Bigg Boss Kalyan Padala: మూడు వారాల పాటు బిగ్ బాస్ హౌస్‌లో లవ్ ట్రయాంగిల్ కొనసాగింది. కళ్యాణ్ పడాల, డీమాన్ పవన్, రీతూ చౌదరిల మధ్య ఈ చెత్త భారతం జరిగింది. అయితే, మూడు వారాల పాటు కనిపించిన కళ్యాణ్ పడాల వేరు.. నాలుగో వారంలో కళ్యాణ్ పడాల వేరు. గత మూడు వారాలుగా కళ్యాణ్ పడాల ఎలా కనిపించేవాడంటే.. ఆడ గాలి సోకితే చాలు కామంతో కటకటలాడిపోతున్నట్టుగానే కనిపించాడు. ఎవరైనా ఏడుస్తుంటే ఓదార్చే వాళ్లని చూసి ఉంటారు.. కానీ ఈ వీర సైనికుడు మాత్రం.. ఎవరెప్పుడు ఏడుస్తారా? వెళ్లి భుజాలను రుద్దేస్తూ ఓదార్చేద్దామా? అని కాసుకుని కూర్చునేవాడు. ఇక ఎవరైనా ఏడుపు స్టార్ట్ చేస్తే చాలు.. వాళ్లని పట్టుకుని తెగ ఓదార్చేసేవాడు. అదో వంకా ఇదో వంకా.. వాళ్లు పట్టుకుని హగ్ చేసుకుని మరీ ఓదార్చేసేవాడు. ఆ రీతూ అయితే మనోడి ఓదార్పు కోసం తెగ తపించిపోయేది. ఆమె చేతుల్ని తెగ రుద్దేసేవాడు మన కళ్యాణ్ బాబు. అయితే, నాగ్ క్లాస్ పీకడంతో మనోడు దారిలో పడ్డాడు. ఆ రీతూని కాస్త దూరం పెట్టడంతో మనోడి ఫోకస్ గేమ్‌పైకి వెళ్లింది. ఈవారంలో అందరికంటే ది బెస్ట్ పెర్ఫామెన్స్ ఇచ్చాడు కళ్యాణ్ పడాల. అయితే కళ్యాణ్ పడాల గురించి అతని తమ్ముడు బాలు.. ఆసక్తికరమైన విషయాలను తెలియజేశాడు. అతని మైండ్ సెట్ ఎలా ఉండేది? ఫ్యామిలీ ఎమోషన్స్ ఎలా ఉండేవి? అమ్మాయిలతో ఎలా ఉండేవాడో చెప్పుకొచ్చాడు తమ్ముడు బాలు.
సరైన గేమ్స్ పెట్టలేదు
‘‘వాడు గేమ్ అయితే ఇంకా మొదలుపెట్టలేదు. బిగ్ బాస్ ఇంకా సరైన గేమ్స్ పెట్టలేదు. ఆడు గేమ్ మొదలుపెడితే ఆపలేం. మాకైతే వాడు గట్టిగా ఆడతాడని నమ్మకంగా ఉంది. ముందు ముందు చూపిస్తాడు. కానీ వాడిపై ఈ ట్రోలింగ్స్ ఎందుకు వస్తున్నాయో అర్థం కావడం లేదు. ఇక్కడ చూడాల్సిన విషయం ఏంటంటే.. ఆడివెనుక రీతూ తిరుగుతుంది కానీ.. రీతూ వెనుక మా వాడు తిరగడం లేదు. మావాడు ఎమోషనల్ పర్సన్. ఎవరు ఏడ్చినా ఎమోషనల్ అయిపోతాడు. అందరూ నా వాళ్లే అనుకుంటాడు. ఎవర్నైనా ఓదార్చుతుంటే దాన్ని తప్పుగా చూపిస్తున్నారు. మిస్ బిహేవ్ ఏం చేయడం లేదు.. అక్కడిక్కడా చేతులు వేసి. ఆడు చేసిన దాంట్లో తప్పేం లేదు. రీతూ కావాలనే వీడి వెనక తిరుగుతుంది. ఓదార్పు అదీ ఇదీ అని ట్రోల్ చేస్తున్నారు. భుజాలు పట్టుకుని ఓదార్చుతున్నాడు. మనతోటి ఉంటుంది కదా అని రీతూని పట్టుకుని ఓదార్చుతున్నాడు. ఆ ట్రోల్స్ చూసి చాలా బాధపడుతున్నాం. ఎందుకు ఇలా చేస్తున్నాడూ.. మనోడు ఇలాంటోడు కాదు కదా అని బాధపడుతున్నారు.” అని బాలు చెప్పుకొచ్చాడు.
Read Also: Bigg Boss New Promo: ఇమ్మానుయేల్ నడుముపైనే తనూజకు ఎందుకు కన్ను? నాగ్ కామెంట్లకు నవ్వులే నవ్వులు
సింపథీతో ఆడుతున్నారని అంటున్నారు
ఇక అందరూ కళ్యాణ్ సైనికుడు అనే సింపతీతో ఆడుతున్నాడని అంటున్నారని బాలు అన్నాడు. బాలు మాట్లాడుతూ.. ఆర్మీ పేరు ఎత్తొద్దని ముందే వాడికి చెప్పాం. నువ్వు కామన్ మ్యాన్‌గా మాత్రమే వెళ్లు.. నీ ఆట ఏంటో చూపించు.. నిరూపించుకో అని చెప్పాం. దానికి కూడా ఆర్మీ వాడు ఏం ఆడుతున్నాడంటూ ట్రోల్ చేస్తున్నారు. కొంతమంది అయితే అసలు వాడు ఆర్మీనే కాదని అంటున్నారు. వాడు ఆ సింపతీతో అయితే ఆడటం లేదు. తనూజ అయితే క్లియర్‌గా ఉంది.. తమ్ముడు అనేస్తాను. అందరితో ఎలా ఉన్నావో నాతో కూడా అలాగే ఉండు అని చెప్పింది. రీతూ కూడా ఫ్రెండ్‌లాగే చూస్తుంది. దివ్య నిఖితతో కూడా అదే చెప్పింది. బయట నాకు ఒక ఫ్రెండ్ ఉన్నాడు.. వాడిలా ఉండటం వల్లే కళ్యాణ్‌కి బాగా కనెక్ట్ అయ్యానని చెప్తుంది. మొన్నటి వరకూ రీతూ.. రీతూ అన్నారు. ఇప్పుడు తనూజ అంటున్నారు. వాడు ఎలాంటి వాడంటే.. వాడితో ఎవరైనా కాస్త క్లోజ్‌గా ఉంటే నా వాళ్లు అనేసుకుంటాడు. వాళ్లు బాధపడితే తట్టుకోలేడు. వాడి నేచర్ అంతే. ఎవర్నైనా నమ్మాడంటే నమ్మేస్తాడు. వాడితో నాకు పెద్దగా బాడింగ్ లేదు. ఎందుకంటే వాడు ఎక్కువగా బయటే ఉంటాడని చెప్పుకొచ్చాడు.
Read Also: Bigg Boss Elimination: బిగ్ బాస్ నుంచి హరిత హరీష్ ఎలిమినేట్.. రెమ్యూనరేషన్ ఎంతో తెలుసా?
నాకు తెలిసినంతగా వాడికి తెలీదు
“నాకు తెలిసినంతగా ఇంట్లో విషయాలు వాడికి తెలియదు. మా నాన్న పాల వ్యాపారం చేసేవాడు. ఆ వ్యాపారంలో చాలా నష్టాలు వచ్చాయి. హెల్త్ ఇష్యూస్ కూడా వచ్చాయి. ఒకనొక టైమ్‌లో చనిపోయే స్టేజ్ వరకూ వెళ్లారు. అమ్మకి కూడా అలాగే అయ్యింది. ఇవన్నీ వాడికి తెలియదు. బాధలేం లేకుండా బయట ఉంచి వాడ్ని చదివించారు. నేను టెన్త్‌తో ఆపేశాను.. ఆ తరువాత ఐటీఐ చేశాను. నాన్న మాకోసం చాలా పనులు చేశారు. మొదట్లో పాల వ్యాపారం.. ఆ తరువాత ఆటో.. వేరే వాళ్ల దగ్గర డ్రైవర్‌గా చేశారు. వ్యాన్ అమ్మేసి క్యాబ్ డ్రైవర్‌గా చేశారు. క్యాబ్ స్టార్ట్ చేశారు.. ఇంతలో కరోనా ఎఫెక్ట్ అయ్యింది. అమ్మకి నాన్నకి నాన్నమ్మకి కరోనా వచ్చింది. నాన్నమ్మ చనిపోయింది. కరోనా అయిపోయిన తరువాత మళ్లీ క్యాబ్ నడిపారు. కొన్నాళ్లు చేసిన తరువాత చేయలేక క్యాబ్ తీసేసి చిన్న కిరాణా కొట్టు పెట్టాం. అన్నయ్యకి జాబ్ వచ్చింది కానీ.. వాడి నుంచి నాన్న రూపాయి కూడా ఆశించరు. నీ డబ్బులు నీ ఇష్టం అని అంటారు. వాడు డబ్బులు వాడే చూసుకుంటాడు. బిగ్ బాస్‌కి వెళ్తాననప్పుడు కూడా సర్లే నీ ఇష్టం అని చెప్పారు నాన్న. వాడు మా ఊళ్లో అయితే ఎక్కువగా ఫ్రెండ్ షిప్ చేయడు. పెద్దగా బాండింగ్ ఉండదు. నాతో బాగానే ఉంటాడు. బిగ్ బాస్‌కి వెళ్లేటప్పుడు నాతో చెప్పకుండానే వెళ్లిపోయాడు. నాకూ చేయలేదు.. ఇంట్లో వాళ్లకీ చేయలేదు. అందరికీ చెప్పాడు కానీ ఇంట్లో వాళ్లకి మాత్రం చెప్పకుండా వెళ్లిపోయాడు” అంటూ అన్న కళ్యాణ్ పడాల గురించి చెప్పుకొచ్చాడు బాలు.
