Bigg Boss Updates: బిగ్ బాస్ హౌస్ లో వాంటెడ్ పేటలో సంజన, మాధురి గ్యాంగ్ స్టర్స్ హల్చల్ చేస్తున్నారు. అయితే, ఇప్పటికే కొట్టేసిన డబ్బు మాధురి పంచేసింది. ఆ తర్వాత సంజన అక్కడికి వచ్చి ఐదుగురు అలిగి ఆటలాడితే ఎలా.. అంటూ అడిగింది. అలగమని ఎవరూ చెప్పలేదు సంజన.. అని మాధురి వాదించింది. లేదండీ బాధగా ఉంటుంది కదా.. అని సంజన చెప్పింది. ఎందుకు బాధగా ఉండదు మా దగ్గర డబ్బులు తక్కువ వచ్చినోళ్లకి బాధగా ఉండదా.. అంటూ మాధురి అంది. 2 వీక్స్ ఇమ్యూనిటీ అంటే మాటలు కాదు.. అది కూడా నేను 7వ వారంలో ఉన్నానమ్మా.. అని సంజన అంది. 7వ వారంలో ఉన్న నీకే ఇలా ఉంటే ఫస్ట్ వీక్‌లోనే నామినేషన్‌లో ఉన్న వాళ్లకి ఎలా ఉంటుంది మేము ప్రాణం పెట్టి ఆడాలని వాళ్లకి ఉంటుంది.. అంటూ మాధురి చెప్పింది. ప్రాణం పెట్టి ఆడండి కానీ వేరే వాళ్ల ప్రాణం పీకి ఆడకూడదు కదా.. అంటూ సంజన చెప్పింది.

Read Also: Bigg Boss Bharani: దివ్వెల మాధురి గేమ్ గురించి దువ్వాడ ఏమన్నారంటే?

ఇమ్మూతో డిస్కర్షన్

ఇక వాష్ రూమ్ దగ్గరికి వచ్చి ఇమ్మూతో సంజన ఇదే డిస్కస్ చేసింది. నిన్న నెట్టేద్దాం కళ్యాణ్‌కి అని చెప్పి ముగ్గురు అబ్బాయిలు చెప్పారు నాతో.. నేను లేదురా అది మన క్లాస్ కాదు.. ఇక్కడ వాళ్లు ఒక 10 మంది వస్తారు.. మనం 10 మంది పోతాం.. బాహుబలి క్లైమాక్స్‌లా గీక్కుద్దాం ఒకరినొకరు.. అది మన స్టాండర్డ్‌యే కాదురా.. బయట ఆర్టిస్టులం.. ఆవేశంలో డెసిషన్ తీసుకో వద్దు.. ఒక్క గుడ్డు దొంగతనంతో ఇది ఎలా కంపేర్ చేస్తారు.. 2 వీక్స్ ఇమ్యూనిటీ పోతుంది ఇమ్మూ.. అంటూ సంజన అంది. అయితే ఆ సమయంలో దివ్య అక్కడ ఉంది. దీంతో ఈ విషయం బయటికెళ్లి మాధురి వాళ్లతో చెప్పింది దివ్య. దివ్య ఈ విషయం చెప్పగానే మాధురి ఫైర్ అయింది. ఈ ఎక్స్‌ట్రాలు తగ్గించుకోమని చెప్పు ఇలాంటి మాటలు మాట్లాడితే కాలుతుంది.. ఏ క్లాస్ ఏ క్లాస్ గురించి మాట్లాడుతున్నారు ఆవిడ.. అంటూ మాధురితో పాటు కళ్యాణ్ కూడా ఫైర్ అయ్యాడు.

మాధురి టీ స్టాల్.. సంజన పానీ పూరి షాప్

కాసేపటి తర్వాత ఇద్దరు గ్యాంగ్ లీడర్లకి రెండు షాపులు ఇచ్చాడు బిగ్‌బాస్. మాధురి ఏమో టీ స్టాల్ తీసుకుంటే సంజన పానీపూరి షాప్ తీసుకుంది. ఈ షాపుల ద్వారా మీరు డబ్బు సంపాదించుకోవచ్చు.. అలానే మెంబర్లని గ్యాంగ్ మార్చుకునేందుకు మంతనాలు చేసుకోవచ్చని బిగ్‌బాస్ చెప్పాడు. ఇంతలో మా డబ్బులు కొట్టేశారు ఇది కరెక్ట్ కాదు కదా బిగ్‌బాస్ అని సంజన చెప్పింది. దీనికి బిగ్‌బాస్ అది మీ గ్యాంగ్స్ మధ్య ఇష్యూ కనుక మీరే చూసుకోండి అంటూ తప్పించుకున్నాడు. దీంతో కొట్టేయడం కరెక్టే అంటూ మాధురి టీమ్ గెంతులేసింది. ఆ తర్వాత బిగ్‌బాస్ ఓ టాస్క్ పెట్టాడు. డబ్బు సంపాదించడానికి నేను మీకు ఇస్తున్న రెండవ అవకాశం ధమాకా కిక్.. కాళ్లల్లో దమ్ము ఉండటం గ్యాంగ్‌స్టర్ ప్రొఫైల్‌లో అండర్‌లైన్ చేయదగ్గ అంశం.. ఎందుకంటే తమ కిక్‌తో ప్రత్యర్థి గుండెల్ని హడలెత్తించే సామర్థ్యం గ్యాంగ్‌స్టర్‌కి ఉండాల్సిన లక్షణం.. అది ఎవరిలో ఎంతుందో చూపించడానికి మరియు దాంతో డబ్బు సంపాదించడానికి గ్యాంగ్ లీడర్స్ మరియు గ్యాంగ్ మెంబర్స్‌కి ఇది ఒక అద్భుతమైన అవకాశం.. ఈ పోటీలో ప్రతి గ్యాంగ్ నుంచి ఐదుగురు పాల్గొంటారు.. బజర్ మోగినప్పుడల్లా ప్రతి గ్యాంగ్ నుంచి ఒక్కొక్కరు వచ్చి వెల్‌క్రో వాల్ ముందు నిలబడి కేవలం తమ కాలుని మాత్రమే ఉపయోగించి అక్కడున్న చెప్పును ఆ వాల్‌పై వీలైనంత ఎక్కువ ఎత్తులో అతుక్కునేలా చేయాలి.. ఎవరి చెప్పు అయితే ఎక్కువ ఎత్తులో అతుక్కుంటుందో వారు ఈ రౌండ్‌లో విజేతలు అవుతారు.

Read Also: Bigg Boss Written Updates: దొంగతనం తప్పు కాదు.. మాధురి మేడం తీర్పు..!

మరోసారి మాధురికి గెలుపు

ఇలా ఏ గ్యాంగ్ అయితే ఎక్కువ రౌండ్స్‌లో గెలుస్తుందో ఆ గ్యాంగ్ ఈ పోటీలో గెలుస్తుంది.. ఆ గ్యాంగ్ లీడర్‌కి 2 వేల బీబీ క్యాష్ బహుమతిగా లభిస్తుంది.. ఓడిపోయిన గ్యాంగ్ గెలిచిన గ్యాంగ్ లీడర్‌ని భుజంపై ఎత్తుకొని జై కొడుతూ ఇల్లంతా తిప్పాల్సి ఉంటుంది.. ప్రతి రౌండ్‌లో ఏ గ్యాంగ్ ఎంత ఎత్తులో చెప్పుని అతుక్కునేలా చేశారో గ్యాంగ్ లీడర్స్ అక్కడున్న బోర్డులో రాయాల్సి ఉంటుంది.. అని బిగ్‌బాస్ చెప్పాడు. ఈ టాస్కులో కూడా మాధురి టీమ్ గెలిచింది. దీంతో మాధురిని కుర్చీలో కూర్చోబెట్టుకొని ఇల్లంతా తిప్పుతూ జేజేలు కొట్టింది సంజన టీమ్. ఇక ఆ తర్వాత కెప్టెన్సీ టాస్క్ జరగనున్నట్లు తెలుస్తోంది.