Bigg Boss Captaincy Task: బిగ్‌బాస్ తెలుగులో ఐదో వారం ఆట రసవత్తరంగా మారింది. అందర్నీ డేంజర్ జోన్ లో పడేసిన బిగ్ బాస్.. కొందర్నే సేవ్ చేశారు. కాగా.. కొత్త కెప్టెన్‌గా కళ్యాణ్ పడాల గెలిచాడు. అయితే, నాలుగోవారంలో నాగార్జున ఇచ్చిన వార్నింగ్ సీరియస్ గా తీసుకున్న కళ్యాణ్ ఆటలో బాగా ఇంప్రూ అయ్యాడు. వచ్చిన ప్రతి అవకాశాన్ని బాగా యూజ్ చేసుకున్నాడు. నిన్నటి ఎపిసోడ్‌లో సేప్టీకి వెళ్లే అవకాశం తనూజ-కళ్యాణ్‌లలో ఒక్కరికే వచ్చింది. నిజానికి అందరూ తనూజ కోసం కళ్యాణ్ త్యాగం చేస్తాడని అనుకున్నారు. కానీ ఎక్కడా వదలకుండా తనూజనే త్యాగం చేసి తనకి ఇచ్చేలా చేసుకున్నాడు. ఇప్పుడు కెప్టెన్ అయి సత్తా చాటాడు. మరి కెప్టెన్స్ టాస్కులో ఏం జరిగిందో తెలుసుకుందాం..

ప్రియ ఔట్ అయ్యాక..

ప్రియ ఎలిమినేట్ అయిపోయిన తర్వాత కళ్యాణ్ ఆట తీరు మెరుగుపడింది. ముఖ్యంగా రీతూ చౌదరి-డీమాన్ కలిసి లాస్ట్ వీక్ కళ్యాణ్‌ని కెప్టెన్సీ టాస్కు నుంచి పీకిపారేశారు. అది మనసులో పెట్టుకొని ఈ వారం కళ్యాణ్ గట్టిగా గేమ్ ఆడాడు. తనూజతో కలిసి జంటగా కళ్యాణ్ ఈ వారం ఆటలో సత్తా చాటాడు. దీంతో నిన్నటి ఎపిసోడ్‌లో భరణి-దివ్యలతో పాటు కళ్యాణ్ కూడా సేఫ్ అయిపోయాడు. ఇక, ఇవాళ కెప్టెన్సీ టాస్కు జరిగగా.. కళ్యాణ్ గెలిచినట్లు తెలుస్తోంది. దీంతో బిగ్‌బాస్ 9 ఐదవ కెప్టెన్‌గా కళ్యాణ్ నిలిచాడు. ఈ వారం కెప్టెన్సీ కంటెండర్లుగా ఇమ్మానుయేల్, రాము, భరణి, దివ్య, తనూజ, కళ్యాణ్ సెలక్ట్ అయ్యారు. ఇందులో తనూజ ఎందుకు వచ్చిందంటే ఈరోజు జరిగిన ఫైట్ ఫర్ సర్వైవల్ టాస్క్‌లో తనూజ గెలిచింది. అందులో గెలిచి తను కూడా మెయిన్ హౌస్‌లోకి వెళ్లే అవకాశం దక్కించుకొని డేంజర్ జోన్ నుంచి తప్పించుకుంది. దీంతో ఈ ఆరుగురికి కెప్టెన్సీ టాస్క్ పెట్టాడు బిగ్‌బాస్.

Read Also: Bigg Boss Suman Shetty: మంచోడికి కోపమొస్తే మసై పోతారు.. రెచ్చిపోయిన సుమన్ అన్న..!

కెప్టెన్సీ టాస్కు ఏంటంటే?

కెప్టెన్సీ ప్రతి ఒక్కరికి కళ్లకి గంతలు కట్టి కొన్ని వస్తువులు చేతికి ఇచ్చి గెస్ చేయమని ఈ టాస్క్ పెట్టారు. ఇందులో ఎక్కువ వస్తువులు గెస్ చేసి కళ్యాణ్ కెప్టెన్ అయిపోయాడు. అయితే వచ్చే వారం అసలే వైల్డ్ కార్డ్ ఎంట్రీలు హౌస్‌లోకి రాబోతున్నారు. ఇలాంటి టైమ్‌లో కళ్యాణ్ కెప్టెన్ అవడం గ్రేట్ న్యూస్. ఎందుకంటే వచ్చే వారం ఖచ్చితంగా వైల్డ్ కార్డ్స్‌ చేత ప్రస్తుతం ఉన్న హౌస్‌మేట్స్‌ని నామినేట్ చేయిస్తాడు బిగ్‌బాస్. దాదాపు ఐదు వారాల ఆట చూసి లోపలికి వస్తున్నారు కనుక కళ్యాణ్ పులిహోర పంచాయతీలు, లవ్ ట్రాక్‌లు అన్నీ చూసే ఉంటారు. కనుక ఒక వారం పాటు ఈ నామినేషన్ నుంచి కళ్యాణ్ తప్పించుకున్నాడన్నమాట. అందులోనూ రెండు వారాలుగా కళ్యాణ్ ఆట కూడా బాగానే ఆడుతున్నాడు. మరోవైపు డేంజర్ జోన్‌లో ఆరుగురు సభ్యులు ఉన్నారు. సంజన, ఫ్లోరా, సుమన్ శెట్టి, శ్రీజ, డీమాన్, రీతూ చౌదరి ప్రస్తుతానికి డేంజర్ జోన్‌లోనే ఉన్నారు. వీళ్లని మెయిన్ హౌస్‌లోకి కూడా రానివ్వడం లేదు. మరి వైల్డ్ కార్డ్స్ వచ్చాక వీళ్ల పరిస్థితి ఏంటి.. వీళ్లకి ఎలాంటి పనిష్మెంట్ ఇస్తాడు బిగ్‌బాస్ అనేది చూడాలి. ఇప్పటికే వైల్డ్‌కార్డ్‌గా రాబోతున్న కొంతమంది పేర్లు బయటకొచ్చాయి. అయితే, వాళ్లు కూడా హౌస్ లోకి వస్తే ఇక బొమ్మ బ్లాక్ బాస్టర్ అయిపోవడం ఖాయమే..

Read Also:  Bigg Boss Today Promo: కళ్యాణ్ కొట్టిన దెబ్బ మామూలుగా లేదుగా.. భరణి భయ్యా ఫ్యూజులు ఔట్