Bigg Boss Telugu 9-Red Card:బిగ్ బాస్ తెలుగు సీజన్ 9 ఇప్పుడు తన చివరి దశకు చేరుకుంటోంది. సెప్టెంబర్ ప్రారంభంలో మొదలైన ఈ రియాలిటీ షో ఇప్పటికే పన్నెండో వారాన్ని దాటింది. ప్రేక్షకుల దృష్టి మొత్తం ఇప్పుడు ఫైనల్కు దారి తీసే చివరి కొన్ని వారాలపై నిలిచింది. ఈ వారం నామినేషన్స్ ప్రక్రియ పూర్తవ్వడం తోపాటు హౌస్లో జరిగిన ఘర్షణలు షోను పూర్తిగా మరో దిశలోకి తీసుకుపోయాయి. ముఖ్యంగా కల్యాణ్ మరియు డిమాన్ పవన్ మధ్య చోటుచేసుకున్న ఉద్రిక్త పరిస్థితులు షోలోనే కాకుండా బయట సోషల్ మీడియాలో కూడా పెద్ద చర్చకు దారి తీశాయి.
కంటెస్టెంట్ల మధ్య గొడవే..
సాధారణంగా నామినేషన్ ఎపిసోడ్ లో కంటెస్టెంట్ల మధ్య గొడవే ఎక్కువగా కనిపిస్తుంది. కానీ ఈసారి వాతావరణం పూర్తిగా ఉద్రిక్తంగా మారింది. కామనర్స్ కేటగిరీలో హౌస్లోకి వచ్చిన కల్యాణ్, డిమాన్ పవన్ మొదటి వారాల నుంచే మంచి స్నేహితులుగా కనిపించారు. ఒకరికొకరు మద్దతుగా నిలబడడం ద్వారా ప్రేక్షకుల్లో కూడా వీరి ఫ్రెండ్షిప్ మంచి ఇంపాక్ట్ సృష్టించింది. అయితే, ఇటీవల జరిగిన నామినేషన్ ప్రక్రియలో వీరి బంధం ఒక్కసారిగా విరిగిపోయినట్లు పరిస్థితులు చూపించాయి.
మాటల యుద్ధం క్రమంగా..
నామినేషన్ సమయంలో మొదలైన మాటల యుద్ధం క్రమంగా ఘర్షణ స్థాయికి చేరి హౌస్లో వాతావరణం తీవ్రంగా మారింది. ఇద్దరూ పరస్పరం ఆరోపణలు చేసుకుంటూ, ఎవరికి ఎవరైనా తక్కువ కాదన్నట్లు సాగిన మాటతూటాలు ప్రేక్షకులను కూడా షాక్కు గురి చేశాయి. హౌస్లో ఉన్న ఇతర కంటెస్టెంట్లు పరిస్థితిని శాంతపరిచే ప్రయత్నం చేసినా, కలహం అనూహ్యంగా పెరుగుతూ పోయింది.
టైటిల్ రేసులో..
ఈ రగడలో కల్యాణ్, పవన్ ఇద్దరూ చూపిన స్పందన ప్రేక్షకుల విమర్శలకు కారణమైంది. సోషల్ మీడియాలో ప్రత్యేకంగా కల్యాణ్ ప్రవర్తనపై వ్యతిరేక వ్యాఖ్యలు వినిపిస్తున్నాయి. కొన్ని కఠిన పదాలు ఉపయోగించడం, కోపంతో హౌస్ ఫర్నిచర్ను తన్నడం వంటి చర్యలు అతనికి నెగెటివ్ ఇమేజ్ తీసుకొచ్చాయి. ఒకవైపు టైటిల్ రేసులో బలమైన పోటీదారునిగా భావించబడుతున్న కల్యాణ్, ఇలాంటి ప్రవర్తన వల్ల తన పేరుకు నష్టం వాటిల్లుతుందా అన్న ఆందోళన అభిమానుల్లో కనిపిస్తోంది.
కల్యాణ్ గొంతు పట్టుకున్నట్టు..
డిమాన్ పవన్ పరిస్థితి కూడా అంతే క్లిష్టంగా మారింది. గతంలో మాన్ హ్యాండ్లింగ్ విషయంపై నాగార్జున ఇప్పటికే పవన్కు హెచ్చరిక ఇచ్చిన విషయం తెలిసిందే. ఇప్పుడు మళ్లీ కలహం సమయంలో కల్యాణ్ గొంతు పట్టుకున్నట్టు కనిపిస్తున్న క్లిప్స్ సోషల్ మీడియాలో విస్తృతంగా చర్చకు దారి తీసాయి. ఈ చర్యపై కూడా ప్రేక్షకులు తీవ్ర అసంతృప్తి వ్యక్తం చేస్తున్నారు. దీంతో పవన్ పై ఈసారి మరింత కఠినంగా వ్యవహరించే అవకాశం ఉందని బిగ్ బాస్ వర్గాలలో చర్చ జరుగుతోంది.
రీతూ చౌదరిని
ఇద్దరి తగాదా మధ్య మరో కంటెస్టెంట్ సంజనా పేరు కూడా హాట్ టాపిక్గా మారింది. రీతూ చౌదరి గురించి ఆమె చేసిన వ్యాఖ్యలు శ్రుతిమించాయన్న అభిప్రాయాలు బయట వినిపిస్తున్నాయి. ఈ వ్యాఖ్యలు హౌస్లో ఉన్నవారినే కాకుండా ప్రేక్షకులనూ అసంతృప్తికి గురిచేశాయి. సోషల్ మీడియాలో కూడా సంజనా మీద తీవ్ర విమర్శలు వెల్లువెత్తుతున్నాయి. అందువల్ల వీకెండ్ ఎపిసోడ్లో ఆమెపై కూడా నాగార్జున కఠిన చర్యలు తీసుకునే అవకాశం ఉందని ఊహాగానాలు వెలువడుతున్నాయి.
Also Read: https://teluguprabha.net/biggboss/bigg-boss-9-telugu-demon-pavan-defeats-maanas-nagulapalli/
వీకెండ్ ఎపిసోడ్ పై
ఈ నేపధ్యంలో, వచ్చే వీకెండ్ ఎపిసోడ్ పై భారీ అంచనాలు ఏర్పడ్డాయి. సాధారణంగా నాగార్జున శనివారం, ఆదివారం ఎపిసోడ్లలో కంటెస్టెంట్లు చేసిన తప్పులపై క్లాస్ తీసుకుంటారు. ఈసారి మాత్రం ఘర్షణలు బాగా పెరగడంతో, మూడు మంది కంటెస్టెంట్లు ఆయన టార్గెట్ అయ్యే అవకాశముంది. కల్యాణ్కు హెచ్చరిక మాత్రమేనా లేక రెడ్ కార్డ్ వరకు వెళ్తారా అన్న ఉత్కంఠ ఉంది. పవన్పై మాత్రం మాన్ హ్యాండ్లింగ్ కారణంగా మరింత కఠిన చర్యలు తప్పవని చాలా మంది అభిమానులు భావిస్తున్నారు. సంజనా వ్యాఖ్యలపై నాగార్జున ఎలా స్పందిస్తారు అన్నదానిపై కూడా ఆసక్తి పెరిగింది.