Bigg Boss Today Promo: సినిమా చూపిస్తా అని బిగ్ బాస్ వార్నింగ్ ఇచ్చినప్పటి నుంచి ఆట రసవత్తరంగా సాగుతోంది. ప్రస్తుతం హౌస్‌లో ఎమోషనల్ రైడ్ సాగుతుంది. తమ ఇంటి నుంచి వచ్చిన సందేశాలు, జ్ఞాపకాలు పొందాలంటే తగిన మూల్యం చెల్లించాలంటూ బిగ్‌బాస్ కండీషన్ పెట్టాడు. ఇందులో భాగంగా ప్లేయర్లు అందరినీ మూడు టీములుగా విడగొట్టి వాళ్లలో ఒక గ్రూప్‌కి ముందుగా ఈ అవకాశాన్ని ఇచ్చాడు. కానీ ఇది పొందాలంటే బజర్ ముందుగా నొక్కాలి. దాంతో పాటు ఉన్న బ్యాటరీలో పర్సంటేజ్ బట్టే ఇతరులకి అవకాశం దొరుకుతుంది. మరి ఇందులో ఈరోజు ఎవరికి అవకాశం వచ్చిందో చూద్దాం.
రీతూ డమ్మీ ఎమోషన్స్
బిగ్‌బాస్‌కి వెళ్లి కొన్ని వారాలు గడిస్తే హోమ్ సిక్, ఫ్యామిలీపై కాస్త బెంగా ఉన్నాయంటే ఓకే. కానీ సీజన్-9 మొదలై రెండు వారాలే పూర్తయింది. ప్రస్తుతం మూడో వారంలోకి గేమ్ అడుగుపెట్టింది. కానీ ఇంతలోనే ఫ్యామిలీ నుంచి సందేశాలు, జ్ఞాపకాలు వచ్చాయంటూ బిగ్‌బాస్ చెప్పడం.. హౌస్‌మేట్స్ ఎమోషనల్ అవ్వడం ఆడియన్స్‌కి అంతగా కనెక్ట్ కావడం లేదు. మరీ ముఖ్యంగా రీతూ చౌదరి ఎమోషనల్ అయిన ప్రతిసారి ఇదేదో యాక్టింగ్‌లా కొడుతుందని ఆడియన్స్ టాక్. కానీ, తాజాగా ప్రోమోలో మాత్రం సుమన్ శెట్టి ఎమోషనల్ రియల్‌గా కనిపించింది. ఈ ప్రోమోలో ముందుగా తనూజ గౌడ కన్ఫెషన్ రూమ్‌కి వచ్చింది. ఇక తనకి కూడా ఇమ్మూలానే మూడు ఆప్షన్స్ ఇచ్చాడు బిగ్‌బాస్. మీకు మూడు ఆప్షన్స్ ఉన్నాయి మీ మేనకోడలి లెటర్ వచ్చింది.. మీ చెల్లి నుంచి ఒక ఆడియో మెసేజ్ వచ్చింది.. మీ కోసం హార్ట్ ఉన్న ఒక మిస్టరీ వైట్ టీషర్ట్ వెయిట్ చేస్తుంది.. దాన్ని పొందాలంటే బ్యాటరీలో 50 శాతం తగ్గుతుంది.. అంటూ బిగ్‌బాస్ కండీషన్ పెట్టాడు. దీంతో తనూజ ఎమోషనల్ అయింది. వాయిస్ వినాలని ఉంది.. అని తనూజ చెప్తే టీషర్ట్ మీకు వద్దనిపిస్తుందా.. నాకు తెలిసి అది మీకు చాలా స్పెషల్ అనుకుంట.. అంటూ బిగ్‌బాస్ ఇంకా ఏడిపించాడు.
Read Also: Bigg Boss Telugu 9: అప్పుడేమో రన్నరప్‌.. ఇప్పుడు కప్పు కోసమే.. మళ్లీ బిగ్‌బాస్‌లోకి హీరో ఎంట్రీ?
సుమన్ శెట్టి..
తనూజ తర్వాత సుమన్ శెట్టి రూమ్‌కి వచ్చాడు. కానీ సుమన్ శెట్టి అడుగుపెట్టే సమయానికి బ్యాటరీ పర్సంటేజ్ కేవలం 10 ఉంది అంతే. సుమన్ హౌస్ బ్యాటరీ కేవలం పది శాతం మాత్రమే మిగిలి ఉంది.. బ్యాటరీ పర్సంటేజ్ పెరిగి మీ ఇంటి నుంచి వచ్చిన మెసేజ్ ఏంటో తెలుసుకోవడానికి మీరు భరణిని తన దగ్గరున్న బాక్స్ ఓపెన్ చేసేలా కన్విన్స్ చేయాల్సి ఉంటుంది.. అంటూ బిగ్‌బాస్ కండీషన్ పెట్టాడు. ఇది వినగానే అది అవదమ్మా అన్నట్లుగా సుమన్ శెట్టి ఫేస్ బ్లాంక్ అయిపోయింది. నాకు ఇంకొక ఆప్షన్ ఇవ్వండి బిగ్‌బాస్.. ప్లీజ్ బిగ్‌బాస్.. అంటూ సుమన్ శెట్టి బతిమాలాడు. కానీ బిగ్‌బాస్ మాత్రం తప్పదు అదే చెయ్యాలి అంటూ ఫిక్స్ చేశాడు. దీంతో బయటికొచ్చి భరణి అన్న సీక్రెట్ బాక్స్ ఓపెన్ చేయిస్తే నీకు బ్యాటరీ పర్సంట్ పెరుగుతాది అన్నారు.. అంటూ అమాయకంగా చెప్పాడు. దీంతో ఎంత పెరుగుతుందిని చెప్పారు.. అని భరణి అడిగితే అది చెప్పలేదు.. అంటూ సుమన్ శెట్టి బదులిచ్చాడు. ఈ సీన్ చూడటానికి కాస్త ఎమోషనల్‌గా ఉంది. మరి సుమన్ శెట్టి ఫేస్ చూసి భరణి ఆ బాక్స్ ఓపెన్ చేయడానికి ఇష్టపడతాడా లేక నో చెప్తాడా చూడాలి. ఎందుకంటే ఆ బాక్స్ విషయంలో భరణి చాలా స్ట్రాంగ్‍గా ఉన్నాడు. లాంఛింగ్ ఎపిసోడ్‌లో బిగ్‌బాస్ చెప్పినా కూడా ఆ బాక్స్ ఓపెన్ చేయలేదు.. కావాలంటే వెనక్కి వెళ్లిపోవడానికి కూడా తెగించాడు. మరి అలాంటి భరణి ఇప్పుడు ఓపెన్ చేస్తాడా అనేది తెలియాల్సి ఉంది.
