Nagarjuna Bigg Boss: బిగ్ బాస్ తెలుగు తొమ్మిదో సీజన్ రెండోవారం కెప్టెన్ గా డీమాన్ పవన్ అయ్యాడు. అతను అయ్యాడనే దానికన్నా రీతూ చేసింది అని చెప్పొచ్చు. దీనిపైనే జనాలు నాగార్జున మాట్లాడాలనుకున్నారు. ఇందుకోసం, నాగార్జున వచ్చే ఎపిసోడ్ కోసం ఎంతగానో ఎదురుచూసారి. అందరూ అనుకున్నట్లే, ఈసారి మాత్రం వాయింపు మామూలుగా లేదు. అబ్బబ్బా వాయింపు అంటే ఇదే అన్నట్లుగా ఉంది. సరిగ్గా జనం ఏదైనా జరగాలని కోరుకున్నారో అదే జరిగింది. డీమాన్ పవన్, రీతూ చౌదరిలకు తుక్కు రేగ్గొట్టారు హోస్ట్ నాగార్జున. బిగ్ బాస్ సీజన్ 9 రెండోవారంలో హౌస్‌కి కెప్టెన్ అయ్యాడు డీమాన్ పవన్. అతను కెప్టెన్ అయ్యాడు అనేకంటే.. రీతూ చౌదరి చేసిందీ అని చెప్తే బావుంటుంది. ప్రియుడ్ని కెప్టెన్‌ని చేయడానికి దిగజారిపోయిన రీతూ చౌదరి సంచాలక్‌గా తనకి ఇచ్చిన బాధ్యతని అటకెక్కించి ఢమాల్ పవన్‌ని కెప్టెన్‌ని చేసింది. అసలు ఆ ఢమాల్ పవన్ కెప్టెన్ అయిన తీరు.. రీతూ దిగజారుడు చూస్తే ఆడియన్స్‌కి ఇంత దారుణమా? అని రక్తం ఉడికిపోయింది. వస్తాడు.. వస్తాడు.. వీకెండ్‌లో నాగార్జున వస్తాడు.. ఇద్దరికీ చెక్కేస్తాడు అని ముందు నుంచే అనుకున్నారు ఆడియన్స్. అనుకున్నట్టుగానే చెక్కేయడం కాదు.. ఢమాల్ పవన్‌ని కెప్టెన్సీ నుంచి పీకి పక్కనపెట్టారు.

Read Also: EMRS Recruitment: నిరుద్యోగులకు గుడ్ న్యూస్.. 7 వేలకు పైగా టీచర్ పోస్టులు.. ఎంపికైతే రూ.2 లక్షల జీతం

బిగ్ బాస్ చరిత్రలోనే..

న్యాయంగా గెలిచినా.. అన్యాయంగా గెలిచినా.. ఇప్పటి వరకూ బిగ్ బాస్ తెలుగు హిస్టరీలో కెప్టెన్ అయిన వాళ్లని తొలగించిన సందర్భాలు లేవు. అసలు కెప్టెన్ కావడానికే పెద్ద సమరం నడుస్తుంటుంది. అయితే, ప్రతివారం కూడా ఎవరికి వాళ్లు ఆడి గెలిస్తే గొడవే ఉండదు. కానీ.. బిగ్ బాస్ హౌస్‌లో ఉండే పెద్ద పెంట యవ్వారం ఏంటంటే.. అక్కడ కెప్టెన్ అవ్వాలంటే గొప్పగా ఆడితే సరిపోదు. హౌస్‌లో సపోర్ట్ ఉండాలి. ముఖ్యంగా.. ఏదైతే కెప్టెన్సీ టాస్క్ ఉంటుందో.. దానికో పనికిమాలినోడ్ని సంచాలక్‌గా పెడతారు. వాడు కష్టపడినోడ్ని మానేసి.. వాడికి ఎవడు ఇష్టమో వాళ్లని కెప్టెన్‌ని చేస్తుంటాడు. చాలా సందర్భాల్లో అదే జరిగింది. కానీ ఈరెండోవారం డీమాన్ పవన్ కెప్టెన్ అయిన తీరు చూస్తే.. ఛీ ఛీ.. నీదీ ఓ గెలుపేనరా అని బయట జనాలు అంటున్నారు. అతన్ని కెప్టెన్‌ని చేసిన రీతూనైతే అసహ్యించుకుంటున్నారు. ఏదో ఏళ్లకి ఏళ్లుగా ప్రేమలో ఉన్నట్టుగా తపించిపోతున్న డీమాన్ పవర్, రీతూ చౌదరిలు బిగ్ బాస్ హౌస్‌ని లవర్స్ పార్క్‌లా మార్చేసి తెగ రుద్దేసుకుంటున్నారు. ఇక డీమాన్ పవన్‌ని ఎలాగైనా కెప్టెన్‌ని చేయాలని తహతహలాడిపోయిన రీతూ చౌదరి.. సంచాలక్‌గా తనకి ఇచ్చిన బాధ్యతల్ని పక్కన పెట్టేసి.. ప్రియుడ్ని గెలిపించి.. డీమాన్ పవన్‌ని కెప్టెన్‌ని చేసింది.

Read Also: Gen Z: నిద్రకు దూరమవుతున్న జెన్ జెడ్.. కారణాలు తెలిస్తే షాక్ అవ్వాల్సిందే..!

కెప్టెన్సీకి అర్హుడేనా?

గెలవడం ముఖ్యం కాదు.. ఎలా గెలచాం అన్నదీ ముఖ్యమే కాబట్టి.. రీతూ చౌదరి, డీమాన్ పవన్‌లు చేసిన యవ్వారాన్ని నాగ్ బయటపెట్టారు. డీమాన్ పవన్‌ని కెప్టెన్సీ నుంచి తప్పించి సంచలన నిర్ణయం తీసుకున్నారు హోస్ట్ నాగార్జున. రంగుపడుద్ది అని ముందే చెప్పిన నాగార్జున.. హౌస్‌కి కెప్టెన్ అయిన డీమాన్ పవన్ కెప్టెన్సీకి అర్హుడా కాదా? అతని గెలిచిన తీరు కరెక్టేనా? అని అడిగారు. ఆ తరువాత వీడియోలు చూపించి మరీ చెడుగుడు ఆడుకున్నారు. రీతూ చౌదరి, డీమాన్ పక్క పక్కనే కూర్చుని.. ‘నువ్వు నాకోసం కెప్టెన్ అవుతావు కదా అని రీతూ.. అవుతానని డీమాన్.. ఇద్దరూ అనుకున్న మాటల్ని వీడియోలు చూపించారు. పవన్ పేరు పుష్ చేసింది నువ్వే కదా అని నాగార్జున రీతూని అడిగితే.. హా నేనే సార్ అని ఒప్పుకుంది. స్టాప్ అన్న తరువాత కూడా కెప్టెన్సీ రేస్‌లో ఉన్న భరణిని కావాలనే ఎలిమినేట్ చేశావ్.. పవన్‌ని కెప్టెన్ చేయడం కోసం అంటూ మరో వీడియో చూపించారు నాగార్జున. తనూజ, సంజనా చెప్తున్నా కూడా వినలేదు.. మొదటి నుంచి పవన్ కెప్టెన్ కావాలని అనుకున్నావ్.. చేశావ్.. ఇది కరెక్ట్ కాదు కాబట్టి.. నీ కెప్టెన్సీని రద్దు చేస్తున్నా అంటూ డీమాన్ పవన్ కెప్టెన్సీ బ్యాడ్జ్‌ని పీకేసి అతని కెప్టెన్సీ రద్దు చేశారు నాగార్జున. కాగా.. దీనికి సంబంధించిన ప్రోమో ప్రస్తుతం హాట్ టాపిక్ గా మారింది.