. రాజమండ్రిలో రోజ్ మిల్క్ ఎంత ఫేమస్సో నేను కూడా అంతే ఫేమస్.. అంటూ రమ్య చెప్పింది. మా ఫ్యామిలీలో మేము ముగ్గురు అక్కచెల్లెళ్లం.. మూడు రోజెస్‌లో నేను ఒక రోజ్.. అన్నమాట అంటూ రమ్య అంది. తర్వాత తన తండ్రి చనిపోవడం.. ఆ తర్వాత సోషల్ మీడియాలో ఆడియో మెసేజ్‌లు వైరల్ అవ్వడం.. దాని వల్ల ఎంత ఇబ్బందులు పడ్డామో రమ్య చెప్పింది.

Read Also: Bigg Boss Wildcard Updates: దివ్వెల మాధురి కేరాఫ్ దువ్వాడపైనే అందరి చూపు..!

లగ్జరీ ఫుడ్ పవర్..

ఇక రమ్య లోపలికి వెళ్లే ముందు నాగార్జున ఒక పవర్ ఇచ్చారు. లగ్జరీ ఫుడ్ పవర్ అంటూ ఒక రెడ్ స్టోన్ నాగార్జున ఇచ్చారు. హౌస్‌లో ఇది ఎప్పుడు కావాలన్నా ఎవరి కోసమైనా వాడొచ్చంటూ నాగ్ చెప్పారు. ఇక హౌస్‌లోకి వెళ్లేముందు ఆరు ట్యాగ్‌లు ఆరుగురు సభ్యులకి ఇవ్వాలన్నారు. ఓవర్ యాక్షన్ శ్రీజకి, సెల్ఫిష్ డీమాన్‌కి, మేనిపులేటర్ రాముకి ఇలా ఎవరి బ్యాడ్జ్ వాళ్లకి ఇచ్చేసింది రమ్య. ప్రస్తుతం హౌస్‌లో తనకి ఎవరూ నచ్చలేదని షాకిచ్చింది రమ్య. హౌస్‌లో ఎంటర్‌టైన్‌మెంట్ తక్కువైంది.. సో నేను అది ఫిల్ చేస్తానంటూ రమ్య చెప్పుకొచ్చింది. అలానే ఫిజికల్ టాస్కుల్లో కూడా చాలా స్ట్రాంగ్‌గా ఆడతనంటూ చెప్పింది. ఆ తర్వాత నాగ్ రమ్యను బిగ్ బాస్ హౌస్ లోకి పంపించారు.

Read Also: Bigg Boss Elimination: బిగ్ బాస్ లో డబుల్ ఎలిమినేషన్.. మరో ఘోరం వైల్డ్ కార్డుల చేతిలో శ్రీజకు దెబ్బ