Flora Saini Elimination: బిగ్బాస్ హౌస్ నుంచి ఐదో వారం ఫ్లోరా షైనీ ఎలిమినేట్ అయింది. అయితే, ఈ వారం డబుల్ ఎలిమినేషన్ కాగా.. ప్రజల ఓటింగ్ ను బట్టి ఫ్లోరా ఎలిమినేట్ అయ్యింది. ఇకపోతే, ఈ వారం ఏకంగా 10 మంది నామినేట్ కాగా అందులోనుంచి మొదటిగా ఫ్లోరా ఎలిమినేట్ అయింది. ఇక ఈ వారం డబుల్ ఎలిమినేషన్ ఉన్నట్లు ఇప్పటికే నాగర్జున చెప్పారు. ముందుగా 2.0 ఎపిసోడ్ మొదలుకాగానే ఫస్ట్ ఎలిమినేషన్ ప్రక్రియ మొదలు పెట్టారు. రీతూ చౌదరి-ఫ్లోరా మధ్య ఈ ఎలిమినేషన్ రౌండ్ జరిగింది. చివరికి ఫ్లోరా ఔట్ అయి బయటికి వచ్చేసింది.
ఎలిమినేషన్ ప్రక్రియ జరిగిందిలా
ఆదివారం నాటి ఎపిసోడ్ మొదలుకాగానే ముందుగా ఎలిమినేషన్ ప్రక్రియ మొదలుపెట్టారు నాగార్జున. డేంజర్ జోన్లో ఉన్న ఫ్లోరా షైనీ, రీతూ చౌదరి మధ్య ఈ ఎవిక్షన్ రౌండ్ జరిగింది. ఇద్దరినీ యాక్టివిటీ ఏరియాకి రమ్మని పిలిచారు నాగార్జున. ఫ్లోరా వెంటనే యాక్టివిటీ ఏరియాకి వెళ్లింది. కానీ రీతూ మాత్రం అందరికీ హగ్గు ఇచ్చి ముఖ్యంగా డీమాన్ పవన్ని పట్టుకొని అసలు వదల్లేదు. చివరికి యాక్టివిటీ ఏరియాకి వెళ్లిన తర్వాత నాగార్జున ఇంట్రెస్టింగ్ టాపిక్ తీసుకొచ్చారు. ఇందులో ఎవరు ఎలిమినేట్ అవుతారని మీరు అనుకుంటున్నారని మిగిలిన హౌస్మేట్స్ని అడిగారు. ఇందులో దాదాపు అందరూ రీతూ చౌదరి సేవ్ అవుతుంది.. ఫ్లోరా ఎలిమినేట్ అయ్యే ఛాన్స్ ఉందని సభ్యులు చెప్పారు.
రీతూ ఓవరాక్టింగ్..
ఆ తర్వాత మీరు ఎవరికైనా ఏమైనా చెప్పాలనుకుంటే లేదా మిస్ అయితే చెప్పండి అని నాగార్జున అన్నారు. దీంతో సంజన గురించి చెప్పింది ఫ్లోరా. నేను హౌస్లో ఏడ్చిన ప్రతిసారి నా దగ్గరికి సంజన మాత్రమే వచ్చిందంటూ ఫ్లోరా ఏడ్చింది. ఇక రీతూ అయితే.. ఓవరాక్టింగ్ చేసేసింది. డీమాన్ మిస్ యూ.. నాకు నిన్ను వదిలి వెళ్లాలని లేదు.. నేను నిన్ను చాలా మిస్ అవుతున్నా.. ఎప్పుడూ నువ్వు హ్యాపీగా ఉండు అంటూ డీమాన్ గురించి ఏడ్చింది రీతూ. ఇక ఎలిమినేషన్ రౌండ్లో రీతూ సేవ్ అయి ఫ్లోరా ఎలిమినేట్ అయిపోయింది. ఇక ఎలిమినేట్ అయి స్టేజ్ మీదకి వచ్చిన తర్వాత ఫ్లోరా జర్నీ వీడియో చూపించారు. ఇన్నాళ్లు హౌస్లో ఉన్నందుకు నాకు చాలా హ్యాపీగా ఉందని ఫ్లోరా చెప్పింది. ఇక వెళ్లే ముందు హౌస్లో ఎవరికి థంమ్స్ అప్, ఎవరికి థంమ్స్ డౌన్ ఇస్తారని నాగార్జున అడిగారు. దీంతో సంజన, ఇమ్మూ, దివ్య, శ్రీజలకి థమ్స్ అప్ ఇచ్చింది ఫ్లోరా. భరణి, తనూజలకి థంమ్స్ డౌన్ ఇచ్చింది. సుమన్ శెట్టిని మాత్రం రెండింటికీ కాకుండా మధ్యలో పెట్టింది. ఇక ఫ్లోరా కోసం సంజన ఎమోషనల్ అయింది. ఫ్లోరా ఎలిమినేట్ కాగానే వైల్డ్ కార్డ్స్ ఫైర్ స్ట్రామ్ మొదలైపోయింది. మొత్తం ఆరుగురు కంటెస్టెంట్లు హౌస్లోకి వచ్చారు.