Bigg Boss Nominations: బిగ్‌బాస్ హౌస్‌లో ఆరో వారం నామినేషన్స్ ప్రక్రియ ఈరోజు జరగబోతుంది. అయితే ఇప్పటికే ఈ ప్రక్రియ హౌస్‌లో పూర్తయిపోయింది. దీంతో నామినేషన్స్‌లో ఎంతమంది ఉన్నారు.. ఎవరున్నారు అనేది లీకైంది. ఈ వారం నామినేషన్స్ లిస్ట్‌లో మొత్తం ఆరుగురు ఉన్నారు. అయితే ఇందులో రెండు ట్విస్ట్‌లు కూడా ఉన్నాయి. వైల్డ్‌కార్డ్స్‌ వచ్చి ఒక్క రోజే అయింది కాబట్టి వాళ్లని ఈ వారం నామినేషన్స్ నుంచి మినహాయించాడు బిగ్‌బాస్. కానీ నామినేషన్ చేసే అధికారం ఎవరికి ఇవ్వాలి.. నామినేట్ చేసిన వాళ్ల నుంచి ఎవరిని సెలక్ట్ చేయాలి అనే పవర్స్ మాత్రం వైల్డ్కార్డ్స్కి ఇచ్చారు. ఇందులో భాగంగా ఎవరు ఎవరిని నామినేట్ చేశారు.. చివరికి ఎవరు లిస్ట్‌లోకి వచ్చారు అనేది చూద్దాం.
Read Also: Bigg Boss Promo: పచ్చళ్ల పాప పట్టు మామూలుగా లేదు.. డీమాన్ ని ప్రశ్నిస్తే రీతూ ఆన్సర్ చెప్పుడేందో?
రీతూని సేవ్ చేసిన రమ్య
బాల్ ఆఫ్ ఫైర్ అంటూ వైల్డ్కార్డ్స్కి బిగ్‌బాస్ ఒక టాస్క్ పెట్టాడు. ఇందులో భాగంగా ఇందులో ఎవరు బాల్ పట్టుకుంటే వారు.. తమకి నచ్చిన హౌస్‌మేట్‌కి నామినేషన్ చేసే అవకాశం ఇవ్వొచ్చు. అప్పుడు ఆ సభ్యుడు ఇద్దరు వ్యక్తులన్ని నామినేట్ చేయాలి. కానీ ఇందులోనుంచి ఒకరిని తప్పించి ఒకరిని మాత్రమే నామినేషన్‌లో ఉంచే అధికారం ఆ బాల్ అందించిన వైల్డ్‌కార్డ్ చేతిలో ఉంటుంది. నిఖిల్ ముందుగా తనూజకి బాల్ ఇవ్వగా ఆమె రాము, సుమన్ శెట్టిలని నామినేట్ చేసింది. అయితే నిఖిల్ మాత్రం రాముని సేవ్ చేసి సుమన్ శెట్టిని నామినేషన్‌లో ఉంచాడు. గౌరవ్ గెలిచి సంజన చేతికి బాల్ ఇచ్చాడు. సంజన.. రాము, భరణిలని నామినేట్ చేయగా గౌరవ్.. రాముని సేవ్ చేసి భరణిని నామినేషన్‌లో ఉంచాడు. మళ్లీ గౌరవ్ చేతికి బాల్ దొరకడంతో ఈసారి సుమన్ శెట్టికి ఇచ్చాడు. సుమన్ శెట్టి తనూజ-సంజనని నామినేట్ చేశాడు. అయితే గౌరవ్.. సంజనని సేవ్ చేసి తనూజని నామినేషన్‌లో ఉంచాడు.
Read Also: Bigg Boss Wildcards: బిగ్ బాస్ హౌస్ లో హ్యాండ్సమ్ హంక్స్.. స్పెషల్ పవర్స్‌తో నిఖిల్-గౌరవ్ ఎంట్రీ
రమ్య మోక్ష బాల్ ఎవరికి ఇచ్చిందంటే?
నెక్స్ట్ రమ్య మోక్ష.. రాముకి బాల్ ఇచ్చింది. రాము.. రీతూ-డీమాన్‌లని నామినేట్ చేయగా రమ్య.. రీతూని సేవ్ చేసి డీమాన్‌ని నామినేట్ చేసింది. చివరిగా మాధురి గెలిచి రీతూ చేతికి బాల్ ఇచ్చింది. రీతూ.. భరణి-దివ్యలని నామినేట్ చేసింది. అయితే ఇందులోనుంచి భరణిని సేవ్ చేసి దివ్యని నామినేషన్‌లో ఉంచింది మాధురి. ఇలా ఈ ప్రక్రియ ముగిసేసరికి సుమన్ శెట్టి, భరణి, తనూజ, డీమాన్, దివ్య నామినేషన్‌లో చేరారు. అప్పుడు కెప్టెన్ కళ్యాణ్‌కి బిగ్‌బాస్ ఒక పవర్ ఇచ్చాడు. పాత హౌస్‌మేట్స్‌ నుంచి నామినేషన్‌లో లేని ఒక్కరిని నేరుగా నామినేట్ చేయాలని ఆదేశించాడు. దీంతో కళ్యాణ్.. రాముని నామినేట్ చేశాడు. దీంతో నామినేషన్స్‌లో ఆరుగురు సభ్యులు చేరారు.
డేంజర్ లో సుమన్ శెట్టి, దివ్య ఉండే ఛాన్స్..
సుమన్ శెట్టి, భరణి, తనూజ, డీమాన్, దివ్య, రాము రాథోడ్.. ఈ వారం డేంజర్ లో ఉన్నారు. ఈ వారం డేంజర్ జోన్‌లో సుమన్ శెట్టి, దివ్య ఉండే అవకాశం ఉంది. ఎందుకంటే భరణి, తనూజ, డీమాన్, రాములకి మంచి ఓట్ బేస్ ఉంది. గేమ్ విషయాల్లోనూ వీళ్లంతా స్ట్రాంగ్‌గా ఉన్నారు. దివ్య కూడా గేమ్స్ బాగానే ఆడుతున్నా.. ఓటింగ్‌లో ఎలా ఉంటుందా అనేది చూడాలి.
