Bigg Boss New Captain: బిగ్‌బాస్ తెలుగు సీజన్ 9 రోజురోజుకు మరింత ఇంట్రెస్టింగా మారుతోంది. అయితే, నాలుగో వారం డిఫరెంట్ టాస్కులతో కంటెస్టెంట్లను పరుగులు పెట్టిస్తున్నాడు. కాగా.. హౌస్ కొత్త కెప్టెన్‌గా రాము రాథోడ్ నిలిచాడు. ఈ కెప్టెన్సీ టాస్కులో మొత్తం నలుగురు హౌస్‌మేట్స్ కంటెండర్లుగా పోటీపడగా ఇందులో రాము గెలిచి సత్తా చాటాడు. అయితే, ఆటతో పాటు ఇక్కడ కాస్త లక్ కూడా కలిసొచ్చింది. ముందుగా కెప్టెన్సీ రేసు నుంచి కళ్యాణ్‌ని… డీమాన్ తప్పించాడు. తర్వాత ఇమ్మానుయేల్‌ని శ్రీజ రేసు నుంచి ఔట్ చేసింది. ఇక చివరిగా రాము, రీతూ చౌదరి రేసులో మిగిలారు. సరిగ్గా అప్పుడే కెప్టెన్ ఎవరో డిసైడ్ చేసే పవర్ భరణికి దక్కింది.
కెప్టెన్ గా రాము రాథోడ్
బిగ్‌బాస్ 9లో నాలుగో వారం కెప్టెన్‌గా రాము రాథోడ్ గెలిచాడు. పవన్ కళ్యాణ్ పడాల, ఇమ్మానుయేల్, రీతూ చౌదరి, రాము రాథోడ్ కెప్టెన్సీ కంటెండర్లు కాగా.. ఇక వీరి నుంచి కెప్టెన్ ఎవరో డిసైడ్ చేసేందుకు ఇవాళ బిగ్‌బాస్ ఒక టాస్క్ పెట్టాడు. అయితే, రెయిన్ డ్యాన్స్ పేరుతో పెట్టిన ఈ టాస్కులో మ్యూజిక్ స్టాప్ అయ్యే లోపు కంటెండర్స్ గొడుగు ఉన్న స్టాండ్‌ని బ్లూ స్క్వేర్‌లోకి పుష్ చేయాలి.. అలా చేయలేక విఫలమైతే డ్యాన్స్ చేస్తున్న ఇంటి సభ్యుడు.. కెప్టెన్సీ రేసు నుంచి ఒకర్ని తప్పించాలి.. అంటూ బిగ్‌బాస్ చెప్పాడు. అయితే, మొదటి రౌండ్‌లో ఇలా డ్యాన్స్ చేసే అవకాశాన్ని డీమాన్ గెలుచుకున్నాడు. వెంటనే కళ్యాణ్‌ని రేసు నుంచి పీకిపారేశాడు డీమాన్. ఆ వెంటనే శ్రీజకి అవకాశం వచ్చింది. ఆల్‌రెడీ కెప్టెన్ అయ్యాడనే కారణంతో ఇమ్మానుయేల్‌ని ఔట్ చేసింది శ్రీజ. దీంతో చివరిగా రాము, రీతూ చౌదరి మాత్రమే రేసులో మిగిలారు.
రీతూని తప్పించిన భరణి
ఇక చివరి రౌండ్‌లో భరణి చేతికి పవర్ వెళ్లింది. అయితే, డ్యాన్స్ చేసిన తర్వాత రీతూ చౌదరిని రేసు నుంచి తప్పిస్తూ భరణి నిర్ణయం తీసుకున్నాడు. దీంతో, నాలుగోవారానికి రాము రాథోడ్ హౌస్‌కి కెప్టెన్ అయ్యాడు. అసలైతే, ఈ వారం మొత్తం టాస్కుల్లో తన 100 పర్సంట్ ఇచ్చాడు రాము. అయితే, తన టీమ్‌లోనే ఉన్న సంజన ఏమాత్రం హెల్ప్ చేయకుండా అవతలి టీమ్‌కి సాయం చేయడంతో రాము టీమ్ ఓడిపోయింది. అయినప్పటికీ కంటెండర్ షిప్ టాస్కులో సంజనని రాము ఓడించాడు. అటు లక్, ఇటు ఆట రెండూ కలిసి రావడంతో రాము కెప్టెన్ అయ్యాడు.
Read Also: RCB: ఆర్సీ ఫ్రాంఛైజీ భవిష్యత్ ఏంటో..? అమ్మకానికి లలిత్ మోదీ షేర్లు?
కళ్యాణ్ ని కట్ చేయించిన రీతూ
ఇక తాను కెప్టెన్ అవ్వడానికి కళ్యాణ్‌ని తెలివిగా రేసు నుంచి తప్పించింది రీతూ. తన బడ్డీ అయిన డీమాన్ చేత కళ్యాణ్‌ని మొదటి రౌండ్‌లోనే ఔట్ చేయించింది. ఈ విషయం అర్థంకాగానే రీతూపై కళ్యాణ్ చిరాకుపడ్డాడు. సారీ చెప్పడానికి వచ్చిన రీతూని.. చేయి తియ్ అంటూ సీరియస్ అయ్యాడు కళ్యాణ్. హౌస్‌లో ఇప్పటివరకూ జరిగిన నాలుగు వారాల ఆటలో రీతూ వెనకాలే ఎక్కువగా కళ్యాణ్ తిరిగాడు. అయితే గత వీకెండ్ ఎపిసోడ్‌లో నాగార్జున ఫైర్ అవ్వడంతో కళ్యాణ్ తీరు కాస్త మారింది. ఈ వారం గేమ్‌లో అద్భుతంగా ఆడి కెప్టెన్సీ కంటెండర్ అయ్యాడు కళ్యాణ్. కానీ రీతూ చాలా సింపుల్‌గా, తెలివితో డీమాన్ తో కళ్యాణ్‌ని పీకిపారేసింది.
