Bigg Boss Today Promo: బిగ్ బాస్ వారం అంతా చూసే ఆడియన్స్ కన్నా.. వారాంతంలో వచ్చే నాగార్జున ఎపిసోడ్స్ చూసే వాళ్లు ఎక్కువ. వారం రోజుల్లో జరిగే ఆట ఒకటైతే, వారాంతాల్లో నాగార్జున వచ్చే ఎపిసోడ్స్ మరో లెక్క. ఆదివారం నాటి ఎపిసోడ్‌లో ఎలిమినేషన్ మాత్రమే ఉంటుంది. అది కూడా ఎవరు ఎలిమినేటర్ అవుతారనే విషయం ముందే బయటకు వచ్చేస్తుంది కాబట్టి.. పెద్దగా ఇంట్రెస్ట్ ఉండదు. కానీ, శనివారం ఎపిసోడ్ లో అసలు మజా. ఆ ఎపిసోడ్ ఇచ్చే కిక్కే వేరప్ప. వారం మొత్తం జరిగిన ఆటగాళ్ల ఆటతీరుపై ప్రోగ్రెస్ రిపోర్ట్ పట్టుకుని వచ్చి.. అందర్నీ మడతపెట్టేస్తాడు నాగార్జున. అయితే బిగ్ బాస్ సీజన్ 9 తొలి శనివారం నాటి ఎపిసోడ్‌లో ఒక్కొక్కరికీ బాక్స్ బద్దలైపోతుంది అంటూ ఎంట్రీ ఇచ్చారు నాగార్జున. వైట్ అండ్ బ్లూ కలర్ డ్రెస్‌లో మెరిసిపోయారు నాగార్జున. ఇక హోస్ట్ ని చూడగానే హౌస్‌లో ఉన్న వాళ్లంతా ఓవర్ ఎగ్జైట్‌మెంట్ ఎప్పుడూ ఉండేది. ఫ్లోరా షైనీ అయితే మన్మధుడ్ని చూడగానే.. ఫ్లోర్‌పై పడిపోయింది. ఏంటి పడిపోయావ్ అంటే.. మిమ్మల్ని చూసే అని పంచ్ వేసింది ఫ్లోరా.

Read Also: Canada: కార్మిక విధానాల్లో మార్పులు.. ఇకపై కెనడా వెళ్లి పనిచేయాలంటే కష్టమే

మడతపెట్టిన నాగార్జున

ఆ తరువాత ఒక్కొక్కర్ని నాగార్జున మడతపెట్టేశారు. ఏంటి ఇమ్మానుయేల్ కాస్త చిక్కినట్టున్నావ్ అని అంటే.. సాంబార్ సార్.. సాంబార్ అని అన్నాడు. సరే కూర్చో గుండు అంకుల్ మనం తరువాత మాట్లాడుకుందాం అని హరీష్‌ని గుండు అంటూ హేళన చేసిన విషయాన్ని గుర్తు చేశారు నాగ్. ఇక రాము రాథోడ్‌ని ఎప్పుడు చూసిన బట్టలు ఉతుకుతూనే కనిపిస్తుండటంతో.. ‘అబ్బబ్బా ఏం ఉతుకుతున్నావ్.. ఏం పిండుతున్నావ్.. ఏం ఆరేస్తున్నావ్’ అని అన్నారు నాగార్జున. మిమ్మల్ని చూసిన తరువాత మొత్తం మర్చిపోయాను సార్ అని రాథోడ్ అంటే.. ‘మీరు మర్చిపోయారేమో.. నేను మర్చిపోలేదు.. నా ముందు బాక్స్‌లు ఉన్నాయి. ఒక్కొక్కరికీ బాక్స్‌లు బద్దలైపోతాయ్ అంటూ సంజనాతో మొదలుపెట్టారు.

Read Also: India-Pak match: క్రికెటర్లు ఏం చేస్తున్నారు? భారత్- పాక్ మ్యాచ్ పై పహల్గాం బాధితురాలు ఆగ్రహం

కన్నీళ్లు పెట్టుకున్న ఫ్లోరా..

తన రిలేషన్ షిప్ గురించి హౌస్‌లో మాట్లాడుతుందంటూ కన్నీళ్లు పెట్టుకుంది ఫ్లోరా షైనీ. ఆ విషయాన్ని ప్రస్తావిస్తూ సంజనా, ఫ్లోరాలను నిలబెట్టారు. తనకి పెళ్లి కాలేదని చెప్పడంతో.. ఆమె ఫ్రీబర్డ్ అని అన్నదంటూ హౌస్‌లో జరిగిన దాన్ని నాగార్జున ముందుంచింది ఫ్లోరా. అయితే ఏ డిక్షనరీలో కూడా ఫ్రీబర్డ్ అంటే తప్పుడు అర్థం ఉండదంటూ తెలివిగా తప్పించుకునే ప్రయత్నం చేసింది సంజనా. దాంతో నాగార్జున.. ఆ పదం తప్పు కాదు కానీ.. ఫ్లోరా మాట్లాడుతున్నప్పుడు యాడ్ చేయడం తప్పు అని అన్నారు నాగార్జున. ఆవిషయాన్ని మనసులో పెట్టుకున్న సంజనా.. నాకు కాఫీ ఇవ్వొద్దని చెప్పిందంటూ నాగార్జునకి కంప్లైంట్ చేసింది ఫ్లోరా. అయితే నేను అలా చెప్పలేదని సంజనా అనడంతో.. అన్నదంటూ ప్రియ, శ్రీజలు సాక్ష్యం చెప్పారు. దాంతో సంజనాను గట్టిగానే మందలించారు నాగార్జున. దీంతో, ఈ ప్రోమో ముగిసిపోయింది.