Bigg Boss Telugu: బిగ్‌బాస్ సీజన్-9 రెండో వారం వరకు సప్పగా సాగింది కాస్తా.. ఇప్పుడు రంజుగా సాగుతుంది. నిన్నటి ఎపిసోడ్‌లో దివ్య నికితని వైల్డ్ కార్డ్ ఎంట్రీగా పంపించి అందరికీ షాకిచ్చాడు బిగ్‌బాస్. ఎందుకంటే ఆమె వద్దంటూ అతి తక్కువ ఓట్లు హౌస్‌మేట్స్ వేశారు. కానీ ఇది చదరంగం కాదు రణరంగం అంటూ ఎవరినైతే వద్దన్నారో వారినే తీసుకొచ్చా హౌస్‌మెట్‌గా అంటూ బిగ్‌బాస్ బుర్ర తిరిగేపోయే షాకిచ్చాడు. ఇక తాజాగా హౌస్‌లో జరిగి కెప్టెన్సీ టాస్కులో గెలిచి ఇమ్మానుయేల్ కొత్త కెప్టెన్‌గా ఎన్నికయ్యాడు. ఇది కాస్తా లీకైంది. అయితే, అందుకోసం పెట్టిన టాస్క్ ఏంటి.. ఎలా జరిగిందో చూద్దాం.

Read Also: Rithu Chowdhary: ముచ్చుమొహంతో ఎఫైరా? ఇంకా ఎందరి ఇళ్లల్లో దూరిందో.. రీతూపై హీరో భార్య సంచలన వ్యాఖ్యలు

దివ్య ర్యాంకింగ్స్..

ముందుగా నిన్న వైల్డ్ కార్డ్ ఎంట్రీ ద్వారా హౌస్‌లోకి వచ్చిన దివ్యకి బిగ్‌బాస్ ఓ బాధ్యత అప్పగించాడు. ఆల్‌రెడీ బయట ఆట చూసి వచ్చింది కాబట్టి.. హౌస్‌లో ఉన్న వారందరికీ ర్యాంకింగ్ ఇవ్వాలని దివ్యకి బిగ్‌బాస్ టాస్క్ ఇచ్చాడు. దీంతో దివ్య భరణికి నెం.1 ఇవ్వగా ఇమ్మానుయేల్‌కి 2, సంజనకి 3, డీమాన్‌కి 4, తనూజకి 5 ఇలా 13 వరకూ అందరికీ ర్యాంకింగ్స్ ఇచ్చింది. ఇది పూర్తికాగానే బిగ్‌బాస్ మరో ట్విస్ట్ ఇచ్చాడు. దివ్య అభిప్రాయం ప్రకారం కేవలం ఐదుగురు మాత్రమే కెప్టెన్సీ టాస్కుకి పోటీపడగలరు.. అంటూ బిగ్‌బాస్ చెప్పాడు. దీంతో టాప్-5లో ఉన్న వారికే ఆ ఛాన్స్ ఉంటుంది. కానీ అందులో ఉన్న సంజన, డీమాన్ ఇప్పటికే కెప్టెన్స్ కావడంతో వాళ్లిద్దరూ దివ్య, సుమన్ శెట్టిలకి ఛాన్స్ ఇచ్చారు.

Read Also: Bigg Boss Telugu 9: అప్పుడు క్యూట్.. ఇప్పుడు నెగెటివ్ కామెంట్లు..ప్రియా శెట్టి పేరెంట్స్ ఎమోషనల్ కామెంట్స్
ఐదుగురి మధ్య పోటీ

ఇలా దివ్య నికితా, భరణి, తనూజ, సుమన్ శెట్టి, ఇమ్మానుయేల్ మధ్య కెప్టెన్సీ టాస్క్ జరిగింది. పోటీదారులకి ‘తప్పిస్తారా గెలిపిస్తారా’ అనే టాస్క్ ఇచ్చాడు బిగ్‌బాస్. దీని ప్రకారం ఆటలో లేని మిగిలిన సభ్యులంతా బాల్స్‌తో పోటీదారుల్ని కొడతారు. ఇక స్టిక్ అయ్యే జాకెట్ వేసుకున్న ప్లేయర్లకి ఇవి అతుక్కుంటాయి. ఈ గేమ్‌లో చివరికి భరణి-ఇమ్మానుయేల్ నిలిచారు. ఇక వీరి నుంచి తదుపరి కెప్టెన్ ఎవరు అవ్వాలనే నిర్ణయాన్ని హౌస్‌మేట్స్‌కి అప్పగించాడు బిగ్‌బాస్. దీంతో హౌస్‌మేట్స్‌లో ఎక్కువమంది ఇమ్మూ కెప్టెన్ అవ్వాలని మద్దతు ఇచ్చారు. ఇలా హౌస్‌కి మూడో కెప్టెన్‌గా ఇమ్మానుయేల్ నిలిచాడు.

రెండుసార్లు నిరాశే..

వాస్తవానికి మొదటి రెండు వారాల్లో కూడా కెప్టెన్సీ టాస్కు కోసం ఇమ్మూ కంటెండర్‌గా పోటీ పడ్డాడు. మొదటి వారంలో మర్యాద మనీష్ తప్పుడు నిర్ణయం తీసుకోవడంతో రేసు నుంచి ఇమ్మూ తప్పుకోవాల్సి వచ్చింది. ఇక రెండో వారం అయితే డీమాన్‌ని రీతూ చౌదరి కెప్టెన్ చేసేసింది. ఆ నిర్ణయాన్ని వ్యతిరేకిస్తూ కెప్టెన్సీని నాగార్జున కూడా రద్దు చేశారు. అయితే మళ్లీ టాస్కు పెట్టగా డీమాన్ గెలవడంతో ఇమ్మూకి మరోసారి నిరాశే మిగిలింది. కానీ ఇప్పుడు మూడో వారం మాత్రం అటు ఆటతో పాటు అన్నీ కలిసిరావడంతో ఇమ్మూ కెప్టెన్ అయిపోయాడు. హౌస్‌కి మొదటి వారంలో సంజన కెప్టెన్ కాగా, రెండో వారం డీమాన్ అయ్యారు.