Bigg Boss Telugu: బిగ్బాస్ తెలుగు సీజన్ 9లోఇవాళ దీపావళి సెలబ్రేషన్స్‌ జరగనున్నాయి. హోస్ట్‌ నాగార్జున సహా కంటెస్టెంట్లు అందరూ సాంప్రదాయంగా ముస్తాబయ్యారు. ఈ మేరకు ఓ ప్రోమో కూడా వదిలారు. ప్రోమోలో నాగార్జునని చూసి ఆడియన్స్‌లో ఒక అమ్మాయి డైలాగ్ కొట్టింది. మటన్ బిర్యానీ అంటే ఎంత ఇష్టమో మీరంటే నాకు అంత పిచ్చి.. అని ఫ్యాన్ చెప్పగానే అమ్మో మటన్ బిర్యానీతో కంపేర్ చేశావా.. అంటూ నాగార్జున నవ్వుకున్నారు.
Read Also: Bigg Boss Telugu 9: ఈవారం షాకింగ్ ఎలిమినేషన్.. హౌస్ లో నుంచి టాప్ కంటెస్టెంట్ ఔట్..!
పెళ్లిచూపులు..
ఇక నాగార్జునని చూడగనే సార్ పెళ్లిచూపుల్లా కనిపిస్తున్నారు సార్.. అంటూ సంజన చెప్పింది. దీనికి అవును నీకూ నాకా.. అంటూ నాగ్ పంచ్ వేశారు. ఈరోజు ఆటలో గెలిస్తే ఏమొస్తుందో చెప్పనా.. ఫ్యామిలీ నుంచి వీడియో మెసేజ్ వస్తుంది.. నేను మూడు పదాలు చెప్తాను.. ఆ మూడు పదాలు విని సినిమా గెస్ చేయాలి.. అని నాగార్జున ఒక గేమ్ పెట్టారు. ఇక మధ్యమధ్యలో హౌస్మేట్స్ డ్యాన్స్ చేస్తుంటారు కదా. అలా సుమన్ శెట్టి దాయిదాయిదామ్మా పాటకి డ్యాన్స్ వేశాడు. సుమన్ డ్యాన్స్ చూసి అధ్యక్షా అదిరిపోయింది.. అంటూ నాగ్ కాంప్లిమెంంట్ ఇచ్చారు. తర్వాత హౌస్మేట్స్ అందరికీ బట్టలు పంపించారు నాగ్. ఈ పండగ రోజున నా కుటుంబ సభ్యులతో పండగ జరుపుకుందామని నేను మీ అందరికీ చిన్న గిఫ్ట్స్ తెచ్చాను.. అంటూ నాగ్ సర్‌ప్రైజ్ చేశారు. నాకు ఎందుకు సార్ ఇమ్మానుయేల్ ఫేవరెట్ కలర్ ఇచ్చారు.. అని తనూజ అడిగింది. ఆ కలర్‌లో నిన్ను చూస్తే ఇమ్మానుయేల్ రెడ్ ఫ్లవర్ అవుతాడు కాబట్టి.. అంటూ నాగ్ డైలాగ్ వేశారు. ఇక ప్రోమో చివరిలో హౌస్మేట్స్ నుంచి కొంతమందిని సెలక్ట్ చేసి వీడియో మెసేజ్‌లు ప్లే చేశారు.
Read Also: Bigg Boss Sreeja: బిగ్ బాస్ కోసం మంచి ఉద్యోగం వదిలేశా.. కన్నీళ్లు పెట్టుకున్న శ్రీజ
ఎమోషనల్ మూమెంట్స్
ముందుగా డీమాన్ పవన్ తల్లి మాట్లాడారు. తన తల్లిని చూడగానే పవన్ ఎమోషనల్ అయ్యారు. తర్వాత సుమన్ శెట్టి భార్య మాట్లాడారు. ఇక చివరిగా సంజన భర్త తన పిల్లలు ఇద్దరినీ కూర్చోబెట్టుకొని వీడియోలో కనిపించారు. నువ్వు చాలా బాగా ఆడుతున్నావ్ సంజన.. అలానే ఆడు.. నీ కోసం మేమంతా వెయిట్ చేస్తున్నాం.. హ్యాపీ దీపావళి నీకు.. . అంటూ సంజన భర్త చెప్పారు. తన పిల్లల్ని, భర్తని చూడగానే సంజన ఎమోషనల్ అయి ఏడ్చేసింది. ముఖ్యంగా సంజన పాప చాలా క్యూట్‌గా ఉంది. ఐదు నెలల పాపని ఇంట్లో వదిలేసి సంజన హౌస్‌లోకి వచ్చిన సంగతి తెలిసిందే. అందుకే అప్పుడప్పుడూ ఎవరికీ కనిపించకుండా సంజన ఏడుస్తూ ఉంటుంది. మొత్తానికి ఆరు వారాల తర్వాత తన పిల్లల్ని చూడగలిగింది సంజన. ఇక, ఈ దీపావళి ఎపిసోడ్‌ నేడు రాత్రి 7 గంటలకు ప్రసారం కానుంది.
