Bigg Boss Written Updates: బిగ్ బాస్ హౌస్ లో ఐదో వారం ఫుల్ ఇంట్రెస్టింగ్ గా సాగింది. ఇక, సాటర్డే ఎపిసోడ్ లో తనూజ కళ్లు తెరిపించారు నాగార్జున. ఆ తర్వాత భరణికి క్లాస్ పీకి, రాము రాథోడ్ ని పొగడ్తలతో ముంచెత్తారు. దీని తర్వాత బెలూన్ టాస్క్‌ గురించి డిస్కషన్ మొదలైంది. సంచాలక్‌గా ఉన్న ఇమ్మానుయేల్‌ని లేపి.. ఆ గేమ్ మెయిన్ రూల్ ఏంటి? అని నార్జున అడిగారు. బెలూన్ గాలిలో ఉండాలి సార్.. కానీ వీళ్లు తెలివిగా పక్కన పెట్టి ఆడారు అని చెప్పాడు. ఆ టైమ్‌లో ఆ కన్నింగ్ గేమ్ ఆడిన కక్కుర్తి జంట రీతూ, ఢమాల్ పవన్‌లు దొంగ చూపులు చూస్తూ కనిపించారు. సంచాలక్‌గా నువ్వు ఫెయిల్ అవ్వావ్ గోల్డెన్ స్టార్ ఇమ్మానుయేల్.. ఎస్వీ కృష్టారెడ్డి గారి పవర్ ఫుల్ డైలాగ్ చెప్పనా?? భగవంతుడు అన్ని చోట్లా ఉండలేడు కాబట్టి అమ్మని సృష్టించాడు. బిగ్ బాస్ అన్ని చోట్లా ఉండలేడు కాబట్టి సంచాలక్‌ని సృష్టించాడు. మీ డ్యూటీ మీరు సరిగా చేయకపోతే ఆటగాళ్లకి అన్యాయం జరుగుతుంది. ఇక నుంచి జాగ్రత్తగా ఉండండి అని హెచ్చరించారు నాగార్జున.
సంజన, ఫ్లోరాలకు బ్లాక్ స్టార్..
ఆ తరువాత సంజన, ఫ్లోరాలకు బ్లాక్ స్టార్‌లు ఇచ్చారు. మీరు బెలూన్ గేమ్‌ని పర్ఫెక్ట్‌గా ఆడారు. కానీ మీరు ఎమోషనల్‌గా డౌన్ అవుతున్నారు. మీ గురించి మీరు పోరాడటం లేదు. ఆటలో ఆడ మగా ఉండదు.. ముందు ఫైట్ చేయండి.. గెలుపు దానంతట అదే వస్తుంది. నువ్వు దొంగలా ఉండకు.. దొరలా ఉండు అని సంజనకి హితబోధ చేశారు నాగార్జున. ఇక బెస్ట్ కెప్టెన్ అన్న.. రాముపై కంప్లైంట్ చేసింది సంజనా. అతను భరణిగారికో న్యాయం మాకో న్యాయం అన్నట్టుగా ప్రవర్తిస్తున్నారు అని చెప్పడంతో.. ఆయనకి మెడికల్ ఇష్యూ ఉందని లోపలికి పంపించాను అని చెప్పాడు రాము.
శ్రీజని లేపి..
ఆ తరువాత శ్రీజని లేపి.. ‘నిన్ను రీతూ టార్గెట్ చేస్తుందని ఫీల్ అవుతున్నావా? అని అడిగారు నాగ్. ‘ఎస్ సార్.. కచ్చితంగా. చాలాసార్లు నన్ను టార్గెట్ చేస్తుంది. సుమన్ అన్న నాతో పెయిర్‌గా ఉంటే.. అతని దగ్గరకు వెళ్లి.. ఆమెతో ఎందుకు పెయిర్ అయ్యావ్ అని అడిగింది. నాతో తనకి ప్రాబ్లమ్ ఏంటో తెలియడం లేదు. నేను కూర్చున్నా.. వెళ్లిపోతుంది. నా పక్కన ఎవరు కూర్చున్నా తీసుకుని వెళ్లిపోతుంది. పోనీ పవన్ వల్లే తను నన్ను టార్గెట్ చేస్తుందా? అని అతన్ని కూడా అడిగాను’ అని చెప్పింది శ్రీజ. అప్పుడు శ్రీజ వైపు చూసిందీ.. మింగేసేట్టుగానే చూసింది రీతూ. దాంతో నాగార్జున.. ఏంటి రీతూ టార్గెట్ చేశావా? అని అడిగారు. అబ్బే అదేం లేదు సార్.. నేను అలాంటి దాన్ని కాదు సార్ అంటూ తనలోని ఉత్తమనటిని బయటకు తీసింది రీతూ. ‘హో అవునా.. మరి సుమన్ దగ్గరకు వెళ్లి.. శ్రీజాతో ఎందుకు పెయిర్ అవ్వావని ఎందుకు అడిగావ్’ అని అడిగారు నాగార్జున. ‘నేను అడిగానా? అన్నా’ అంటూ సుమన్‌ని అడిగింది రీతూ. ‘హా అడిగావ్ కదా’ అని సుమన్ చెప్పడంతో.. నాకైతే గుర్తు లేదు అని అన్నది. ఒకవేళ అడిగినా అందులో తప్పేం ఉంది సార్ అని మళ్లీ ప్లేట్ ఫిరాయించేసింది రీతూ.
Read Also: Bigg Boss Elimination: ఈసారి డబుల్ స్ట్రోక్.. హౌస్ నుంచి ఇద్దరు లేడీస్ ఔట్..!
ఓ ఆయుధం ఉంది నీ చేతిలో..
దాంతో నాగార్జున.. ‘నీకు రాముకి ఓ ఆయుధం ఉంది.. చేయాల్సిందంతా చేసేసి.. నాకు గుర్తు లేదు అని అంటారు. కట్ అయ్యింది నీ హెయిర్ మాత్రమే రీతూ.. నీ మెమొరీ కాదు.. కూర్చో అని కన్నింగ్ రీతూకి క్లాస్ పీకారు నాగార్జున. ఆ తరువాత ఫూల్ టాస్క్‌లో సుమన్ శెట్టి తప్పు చేయలేదని వీడియోతో నిరూపించారు నాగార్జున. ఎప్పడూ కోప్పడని వాడు కోప్పడ్డాడంటే ఆ మనిషి తప్పు చేయలేదనే కదా.. అలగడం తెలియని అజాత శత్రువు అలిగితే ఎలా ఉంటుందో.. నువ్వు కోప్పడితే అలా ఉంది. నువ్వు నిజంగా సపోర్ట్ తీసుకున్నావా? అని అడిగారు నాగ్. లేదు సార్ నేను తీసుకోలేదు సార్.. కానీ వాళ్లంతా నా తరుపున మాట్లాడలేదు అని అన్నాడు సుమన్.
కంత్రీ జంట..
ఆ తరువాత కంత్రీ జంట రీతూ, పవన్‌లను నిలబెట్టి కడిగేశారు నాగార్జున. ‘ఏం చెప్పను మీ ఇద్దరికీ..? బెలూన్ టాస్క్‌లో ఎంత బ్రిలియంట్ ఐడియా వచ్చింది రీతూ నీకు? నువ్వు సరిగ్గా ఆడేవాళ్లని కూడా చెడగొట్టావ్. ఊదుతూ గాల్లో ఉంచాలని చెప్తే.. నువ్వు పక్కన వేసేస్తే అది గాల్లో ఉన్నట్టే. నిన్ను చూసి మిగతా వాళ్లు కూడా అలాగే ఆడారు అని నాగార్జున అంటే.. ‘లేదు సార్.. నేను సంచాలక్‌లని అడిగాను సార్’ అంటూ బొకడం స్టార్ట్ చేసింది రీతూ చౌదరి. ఆరోజు మాత్రం.. థౌజండ్ పర్సంట్ నేను పక్కకి వేయలేదనే వాదించింది రీతూ. ఇప్పుడు మాత్రం.. నేను అడిగాను.. తొడిగాను అంటూ డ్రామాలాడింది. తప్పు మొత్తం సంచాలక్‌లదే అంటూ వాళ్ల మీదికి తోసేసింది. ఓ పక్క రాము.. ఫౌల్ గేమ్ అని అరుస్తున్నా.. అతని మాట వినిపించుకోకుండా శపథాలు చేసిన రీతూ ఇప్పుడు మాత్రం.. తప్పంతా సంచాలక్‌లదే అని వాళ్లపైకి నెట్టేసింది. దాంతో ఇమ్మానుయేల్.. ‘లేదు సార్.. మేం ఏం చెప్పలేదు.. నా హైట్ అడ్వాంటేజ్ వల్ల వేయగలిగాను’ అని చెప్పింది.. ఇప్పుడు ఇలా చెప్తుంది.. అక్కడికీ రాము కూడా దొరికిపోతావ్ అని చెప్పినా కూడా వినిపించుకోలేదు అని అన్నాడు ఇమ్మానుయేల్. మొత్తం విన్న నాగార్జున.. వీళ్లిద్దరికీ బ్లాక్ స్టార్‌లు ఇవ్వమని కళ్యాణ్‌కి చెప్పారు. చూశావా కళ్యాణ్.. ‘ఏ ఇద్దరైతే నీకు సపోర్ట్ చేయలేదని అన్నావో.. వాళ్లిద్దరికీ ఇప్పుడు నువ్వు బ్లాక్ స్టార్ పెట్టావ్.. నువ్వు గోల్డెన్ స్టార్ తీసుకున్నావ్.. వాళ్లిద్దరూ డేంజర్ జోన్‌లో ఉన్నారు.. నువ్వు సేఫ్ జోన్‌లో ఉన్నావ్.. ఆడితే ఆట మారిపోతుంది ’అంటూ హితబోధ చేశారు నాగార్జున.
Read Also: Bigg Boss Written Updates: ఎవరు ఏంటో అర్థం చేసుకో.. ఇప్పటికైనా కళ్లు తెరువు.. తనూజకు నాగ్ సలహా
